Свeт без межаў
24 верасня 2024 года № 10 (1311)
ІНАВАЦЫЙНАЯ ПЕДАГОГІКА Ў МІЖНАРОДНЫМ КАНТЭКСЦЕ
БДПУ займае лідзіруючыя пазіцыі ў сферы экспарту адукацыйных паслуг. Зараз у нас вучыцца каля 800 замежных студэнтаў, магістрантаў і аспірантаў з 12 краін свету, і кіраўніцтва ўніверсітэта актыўна працуе над пашырэннем пераліку сумесных адукацыйных праграм. Мы заўсёды рады прымаць моладзь, якая прагне атрымліваць сучасныя веды ў прафесіяналаў. Так, у пачатку верасня БДПУ прывітаў студэнтаў з Узбекістана.
Адным з напрамкаў супрацоўніцтва паміж БДПУ і Ташкенцкім дзяржаўным педагагічным універсітэтам імя Нізамі (Рэспубліка Узбекістан) з’яўляецца стварэнне сумесных адукацыйных праграм. Яны рэалізуюцца Інстытутам псіхалогіі, Інстытутам інклюзіўнай адукацыі, факультэтамі дашкольнай і пачатковай адукацыі, сацыяльна-педагагічных тэхналогій і фізічнага выхавання. У межах рэалізацыі адной з такіх праграм у Інстытут псіхалогіі БДПУ прыбылі студэнты 3-га курса сумеснага з ТДПУ факультэта «Інавацыйная педагогіка». Будучыя настаўнікі праходзяць навучанне на ўзбекска-беларускім факультэце, створаным у рамках супрацоўніцтва дзвюх устаноў. «Вучоба тут вельмі цікавая. Выкладчыкі прафесійныя, лекцыі праходзяць у прыязнай атмасферы. Матэрыял падаецца даступна, а практычныя заняткі дапамагаюць лепш засвоіць веды. Мне ўсё вельмі падабаецца», – падзялілася сваімі думкамі Рэната Арыпджанава.
Госці паступова асвойваюцца ў беларускай сталіцы, знаёмяцца з прыродай і культурай нашай краіны, назапашваюць новыя веды, уражанні, эмоцыі. Азіза Хаджыябарава паспела адзначыць не толькі цёплую атмасферу, што пануе на лекцыях, але і надзвычай камфортнае надвор’е, і прыгажосць горада. Згодны з ёй і Вагіф Амаеў: «Мне адразу спадабалася прырода і вельмі чыстае паветра! Мы з групай паехалі на Мінскае мора, пакаталіся на лодцы. Прызнаюся, што не чакаў такой прыгажосці. Бачыў гэтыя краявіды на фота, але рэальнасць пераўзышла чаканні. Таксама паспеў адкрыць для сябе, наколькі смачныя ў Беларусі малочныя прадукты».
У Махінур Бахціеравай па-летняму яркае сонца, нечакана прыемнае надвор’е, свежае паветра таксама ствараюць цудоўны настрой і жаданне даследаваць горад. Да таго ж дзяўчына адзначыла выдатныя бытавыя ўмовы, створаныя для студэнтаў БДПУ: «Мы жывём у вельмі ўтульным інтэрнаце! Пакоі чыстыя і прасторныя, а суседзі добразычлівыя, што вельмі важна для камфортнага пражывання. Тут ёсць усё неабходнае для вучобы і адпачынку».
Замежных слухачоў пазнаёмяць з апошнімі дасягненнямі беларускай псіхалогіі. У праграме не толькі тэорыя, але і практычныя заняткі. Пасля заканчэння навучання выпускнікі атрымаюць два дыпломы: беларускай і ўзбекскай устаноў вышэйшай педагагічнай адукацыі. Такой магчымасцю ўжо скарысталіся больш за 400 чалавек.
МАСТАЦТВА ЯДНАЕ КУЛЬТУРЫ І НАЦЫІ
Супрацоўніцтва БДПУ з кітайскімі ўніверсітэтамі на працягу апошніх гадоў развіваецца надзвычай інтэнсіўна. Наш станоўчы вопыт па папулярызацыі ў Паднябеснай айчыннай сістэмы адукацыі дае відавочны плён: кожны год усё больш прадстаўнікоў гэтай краіны выбіраюць БДПУ ў якасці сваёй alma mater. А дзякуючы сумесным адукацыйным праграмам студэнты кітайскіх устаноў маюць магчымасць набываць у нас веды і вопыт, не развітваючыся з радзімай надоўга. Такой магчымасцю скарысталіся 34 трэцякурснікі Хэнаньскага прафесійнага інстытута мастацтваў: новы вучэбны год яны пачалі на факультэце эстэтычнай адукацыі БДПУ. Наперадзе – цікавы і займальны вучэбны працэс, а пакуль госці ахвотна дзеляцца з чытачамі «Н» уражаннямі ад першых дзён у нашым універсітэце і ўвогуле ў Мінску.
Бай Яці:
– Мы прыехалі ў Беларусь з горада Шанхай. З-за розніцы ў часе наш самалёт прызямліўся ў Мінску ўначы. Нягледзячы на гэта, прадстаўнікі БДПУ сустрэлі нас у аэрапорце, забяспечылі транспартам да інтэрната і харчаваннем. Пералёт быў доўгі, усе стаміліся і хутка пайшлі адпачываць. У першыя дні дэкан факультэта эстэтычнай адукацыі І.У. Шасцітка правяла з намі сустрэчу, расказала пра падрыхтоўку педагогаў-музыкантаў, пра традыцыі БДПУ. Бытавыя пытанні дапамагла вырашыць наш куратар – дацэнт Чжу Цзын: яна падказала, дзе знаходзяцца гандлёвыя цэнтры і крамы тавараў першай неабходнасці, расказала пра некаторыя мясцовыя звычаі. Адаптацыя праходзіць добра, мы ўпэўнены, што вучоба ў БДПУ будзе плённай і захапляльнай!
Лі Сіцзэчжэн:
– Калі мы ўпершыню гулялі па вуліцах Мінска, мясцовыя жыхары прыязна ўсміхаліся, і нам гэта было прыемна. У Беларусі нас прынялі вельмі цёпла і гасцінна. Было няпроста прывыкнуць да мясцовай кухні і прадуктаў, таму некаторыя нашы студэнты гатуюць самі. Наш вучэбны корпус знаходзіцца побач з Нацыянальнай бібліятэкай Беларусі, а інтэрнат размешчаны ў цэнтры горада. Там ёсць усё неабходнае для камфортнага пражывання, нават трэнажорная зала. Побыт паступова наладжваецца, мы прывыкаем да новай абстаноўкі і з вялікай цікавасцю наведваем заняткі.
Лі Юань:
– З першых дзён знаходжання ў Мінску найбольш запомнілася экскурсія ў Нацыянальны мастацкі музей Беларусі, якую для нас правяла куратар Чжу Цзын. Яна расказвала займальныя факты пра карціны, тлумачыла асаблівасці кожнага твора, каб мы лепш адчулі чароўнасць розных культур. Хачу выказаць падзяку куратару за тое, што, нягледзячы на занятасць, яна з намі на сувязі 24/7, заўсёды гатова дапамагчы ў вучэбных і жыццёвых пытаннях, падзяліцца вопытам.
Лю Шыбо:
– Яркай падзеяй для нас стаў удзел у Мінскім паўмарафоне. Я была прыемна ўражана тым, што да забегу далучыліся не толькі студэнты ўніверсітэта, але і яго кіраўніцтва на чале з рэктарам БДПУ А.І. Жуком. Каманда ўніверсітэта была сапраўды велізарная, мы пазнаёміліся з многімі прадстаўнікамі іншых факультэтаў. Дафамін, які выпрацоўваецца падчас бегу, дазваляе людзям адчуваць сябе шчаслівымі. Таму марафон – гэта не проста забег, гэта сустрэча цела, розуму і душы. І я вельмі радая, што атрымала вопыт такой сустрэчы.
Чжан Цзыі:
– Мы ўжо ўключыліся ў вучэбны працэс, і асабіста мне найбольш падабаюцца заняткі па харэаграфіі. Наш выкладчык класічнага танца Паліна Генадзьеўна Кандраценка строгая і вельмі прыгожая. На яе хочацца раўняцца! Хоць мы яшчэ крыху скаваныя, выкладчык карэкціруе нашы рухі, вучыць слухаць сваё цела і выказваць эмоцыі праз танец. Упэўнена, што нашы першыя поспехі не за гарамі!
Чжоу Чжэнян:
– З моманту прыбыцця ў Мінск мы заўсёды вельмі занятыя, але кожны дзень прыносіць нам задавальненне. Актуальным застаецца пытанне моўнай адаптацыі. Мы стараемся выкарыстоўваць рускую мову ў зносінах і вучэбным працэсе, хоць не заўсёды гэта лёгка. Задаём шмат пытанняў выкладчыкам, удакладняем назвы прадметаў, тэрміналогію… Маўленчыя навыкі паступова ўдасканальваюцца, і гэта яшчэ адзін істотны плюс навучання ў БДПУ. Спадзяюся, усе моўныя бар’еры будуць пераадолены!
3 верасня 2024 года № 9 (1310)
Прарэктар БДПУ па вучэбнай рабоце А.В. Макоўчык і начальнік упраўлення міжнароднага супрацоўніцтва І.У. Козел сустрэліся з прэзідэнтам Шэньчжэньскай карпарацыі па міжнароднай адукацыі Хуасі (Кітайская Народная Рэспубліка) Чэнь Юйлань і яго памочнікам Ван Шычэнь. Асноўная тэма перамоў – супрацоўніцтва ў галіне міжнароднай адукацыі, пытанні рэкрутацыі абітурыентаў для навучання па спецыяльнасцях БДПУ на I і II ступенях атрымання адукацыі і падрыхтоўчым аддзяленні. Асаблівую цікавасць у кітайскіх гасцей выклікалі пытанні арганізацыі сумесных адукацыйных праграм па схемах «2+2», «2+2+1», «3+1+1» і адкрыцця Цэнтра рускай мовы на базе Шэньчжэньскай карпарацыі з удзелам БДПУ. Вынікам візіту стала падпісанне дагавора аб супрацоўніцтве.
Дырэктар Інстытута інклюзіўнай адукацыі БДПУ В.В. Хітрук прыняла ўдзел у рабоце 31-й сесіі Камітэта ААН па правах інвалідаў (г. Жэнева, Швейцарская Канфедэрацыя). Дэлегацыя Міністэрства адукацыі Рэспублікі Беларусь, у склад якой уваходзіла Вера Валер’еўна, прадставіла даклад аб рэалізацыі правоў людзей з інваліднасцю і іх сацыяльнай інтэграцыі. У кампетэнцыю В.В. Хітрук уваходзіў блок пытанняў, звязаных з правамі інвалідаў у сферы адукацыі.
Студэнтка факультэта сацыяльна-педагагічных тэхналогій БДПУ Валерыя Вайцянкова ў складзе дэлегацыі Рэспублікі Беларусь прыняла ўдзел у Міжнародным форуме валанцёраў краін СНД у рамках Года валанцёрскага руху. На форуме, які прайшоў у Кыргызскай Рэспубліцы, Валерыя падзялілася вопытам сваёй дабрачыннай дзейнасці, прыняла ўдзел у інтэрактыўных пляцоўках, сесіях, майстар-класах і воркшопах.
25 чэрвеня 2024 года № 8 (1309)
УСХОДНІ ВЕКТАР СУПРАЦОЎНІЦТВА
У БДПУ прайшла серыя сустрэч з дэлегацыямі ўстаноў вышэйшай адукацыі Кітайскай Народнай Рэспублікі: Хэнаньскага ўніверсітэта (4 чэрвеня), Хуайіньскага педагагічнага ўніверсітэта (11 чэрвеня), універсітэта Хэсі (12 чэрвеня). Таксама быў арганізаваны круглы стол, які ў рэжыме анлайн адбыўся паміж БДПУ і Усходне-Кітайскім педагагічным універсітэтам (далей – УКПУ).
У ходзе сустрэч дэлегацыі з КНР наведалі факультэты эстэтычнай адукацыі, фізічнага выхавання, пачатковай і дашкольнай адукацыі, дзе азнаёміліся з матэрыяльнай базай, арганізацыяй вучэбных заняткаў, работай рэсурсных цэнтраў, паразмаўлялі з суайчыннікамі – студэнтамі, магістрантамі і аспірантамі БДПУ. Кітайскія партнёры выказалі цікавасць да стварэння сумесных адукацыйных праграм і арганізацыі акадэмічнага абмену выкладчыкамі і студэнтамі.
У рамках круглых сталоў бакі абмяняліся думкамі па ажыццяўленні эфектыўнага ўзаемадзеяння паміж універсітэтамі. Вынікам працы стала падпісанне Дагавора аб супрацоўніцтве паміж БДПУ і ўніверсітэтам Хэсі, а таксама двух дадатковых пагадненняў з універсітэтам Хэсі і Хуайіньскім педагагічным універсітэтам аб стварэнні і рэалізацыі адукацыйнай праграмы сумеснай падрыхтоўкі спецыялістаў у фармаце «3+1+1» па спецыяльнасцях «Фізічная культура», «Пачатковая адукацыя», «Дашкольная адукацыя», «Музычная адукацыя», «Мастацкая адукацыя».
Галоўнай тэмай круглага стала паміж БДПУ і УКПУ стала абмеркаванне сучаснага стану і перспектыў развіцця фізічнай культуры ў рамках універсітэцкай адукацыі на прыкладзе абедзвюх устаноў. Партнёры прадставілі дасягненні кожнага з бакоў не толькі ў падрыхтоўцы будучых выкладчыкаў фізічнай культуры і выхаванні спартсменаў, але і ў фарміраванні здаровага ладу жыцця моладзі. Прадстаўнікі БДПУ таксама расказалі аб імплементацыі гімнастыкі ушу ў адукацыйны працэс. Вынікам дадзенага мерапрыемства, а таксама работы з дэлегацыяй Хэнаньскага ўніверсітэта стане мемарандум аб супрацоўніцтве ў сумеснай падрыхтоўцы спецыялістаў, развіцці акадэмічнага абмену.
Ігар КОЗЕЛ,
начальнік упраўлення
міжнароднага супрацоўніцтва
БЕЛАРУСЬ–УЗБЕКІСТАН: падводзім вынікі павышэння кваліфікацыі
На працягу месяца 11 прадстаўнікоў прафесарска-выкладчыцкага складу Тэрмезскага дзяржаўнага педагагічнага інстытута (Рэспубліка Узбекістан) асвойвалі адукацыйную праграму павышэння кваліфікацыі «Інтэнсіўнае навучанне: тэхналогіі арганізацыі адукацыйнага працэсу». Заняткі праводзіліся ў змешаным фармаце на базе Інстытута павышэння кваліфікацыі і перападрыхтоўкі БДПУ.
За час навучання калегі з Узбекістана асвоілі тэхналогіі развіцця медыяінфармацыйнай граматнасці суб’ектаў адукацыйнага працэсу; азнаёміліся з гульнявымі тэхналогіямі і папрактыкаваліся ў стварэнні шматмерных дыдактычных інструментаў; пашырылі свае кампетэнцыі па стварэнні электронных адукацыйных рэсурсаў. У рамках павышэння кваліфікацыі слухачы ІПКіП таксама сустрэліся з прадстаўнікамі факультэтаў і інстытутаў БДПУ, пазнаёміліся з гісторыяй і культурай Беларусі і горада Мінска. Яны наведалі Нацыянальную бібліятэку, Музейны комплекс старажытных народных рамёстваў і тэхналогій «Дудуткі», гандлёвы цэнтр «Першы Нацыянальны гандлёвы дом».
На выніковым круглым стале ўзбекскія калегі падзяліліся сваімі ўражаннямі пра павышэнне кваліфікацыі і знаходжанне ў Мінску.
Кадзірава Мукадас Тагаеўна, загадчык кафедры тэорыі і методыкі навучання англійскай мове: «Хачу адзначыць насычанасць нашай праграмы актуальным вучэбным матэрыялам, пазітыўную атмасферу на занятках і высокі прафесіяналізм прафесарска-выкладчыцкага складу БДПУ. Нам усё вельмі спадабалася».
Уралаў Сардор Абдула углі, выкладчык кафедры тэорыі і методыкі фізічнай культуры: «Найперш мне спадабалася сама Беларусь: надвор’е, культура, сістэма адукацыі, а таксама прыязнасць людзей. У будучыні мы з калегамі хацелі б рэалізаваць шмат інавацыйных праектаў сумесна з БДПУ».
Хакімава Шарафат Абдусатараўна, старшы выкладчык кафедры тэхналагічнага навучання: «Мы былі вельмі задаволены сустрэчай у аэрапорце і крануты цёплым прыёмам з караваем і беларускімі спевамі ў вучэбным корпусе № 9. Асобную падзяку ад імя прадстаўнікоў ТДПІ выказваю дырэктару ІПКіП БДПУ Ірыне Уладзіміраўне Шасцітка за рэалізацыю навучання і магчымасць наведаць Мінск».
Вераніка МІЛАШ,
спецыяліст сектара
інфармацыйнага забеспячэння
ІПКіП
31 мая 2024 года № 7 (1308)
БЕЛАРУСЬ – УЗБЕКІСТАН: ВОПЫТ АРГАНІЗАЦЫІ ПРОФІЛЬНАГА НАВУЧАННЯ
У пачатку мая на ІПКіП БДПУ прайшлі навучанне 16 прадстаўнікоў прафесарска-выкладчыцкага складу 14 устаноў вышэйшай адукацыі Рэспублікі Узбекістан па вучэбнай праграме павышэння кваліфікацыі «Тэорыя і практыка арганізацыі дзейнасці педагагічных класаў». Замежныя калегі былі накіраваны ў Рэспубліку Беларусь на падставе задання Адміністрацыі Прэзідэнта Рэспублікі Узбекістан і ў адпаведнасці з праграмай «Школа жыцця», якая рэалізуецца пры непасрэдным кіраўніцтве Міністэрства дашкольнай і школьнай адукацыі гэтай краіны.
Праграма павышэння кваліфікацыі была насычанай і разнастайнай, уключала практычныя і тэарэтычныя аспекты. Яркай падзеяй для ўзбекскіх педагогаў стала сустрэча з імі рэктара БДПУ А.І. Жука. Аляксандр Іванавіч прадставіў гасцям вынікі педагагічнай прафілізацыі адукацыйнага працэсу. Прысутным таксама былі ўручаны камплекты вучэбных дапаможнікаў, якія выкарыстоўваюцца пры правядзенні факультатыўных заняткаў «Уводзіны ў педагагічную прафесію» ва ўстановах агульнай сярэдняй адукацыі Рэспублікі Беларусь.
У рамках навучання калегі прынялі ўдзел у рабоце педагагічнай студыі, вызначылі магчымасці і цяжкасці педагагічнай прафілізацыі, засвоілі методыкі і практыкаванні «Знайдзі тых, хто…», «Кола знаёмстваў» і «Броўнаўскі рух». Гэтыя заняткі ў бінарным фармаце правялі дырэктар ІПКіП БДПУ І.У. Шасцітка і намеснік начальніка цэнтра развіцця педагагічнай адукацыі Ю.М. Ягорава. У адпаведнасці з вучэбнай праграмай павышэння кваліфікацыі слухачы азнаёміліся з методыкай работы з партфоліа «Я – педагог», разгледзелі спецыфіку выкладання педагагічнага і псіхалагічнага модуляў факультатыўных заняткаў «Уводзіны ў педагагічную прафесію».
Нашым гасцям была прадстаўлена ўнікальная магчымасць павучыцца на практыцы ў педагогаў сталічных СШ № 126 і № 155. Таксама яны атрымалі адказы на пытанні, што датычыліся фарміравання педагагічных і профільных класаў, правялі педагагічнае і ўключанае назіранне за факультатыўнымі заняткамі з навучэнцамі педагагічных класаў. Па словах нашых калег, уважлівае вывучэнне педагагічных метадаў і падыходаў у школах горада Мінска стала каштоўным вопытам, які яны змогуць прымяніць у сваёй практыцы.
Акрамя адукацыйнай часткі для ўзбекскіх педагогаў было прадугледжана знаёмства з гісторыяй і культурай Беларусі. Нашы госці прагуляліся па Мінску, наведалі Нацыянальную бібліятэку і Беларускі дзяржаўны музей гісторыі Вялікай Айчыннай вайны. Паколькі вучэбная праграма павышэння кваліфікацыі рэалізоўвалася ў святочныя майскія дні, важным момантам стала ўшанаванне памяці герояў Вялікай Айчыннай вайны і ўрачыстае ўскладанне кветак да стэлы «Мінск – горад-герой».
У выніку знаходжання ў БДПУ, як адзначылі нашы калегі, яны атрымалі не толькі новыя веды, але і яскравыя ўражанні, якія застануцца з імі на доўгі час.
Настасся НАЛІВАЙКА,
начальнік сектара
інфармацыйнага забеспячэння ІПКіП
СТУДЭНЦКІЯ СМІ – НА ВАРЦЕ БЕЛАРУСКА-РАСІЙСКАГА СУПРАЦОЎНІЦТВА
Больш за 150 удзельнікаў з 60 універсітэтаў Беларусі і Расіі сустрэліся на II Расійска-Беларускім форуме студэнцкіх СМІ «Індустрыя медыя» ў Пскоўскім дзяржаўным універсітэце (далей – ПскоўДУ). Дэлегацыю Рэспублікі Беларусь, у склад якой увайшлі студэнты і супрацоўнікі прэс-службаў устаноў вышэйшай адукацыі краіны, узначаліў намеснік начальніка Рэспубліканскага маладзёжнага цэнтра А.І. Сарокін. Наш універсітэт на форуме прадстаўляў спецыяліст прэс-службы БДПУ У.А. ЛЯНІЎКА. Уладзіслаў Анатольевіч падзяліўся з чытачамі «Н» уражаннямі ад мерапрыемства.
– У працы Форуму прасочваліся два трэкі: адзін – для студэнтаў, а другі – для супрацоўнікаў: тых, хто вызначае і накіроўвае ўсю інфармацыйную дзейнасць ва ўніверсітэтах. Былі арганізаваны лекцыі і майстар-класы, круглыя сталы і стратэгічныя сесіі, у прыватнасці, «Роля рэгіянальных СМІ ў развіцці маладзёжных ініцыятыў», «Інфармацыйнае ўзаемадзеянне паміж расійскімі і беларускімі ўніверсітэтамі: лепшыя практыкі». У рабоце пляцовак бралі ўдзел прадстаўнікі Дэпартамента інфармацыйнай палітыкі і комплекснай бяспекі Міністэрства адукацыі і навукі Расіі, упраўленняў інфармпалітыкі ўніверсітэтаў Расійскай Федэрацыі і Рэспублікі Беларусь, якія дзяліліся вопытам стварэння кантэнту ў медыйнай прасторы, знаёмілі прысутных з апошнімі тэндэнцыямі развіцця медыяіндустрыі.
Таксама ў рамках Форуму прайшло пленарнае пасяджэнне «Захаванне гісторыка-культурнай спадчыны Саюзнай дзяржавы: праектная дзейнасць у сферы навукі і вышэйшай адукацыі». Падчас мерапрыемства вялася размова пра важныя праекты, якія звязваюць Пскоўскую вобласць і Рэспубліку Беларусь у сферы захавання гісторыка-культурнай спадчыны, а таксама прагучала прапанова стварыць на базе ПскоўДУ медыяхаба, які будзе прасоўваць каштоўнасці Расіі і Беларусі, выхоўваць лідараў грамадскай думкі, распрацоўваць адзіную стратэгію развіцця.
Завяршальным акордам Форуму стала прадстаўленне праектаў, накіраваных на захаванне гісторыка-культурнай спадчыны абедзвюх краін. Арганізатары ўзнагародзілі лаўрэатаў міжнароднага конкурсу на лепшы медыякантэнт студэнцкіх СМІ Расіі і Беларусі, што адбыўся ў рамках праграмы акадэмічнага лідарства «Прыярытэт-2030». Таксама былі агучаны імёны пераможцаў II Расійска-Беларускага форуму студэнцкіх СМІ «Індустрыя медыя» – аўтараў праектаў «Навуковы мост», «Студэнты назаўжды» і «Саюзны стыль».
Я ўпэўнены, што за гэтыя тры дні ў выніку нашай сумеснай творчай працы абавязкова з’явяцца новыя медыйныя, творчыя праекты, якія мы разам будзем імкнуцца рэалізаваць.
3 мая 2024 года № 6 (1307)
У апошні тыдзень красавіка прадстаўнікі рэктарата БДПУ на чале з першым прарэктарам універсітэта С.І. Копцевай сустракалі гасцей з Паўночнага (Арктычнага) федэральнага ўніверсітэта імя М.В. Ламаносава (далей – ПАФУ). У склад дэлегацыі ўвайшлі рэктар установы А.У. Кудрашова, начальнік упраўлення міжнароднага супрацоўніцтва Л.А. Зарубіна, загадчык кафедры спецыяльнай педагогікі і псіхалогіі Н.Ю. Флоцкая. Калегі абмеркавалі тэму развіцця існуючых і распрацоўкі новых напрамкаў узаемадзеяння.
Вынікам перамоў стала падпісанне дагавора паміж БДПУ і ПАФУ аб сеткавай форме рэалізацыі адукацыйнай праграмы па спецыяльнасці «Інклюзіўная і спецыяльная адукацыя». Таксама бакі дамовіліся актывізаваць акадэмічную мабільнасць студэнтаў і прафесарска-выкладчыцкага складу, супрацоўніцтва ў навукова-даследчай дзейнасці. Асаблівую цікавасць у гасцей выклікалі беларускі вопыт арганізацыі ранняй прафесійнай арыентацыі школьнікаў (педагагічныя класы), а таксама грамадзянска-патрыятычны праект БДПУ – інтэрнацыянальны Зорны паход па месцах баявой і працоўнай славы беларускага народа, які з’яўляецца адным з інструментаў фарміравання міжнароднага іміджу нашага ўніверсітэта.
У Беларуска-Казахстанскім культурна-адукацыйным цэнтры БДПУ прарэктар па вучэбнай рабоце нашага ўніверсітэта А.В. Макоўчык і дырэктар ІПКіП І.У. Шасцітка правялі сустрэчу з прадстаўнікамі Кызылардзінскага адкрытага ўніверсітэта – кіраўніком упраўлення па акадэмічных пытаннях Мухамбетжан Айсулу і загадчыкам аддзела арганізацыі навуковых даследаванняў Сайлаўбекавай Нуржамал. Падчас зацікаўленай размовы былі абмеркаваны пытанні арганізацыі адукацыйных праграм стажыровак (і іх фармат) для дактарантаў, магістрантаў і прафесарска-выкладчыцкага складу; сумесных публікацый у навуковых выданнях Рэспублікі Беларусь і Рэспублікі Казахстан; удзелу вучоных абодвух універсітэтаў у сумесных канферэнцыях; падпісання дагавора аб супрацоўніцтве.
17 красавіка 2024 года № 5 (1306)
ФЕСТЫВАЛЬ У ІМЯ НАШАЙ БУДУЧЫНІ
Сакавік дакладна застанецца самым яркім і багатым на эмоцыі месяцам для тых студэнтаў-актывістаў alma mater, якім сёлета пашчасціла далучыцца да больш чым дваццацітысячнай кагорты ўдзельнікаў Сусветнага фестывалю моладзі ў горадзе Сочы. Сваімі ўражаннямі ад мерапрыемства яны падзяліліся падчас сустрэчы, арганізаванай у рамках культурна-асветніцкага праекта студсавета БДПУ «Студэнцкі мост: абмен вопытам і ідэямі». Упэўнены, што іх аповеды стануць для нашых чытачоў своеасаблівым стымулам да таго, каб развівацца і дасягаць новых вышынь у вучэбнай, грамадскай, дабрачыннай дзейнасці.
Мікіта АБРАМЧУК, студэнт 4-га курса фізіка-матэматычнага факультэта:
– Фестываль моладзі доўжыўся 7 дзён, а ўспаміны пра яго застануцца на гады. Гэты тыдзень быў вельмі насычаным, але найбольш мне запомніліся адукацыйныя праграмы, якія прэзентавалі рэгіёны і кампаніі Расіі. Таксама было цікава паразмаўляць з замежнымі грамадзянамі – прадстаўнікамі розных кантынентаў – пра адукацыю, культуру і традыцыі іх краін.
Самым незвычайным момантам мерапрыемства стаў абмен… Чабурашкамі. Гэты сімвал фестывалю атрымаў кожны з яго ўдзельнікаў, а затым надаў яму нацыянальнага каларыту. Падчас масавага абмену такі ўнікальны талісман можна было перадаць у добрыя рукі, а наўзамен атрымаць новага сябра. А яшчэ распавесці пра культурную спадчыну сваёй краіны. Падобныя акцыі – добрая магчымасць бліжэй пазнаёміцца і з самімі ўдзельнікамі, і з краінамі, якія яны прадстаўляюць.
Ганна ШЧАГЛОВА, студэнтка 4-га курса гістарычнага факультэта:
– Сакавіцкі тыдзень аб’яднаў моладзь амаль што з усіх краін планеты Зямля. Мы – студэнты і супрацоўнікі БДПУ – мелі гонар прадстаўляць Рэспубліку Беларусь, расказваць пра яе дасягненні грамадзянам 188 краін свету, дэманстраваць сімволіку сваёй дзяржавы… Мерапрыемствы фестывалю – майстар-класы, выстаўкі, канцэрты – уразілі мяне сваёй арыгінальнасцю і разнастайнасцю. Асабліва запомніліся сустрэчы з Дзмітрыем Мядзведзевым, Сяргеем Кірыенкам і Дзмітрыем Пясковым. Кантактуючы з людзьмі, якія многага дасягнулі ў сваёй сферы, напаўняешся асаблівай энергетыкай, імкненнем да атрымання новых ведаў. Фестываль у Сочы паказаў: нягледзячы на нацыянальныя адрозненні, будучыню свету людзі ствараюць разам.
Кацярына ІВАНОВА, студэнтка 4-га курса фiзіка-матэматычнага факультэта:
– Сусветны фестываль моладзі ў Сочы даў неабмежаваныя магчымасці пазнаёміцца з культурамі розных краін, а таксама расказаць пра родную Беларусь, БДПУ і сябе вялікай колькасці маладых людзей. У адзін з дзён я наведала лекцыю па кібербяспецы і нацыянальнай бяспецы ў Інтэрнэце. Скажу шчыра: нават не здагадвалася пра тое, што існуе так шмат спосабаў ашуканства. Ёсць сэнс глыбей вывучыць гэтую тэму, каб быць у бяспецы. Адукацыйная частка мерапрыемства натхніла мяне, студэнтку фізмата, на вывучэнне новых інфармацыйных тэхналогій.
Арцём ЧАБОЦЬКА, студэнт 2-га курса гістарычнага факультэта:
– Падчас зносін з моладдзю з усіх куткоў свету я пераканаўся ў тым, як важна развіваць міжнароднае супрацоўніцтва і паразуменне. Удзел у майстар-класах, шматлікіх культурных мерапрыемствах прынёс новыя веды і вопыт, якія, бясспрэчна, спатрэбяцца ў жыцці..
Самым запамінальным мерапрыемствам для мяне стаў марафон «Насустрач адзін аднаму», які сабраў больш за 2 тысячы аматараў бегу з усяго свету, а таксама нагадаў мне пра наш штогадовы Мінскі паўмарафон.
Надзея ГУРСКАЯ, студэнтка 4-га курса філалагічнага факультэта:
– Сусветны фестываль моладзі – самае маштабнае з мерапрыемстваў, на якіх мне давялося прысутнічаць! Мноства шчаслівых вачэй і радасных усмешак, яркія і цікавыя людзі, незабыўныя мерапрыемствы і канцэрты! Сярод вялікай колькасці акцый і выступленняў найбольш запамінальнай стала сустрэча з вядомым вучоным Таццянай Чарнігаўскай, якая выступіла на тэму «Штучны інтэлект vs мозг: на парозе бітвы інтэлектаў». Для мяне як для чалавека, які займаецца навукай, гэтая лекцыя стала, бясспрэчна, вельмі карыснай і актуальнай.
Я вельмі ўдзячна кіраўніцтву БДПУ і арганізатарам Сусветнага фестывалю моладзі за атрыманую магчымасць пазнаёміцца з культурай іншых народаў, пагутарыць з самымі рознымі людзьмі і ўбачыць цудоўны горад Сочы!
Анастасія КІЙКО, старшыня Студэнцкага савета БДПУ
29 сакавіка 2024 года № 4 (1305)
У Беларуска-Казахстанскім культурна-адукацыйным цэнтры БДПУ адбылася сустрэча з Першым сакратаром Пасольства Рэспублікі Казахстан у Рэспубліцы Беларусь Усенавай Манар Кейсараўнай і прадстаўнікамі Еўразійскага нацыянальнага ўніверсітэта імя Л.М. Гумілёва. Гасцей сустракалі прарэктар па вучэбнай рабоце БДПУ В.В. Радыгіна, дырэктар ІПКіП І.У. Шасцітка, начальнік упраўлення міжнароднага
супрацоўніцтва І. У. Козел, кіраўнік Беларуска-Казахстанскага культурна-адукацыйнага цэнтра М.Ч. Гардукевіч. Падчас візіту калегі азнаёміліся з вынікамі плённага супрацоўніцтва БДПУ з універсітэтамі Рэспублікі Казахстан, даведаліся пра гісторыю стварэння Цэнтра і яго развіццё. Па традыцыі гаспадары і госці зрабілі фота на памяць у нацыянальных казахскіх строях.
ФЕСТЫВАЛЬ МАЛАДОСЦІ, СУСТРЭЧ І СЯБРОЎСТВА
На федэральнай тэрыторыі «Сірыус» (г. Сочы, Расійская Федэрацыя) у першы тыдзень сакавіка прайшоў Сусветны фестываль моладзі пад дэвізам «Будуем будучыню разам!». Форум сабраў маладых людзей са 188 краін. Усяго ў Сочы сустрэліся каля 20 тысяч чалавек.
На фестывалі дэлегацыя Рэспублікі Беларусь была адной з самых шматлікіх – больш за 600 чалавек. У яе склад увайшлі 22 прадстаўнікі БДПУ. У іх ліку начальнік аддзела сацыяльна-педагагічнай і псіхалагічнай работы УВРзМ Ю.А. Рубанькова, педагог сацыяльнага аддзела сацыяльна-педагагічнай і псіхалагічнай работы УВРзМ К.В. Карнюшка, старшыня пярвічнай прафсаюзнай арганізацыі студэнтаў БДПУ В.М. Дымкова, старшыня Савета маладых вучоных, спецыяліст Каардынацыйнага цэнтра «Адукацыя ў інтарэсах устойлівага развіцця» А.А. Буіклы, аўтар гэтых радкоў, а таксама актывісты студэнцкага навуковага таварыства, валанцёрскага руху, БРСМ, прафсаюза, Студсавета, камандзіры студэнцкіх атрадаў, паслы МУР.
Праграму Сусветнага фестывалю моладзі арганізатары пабудавалі на каштоўнасцях адзінства, раўнапраўя, справядлівасці, узаемадапамогі і міласэрнасці. Фармат дазволіў кожнаму расказаць пра сябе і сваю краіну, а таксама пачуць аповеды маладых людзей розных краін свету.
Фестывальныя дні былі насычаны адукацыйнымі, культурнымі, навуковымі і спартыўнымі мерапрыемствамі – больш за 800(!). Госці прымалі ўдзел у пазнавальных майстар-класах, дыскусіях, панэльных сесіях і трэніроўках, прысутнічалі на выступленнях лепшых творчых калектываў, а вечарамі наведвалі ток-шоу з удзелам вядомых артыстаў. Прадстаўнікі бізнесу, СМІ, адукацыі, навукі, культуры, спорту і валанцёрскага руху, а таксама іншых сфер змаглі знайсці новых сяброў, каб разам будаваць агульную будучыню.
Мерапрыемства паслужыла выдатнай пляцоўкай для дыялогу і пошуку паразумення незалежна ад нацыянальнасці і культурных асаблівасцей.
Анастасія КІЙКО,
старшыня Студэнцкага савета
ШАНУЮЧЫ ТРАДЫЦЫІ, СТВАРАЕМ НАША ЗАЎТРА
Культура, мастацтва, традыцыі – магутныя фактары яднання, якія збліжаюць беларусаў ва ўсім свеце. Чарговым пацвярджэннем гэтаму стала сустрэча з кіраўнікамі замежных беларускіх аматарскіх калектываў мастацкай творчасці і прадстаўнікамі грамадскіх арганізацый беларусаў замежжа, якая адбылася 22 сакавіка на факультэце эстэтычнай адукацыі. Да мерапрыемства далучыліся госці з Арменіі, Казахстана, Латвіі, Узбекістана, Эстоніі, а таксама Рэспублікі Башкартастан, Рэспублікі Карэлія, гарадоў Іркуцк, Курган, Омск, Самара, Усурыйск Расійскай Федэрацыі.
Самы творчы факультэт БДПУ падрыхтаваў праграму «Захоўваем традыцыі, ствараем будучыню», якая пакарыла ўдзельнікаў мерапрыемства гасціннай цёплай атмасферай і непаўторным каларытам беларускай культуры. Прадстаўнікоў беларускіх дыяспар прывіталі дэкан факультэта эстэтычнай адукацыі С.М. Кабачэўская і начальнік упраўлення міжнароднага супрацоўніцтва БДПУ І.У. Козел. Святлана Міхайлаўна расказала пра напрамкі работы факультэта, адзначыўшы, што беражлівыя адносіны да культурнай спадчыны Беларусі з’яўляюцца камертонам творчай дзейнасці яго студэнтаў і выкладчыкаў. Ігар Уладзіміравіч нагадаў гасцям пра шырокія магчымасці павышэння кваліфікацыі і арганізацыі стажыровак у БДПУ для прадстаўнікоў блізкага і далёкага замежжа і выказаў надзею на далейшае супрацоўніцтва.
Падчас сустрэчы гасцей чакала шмат цікавых актыўнасцей: выстаўка ганчарных вырабаў, народных рамёстваў і мастацкай творчасці студэнтаў і выкладчыкаў факультэта, канцэрт, майстар-класы «Цуды керамікі», «Беларускае золата», «Беларускі абярэг»… Удзельнікі творчай стажыроўкі маглі дакрануцца да традыцый сонечнага мастацтва Беларусі – саломапляцення, стварыць сваімі рукамі неверагодныя лялькі-абярэгі з нітак і тканіны, унікальныя прадметы беларускага побыту з гліны, даведацца пра тонкасці ігры на цымбалах, успомніць і выканаць беларускія песні і танцы. Гледачы горача апладзіравалі народнаму ансамблю беларускай музыкі і песні «Ярыца» (мастацкі кіраўнік А.М Шугаеў), народнаму ансамблю цымбалістаў «Вярба» (мастацкі кіраўнік В.В. Андрыенка), тэатру сярэдневяковай моды «Вытокi» (мастацкі кіраўнік В.Г. Парфяновіч), студэнтам 4-га курса Эвеліне Рагальскай і Паўлу Булаху (клас выкладчыка І.В. Жарскай).
Завяршальным акордам сустрэчы стала выступленне дырэктара дзяржаўнай установы культуры змешанага тыпу «Рэспубліканскі цэнтр нацыянальных культур» Вольгі Вітальеўны Якабсон, якая падзякавала калектыву фа-культэта за цікавую і насычаную праграму і ўручыла ўдзельнікам стажыроўкі сертыфікаты. Кожны госць БДПУ павёз з сабой дадому памятныя сувеніры, інфармацыйныя буклеты пра ўніверсітэт і факультэт, яркія ўражанні, часцінку дабрыні і цяпла ад сустрэч з землякамі.
Ірына КУШНЯРЭВІЧ,
Марыя ШАТАРАВА
19 студзеня 2024 года № 1 (1302)
ДЗЯЛІЦЦА ПРАГРЭСІЎНЫМ ВОПЫТАМ
Акумуляванне, назапашванне і перадача перадавога педагагічнага вопыту садзейнічаюць плённаму развіццю адукацыйнай сферы. Калі ж прагрэсіўнымі напрацоўкамі дзеляцца лепшыя настаўнікі розных краін, то можна гаварыць пра максімальную канцэнтрацыю прафесійных інавацый. Арганізатары Міжнароднага адукацыйнага форуму педагагічных майстэрняў настаўнікаў года Расіі і краін СНД якраз і стварылі ўмовы для такога насычанага абмену. У мерапрыемстве, якое прайшло напрыканцы мінулага года на базе Чачэнскага дзяржаўнага педагагічнага ўніверсітэта, нашу alma mater і краіну прадстаўлялі начальнік Каардынацыйнага цэнтра «Адукацыя ў інтарэсах устойлівага развіцця», абсалютны пераможца Рэспубліканскага конкурсу прафесійнага майстэрства «Настаўнік года Рэспублікі Беларусь-2011» І.У. Зубрыліна і начальнік Цэнтра развіцця педагагічнай адукацыі БДПУ С.І. Неўдах.
У форуме прынялі ўдзел лаўрэаты і пераможцы нацыянальных конкурсаў педагагічнага майстэрства Азербайджана, Беларусі, Казахстана, Кіргізіі, Расіі, Таджыкістана і Узбекістана, а таксама студэнты і выкладчыкі педагагічных каледжаў і ўніверсітэтаў Чачэнскай Рэспублікі, Дагестана, Інгушэціі, Паўночнай Асеціі-Аланіі.
У рамках навукова-эксперыментальнай пляцоўкі «Педагагічныя майстэрні лаўрэатаў і пераможцаў нацыянальных конкурсаў педагагічнага майстэрства Расійскай Федэрацыі і краін СНД» настаўнікі прадставілі майстар-класы, у ходзе якіх абмяркоўвалі з навучэнцамі педагагічных каледжаў, студэнтамі педагагічных універсітэтаў і маладымі педагогамі актуальныя пытанні прафесійнай дзейнасці, шукалі новыя рашэнні па пераадоленні існуючых праблем. Пад кіраўніцтвам лепшых педагогаў фокус-групы з ліку студэнтаў і навучэнцаў педагагічных каледжаў падрыхтавалі пітч-прэзентацыі праектаў «Метапрадметныя кампетэнцыі будучага настаўніка».
Свой майстар-клас «Мастацтва рабіць высновы» І.У. Зубрыліна прысвяціла нестандартным прыёмам развіцця крытычнага мыслення навучэнцаў. Вынікі праекта «Пошук і аналіз інфармацыі», які падрыхтавала фокус-група Інесы Уладзіміраўны, былі прадстаўлены ў фармаце трэнінгу. Удзельнікі актыўна дыскутавалі, адказвалі на пытанні вядучых, выказвалі аргументаваныя меркаванні.
Падчас работы форуму была арганізавана дыскусійная пляцоўка «Бесперапынная педагагічная адукацыя: праблемы, вопыт, перспектывы», дзе С.І. Неўдах прадставіла напрацоўкі Рэспублікі Беларусь па рэалізацыі профільнага навучання педагагічнай накіраванасці. Настаўнікаў, якія працуюць у псіхолага-педагагічных класах, выкладчыкаў універсітэта зацікавіў вопыт нашай краіны па распрацоўцы навукова-метадычнага суправаджэння факультатыўнага курса «Уводзіны ў педагагічную прафесію» для навучэнцаў профільных класаў педагагічнай накіраванасці.
Мерапрыемства садзейнічала ўмацаванню прафесійных сувязей паміж міжнароднай педагагічнай навуковай супольнасцю і настаўнікамі-практыкамі, якія дасягнулі высокіх вынікаў у сваёй дзейнасці.
29 лістапада 2023 года № 13 (1299)
АДМЕТНЫ КАЛЕКТЫЎ З УСХОДНІМ КАЛАРЫТАМ
За больш чым векавую гісторыю існавання наша ўстанова адукацыі стала alma mater не толькі для беларусаў, але і для вялікай колькасці замежных грамадзян. У ліку тых, каго БДПУ і сёння гасцінна прымае ў сям’ю танкаўцаў, нямала студэнтаў з Кітая. Працалюбівыя, мэтанакіраваныя, таленавітыя, яны праяўляюць сябе і ў вучобе, і ў творчасці. Галасы моладзі з Паднябеснай гучаць у хоры «Gaudeamus» БДПУ, яскравыя выступленні сольных выканаўцаў і запамінальныя музычныя дуэты ўпрыгожваюць святочныя канцэртныя праграмы, праслаўляюць наш універсітэт перамогамі ў рэспубліканскіх і міжнародных фестывалях і конкурсах. Так, 30 лістапада ў гала-праграме Рэспубліканскага фестывалю творчасці замежных студэнтаў устаноў вышэйшай адукацыі «F-FRT.by–2023» зноў заззяе цэлае сузор’е выхаванцаў БДПУ. Сярод іх хор кітайскіх студэнтаў «Love Music Team» факультэта эстэтычнай адукацыі. Пад прафесійным і чулым наглядам свайго нязменнага творчага педагога хор расце і развіваецца, яго выступленні даўно палюбіліся беларускаму слухачу і атрымалі прызнанне за мяжой. Пра творчы шлях гэтага адметнага калектыву, авалоданне сакрэтамі выканальніцкага майстэрства, пошукі рэпертуару расказала яго мастацкі кіраўнік, старшы выкладчык кафедры музычна-педагагічнай адукацыі Валянціна Аляксандраўна ВІНЯРСКАЯ.
– Годам нараджэння нашага творчага калектыву лічу 2018-ы, якраз тады я вярнулася са стажыроўкі ў Наньянскім тэхналагічным універсітэце. Першапачаткова ў хоры, якім я кірую ўвесь гэты час, было ўсяго 6 чалавек. Яны разам з беларускімі студэнтамі вучыліся ў групе, куратарам якой я стала. З часам з’явіліся цэлыя групы кітайскіх студэнтаў, і наш калектыў прыкметна павялічыўся. Зараз ён складаецца са студэнтаў 1–4 курсаў факультэта эстэтычнай адукацыі і налічвае 40 чалавек.
Раней адбору ў калектыў не існавала, але па меры яго станаўлення і запатрабаванасці ўзнікла неабходнасць стварэння канцэртнага складу. На ўсіх курсах я выкладаю дысцыпліны «Хор і практыкум працы з хорам», «Харавы клас», таму ведаю магчымасці кожнага студэнта і стараюся стварыць усе ўмовы для творчай рэалізацыі будучага педагога ў галіне харавога выканальніцтва. Так, напрыклад, першакурсніца Цай Юйфэй выдатна праявіла сябе і ўжо спявае ў канцэртным хоры. Першым яе выпрабаваннем быў удзел у відэазапісе выступлення для III Санкт-Пецярбургскага Усерасійскага конкурсу інструментальнага і вакальнага мастацтва імя А.К. Лядава, які адбыўся ў лістападзе гэтага года. У сваёй намінацыі мы сталі лаўрэатамі І ступені. Але даражэйшымі за перамогу для мяне былі словы маёй таленавітай студэнткі: «Я вельмі ўсхвалявана! Мне сапраўды падабаецца хор, і я адчуваю, што мары ўвасабляюцца ў рэальнасць. Для мяне гонар быць вашай вучаніцай». Вядома, гэта зусім не азначае, што ўдзел у канцэртным складзе – доля абраных: усе студэнты рана ці позна атрымліваюць сцэнічны выканальніцкі вопыт.
Што да прафесійнага харавога навучання, то тут даводзіцца пачынаць з нуля, хоць многія студэнты да паступлення ў наш універсітэт займаліся сольнымі спевамі. Харавы вакал мае сваю спецыфіку, якой даводзіцца авалодваць у кароткія тэрміны. На вынік уплывае падрыхтоўка ў галіне тэорыі музыкі, сальфеджыа, гармоніі. Без гэтых ведаў і навыкаў немагчыма паўнацэннае харавое выхаванне і развіццё. Таму мы даражым кожнай хвілінай практычных заняткаў. Акрамя навучання выканальніцкаму майстэрству я таксама стараюся выхоўваць у студэнтаў пачуццё адказнасці перад публікай. Разумею ўсю складанасць пастаўленых перад імі задач і ўдзячна за тое, што яны давяраюць мне і імкнуцца авалодаць сакрэтамі прафесіі. Кожны раз чароўная сіла музыкі надае нам новыя сілы і натхняе на пошукі сэнсаў як у мастацтве, так і ў саміх сабе.
Цяпер мы з усмешкай успамінаем, як пачыналі з развучвання адной-дзвюх папулярных нескладаных песень на кітайскай мове. Сёння ў нашым рэпертуары 25 харавых твораў розных стыляў і напрамкаў. Кітайскім студэнтам бліжэйшая сучасная музыка. Такая тэндэнцыя назіраецца і ў Кітаі: папулярная харавая музыка бярэ верх над усімі астатнімі жанрамі. Мы стараемся выконваць найлепшыя яе ўзоры. Напрыклад, зараз у Кітаі вельмі папулярны кампазітар, хормайстар Цзін Чэн Чжы. У нашым рэпертуары чатыры яго песні. Публіка вельмі палюбіла яго «Новы год у коле сям’і». Гэта яскравая шматчасткавая кампазіцыя, дастаткова складаная для выканання, з элементамі тэатралізацыі. Дарэчы, нас з ёй пазнаёміў, а пасля неаднаразова дырыжыраваў хорам адзін з найлепшых маіх вучняў – Хуан Цзяахаа, які зараз выкладае фартэпіяна ў музычнай школе г. Сучжоў і марыць аб стварэнні хору. Аднак каб быць кампетэнтным спецыялістам (салістам хору, дырыжорам, хормайстрам), неабходна валодаць усімі стылямі і жанрамі. Таму ў нашым рэпертуары музыка XV–XXI стст.
Мы выконваем харавыя творы на розных мовах: кітайскай, беларускай, англійскай, іспанскай, італьянскай, лацінскай, філіпінскай, інданезійскай. Спроба зразумець характар народа праз засваенне яго мовы – не толькі вельмі займальны і пазнавальны працэс. Ён уводзіць нас у прастору міжкультурнай камунікацыі. Некалькі гадоў таму я пачула ў выкананні кітайскага акадэмічнага хору рускую народную песню «Ничто в полюшке не колышется» ў апрацоўцы І. Панамаркова на кітайскай мове. Цяпер гэта адна з любімых нашых песень. І падобную практыку з перакладам харавых твораў з мовы арыгінала на кітайскую мову мы вырашылі прадоўжыць. Па-першае, гэта скарачае час на засваенне матэрыялу, па-другое, у далейшым цудоўная класічная музыка можа стаць здабыткам кітайскай публікі. Так, гэты працэс захапіў студэнтку 4-га курса Лі Цзяа, якая зрабіла выдатны пераклад літаратурнага тэксту харавога твора «Гімн вадзе» англійскага кампазітара і педагога Густава Холста. Наогул, рэпертуар – гэта 90 % поспеху. Таму я ніколі не буду настойваць на ўводзе новага музычнага матэрыялу, калі ён не знаходзіць водгуку ў душы кожнага харыста.
Нашы агульныя намаганні, стараннасць, працавітасць, творчы запал даюць свой плён і атрымліваюць высокую ацэнку з боку прафесіяналаў. Гэта пацвярджаецца ў тым ліку перамогамі ў міжнародных конкурсах. Так склалася, што пачатковы этап станаўлення калектыву прыпаў на перыяд пандэміі. Таму мы развіваліся і дасягалі высокіх вынікаў, рыхтуючы не толькі традыцыйныя выступленні, але і праграмы для ўдзелу ў дыстанцыйных выканальніцкіх конкурсах. На сённяшні дзень найбольш важнымі лічу перамогі на Міжнародным дыстанцыйным конкурсе «Talents of the 21 century» (Балгарыя, 2021), II Міжнародным віртуальным конкурсе-фестывалі «Gates of Hope 2» (Ізраіль, 2021), I Міжнародным расійска-кітайскім шматжанравым конкурсе «Страна танцующих драконов» (Расія, 2022), Санкт-Пецярбургскім Міжнародным конкурсе імя І.Ф. Стравінскага (Расія, 2023). Думаю, кожнае выступленне – не толькі конкурснае – пакідае след у душы студэнта, асабліва калі ён дырыжыруе хорам (а я практыкую гэта дастаткова часта). Таму ўпэўнена, што ў сэрцы харыстаў надоўга застанецца і нядаўняя знакавая падзея: наш першы сольны паўгадзінны канцэрт у Нацыянальнай бібліятэцы Беларусі ў рамках сацыяльнага праекта «Бібліяноч-2023».
Спецыфіка студэнцкага хору заключаецца ў тым ліку ў пастаяннай пераемнасці, натуральных зменах у складзе калектыву. Аднак мы стараемся не губляць тую нітачку, якая нас некалі звязала. Многія выпускнікі працягваюць навучанне ў магістратуры БДПУ і падтрымліваюць сувязь з хорам, удзельнічаючы ў розных творчых праектах. Я ж прадаўжаю сачыць за лёсам сваіх вучняў, якія вярнуліся на радзіму, у Кітай. І, будучы зацікаўленай у іх далейшым прафесійным росце, часта дапамагаю парадамі і кансультацыямі – адлегласць для нас не перашкода.
Падрыхтавала Ірына МЯЦЕЛІЦА
15 лістапада 2023 года № 12 (1298)
У БДПУ на базе Цэнтра азербайджанскай мовы і культуры 27 кастрычніка адбылося Свята граната – Нар Байрамы. Яго адкрыў Надзвычайны і Паўнамоцны Пасол Азербайджанскай Рэспублікі ў Рэспубліцы Беларусь Бахшаліеў Ульві Вагіф аглы. Ганаровы госць адзначыў важнасць правядзення гэтага мерапрыемства ў сценах вядучага педагагічнага ўніверсітэта Беларусі.
Рэктар БДПУ Аляксандр Іванавіч Жук, у сваю чаргу, расказаў пра супрацоўніцтва паміж нашай alma mater і Бакінскім славянскім універсітэтам. З 2010 г. у БСУ функцыянуе Цэнтр беларускай мовы і літаратуры, удзел у цырымоніі адкрыцця якога прыняў Прэзідэнт Рэспублікі Беларусь Аляксандр Рыгоравіч Лукашэнка.
У 2020 г. ЮНЕСКА аб’явіла Свята граната адным з шэдэўраў нематэрыяльнай культурнай спадчыны чалавецтва. Азербайджан – адзіная краіна ў свеце, дзе растуць усе сарты граната (а іх больш за 70!). Гэтай садавіне вя-домыя паэты прысвячаюць вершы, майстры жывапісу – карціны, таленавітыя кампазітары – музычныя творы. Пра ўсё гэта госці свята даведаліся з песенна-паэтычнага прадстаўлення, падрыхтаванага студэнтамі філалагічнага факультэта пад кіраўніцтвам дырэктара Цэнтра азербайджанскай мовы і культуры Ібрагімава Фуада Сафара аглы.
Госці свята не толькі пачулі шмат новага пра гэтую цудоўную садавіну, але і змаглі паспрабаваць яе на смак, як і іншыя нацыянальныя пачастункі. Мерапрыемства, што адбылося ў сценах БДПУ з удзелам супрацоўнікаў Амбасады, прадстаўнікоў азербайджанскай дыяспары Беларусі, студэнтаў і выкладчыкаў універсітэта, даказвае значнасць і важнасць умацавання сяброўскіх адносін паміж нашымі дзяржавамі.
25 кастрычніка 2023 года № 11 (1297)
БЕЛАРУСЬ – АЗЕРБАЙДЖАН: ПЛЁН СУПРАЦОЎНІЦТВА І НОВЫЯ ГАРЫЗОНТЫ
Міжнароднае ўзаемадзеянне – залог бесперапыннага росту аўтарытэту БДПУ, запатрабаванасці яго адукацыйных паслуг у свеце. Цікавасць да нашага ўніверсітэта як да надзейнага партнёра выказваюць установы і арганізацыі многіх краін, сярод якіх – Азербайджан. Чарговым пацвярджэннем гэтага стаў візіт у alma mater дэлегацыі на чале з Надзвычайным і Паўнамоцным Паслом Азербайджанскай Рэспублікі ў Рэспубліцы Беларусь Бахшаліевым Ульві Вагіфам аглы.
У ходзе сустрэчы рэктар БДПУ А.І. Жук расказаў гасцям пра асноўныя напрамкі супрацоўніцтва нашага ўніверсітэта з установамі вышэйшай адукацыі гэтай закаўказскай краіны і дзейнасць цэнтра азербайджанскай мовы і культуры. Таксама Аляксандр Іванавіч падвёў вынікі рэалізацыі міжнароднага праекта «Беларуская і азербайджанская мовы як фактар развіцця і ўмацавання супрацоўніцтва паміж Рэспублікай Беларусь і Азербайджанскай Рэспублікай». Дзякуючы паспяховай рабоце вучоных лінгвістаў свет пабачылі беларуска-азербайджанскі і азербайджанска-беларускі слоўнікі. Аляксандр Іванавіч расказаў гасцям пра адкрыццё педагагічных класаў у школах Беларусі і прапанаваў апрабаваць гэты ўнікальны праект ва ўстановах адукацыі Азербайджана.
Рэктар БДПУ падкрэсліў важнасць грамадзянска-патрыятычнага выхавання моладзі дзвюх краін, захавання памяці аб падзеях агульнай гісторыі, удзелу студэнтаў з Азербайджана ў праекце БДПУ «Зорны паход па месцах баявой і працоўнай славы беларускага народа». Спадар Пасол, у сваю чаргу, выказаў зацікаўленасць у сумеснай рэалізацыі праекта«Азербайджанцы ў Вялікай Айчыннай вайне на тэрыторыі Беларусі».
Таксама А.І. Жук агучыў магчымасці нашага ўніверсітэта па падрыхтоўцы высокакваліфікаваных кадраў у аспірантуры і дактарантуры БДПУ, павышэнні кваліфікацыі і перападрыхтоўцы педагагічных работнікаў у галіне інклюзіўнай і спецыяльнай адукацыі. Аляксандр Іванавіч прапанаваў азербайджанскаму боку прыняць удзел у сумесным навукова-адукацыйным праекце, прысвечаным беларускім і азербайджанскім фразеалагізмам і афарызмам, якія з’яўляюцца неад’емнай часткай духоўнай культуры кожнага народа і служаць сродкам выхавання і навучання падрастаючагапакалення.
Пасля зацікаўленай размовы Спадар Пасол наведаў цэнтр азербайджанскай мовы і культуры БДПУ, азнаёміўся з асноўнымі напрамкамі яго дзейнасці і планам мерапрыемстваў на 2023 г., падзякаваў за ўвагу да азербайджанскай нацыянальнай спадчыны.
Сапраўды, работа цэнтра азербайджанскай мовы і культуры садзейнічае развіццю дыялогу паміж беларускім і азербайджанскім народамі, удасканаленню гуманітарных кантактаў у адукацыйнай сістэме, а таксама далучэнню моладзі да багатых духоўных каштоўнасцей, гісторыі і культуры папярэдніх пакаленняў. З гэтай
думкай згодны член азербайджанскай дэлегацыі Фуад Ібрагімаў, які ў каментарыі для нашай газеты падкрэсліў:
– Лічу, што галоўная задача цэнтра – стаць правадніком культурнага кода Азербайджана, зрабіць для нашых беларускіх сяброў «падарожжа» па нацыянальнай спадчыне і сучасных дасягненнях азербайджанскага народа лёгкім і захапляльным.
Адным з асноўных напрамкаў дзейнасці цэнтра з’яўляецца папулярызацыя азербайджанскай мовы ў Беларусі. Дзеля гэтага мы актывізуем нядзельныя курсы па яе вывучэнні ў БДПУ, прыцягваючы да іх перш за ўсё дзяцей з беларуска-азербайджанскіх сем’яў. Таксама будзем працаваць у напрамку стварэння анлайн
курсаў па вывучэнні азербайджанскай мовы для студэнтаў з запрашэннем выкладчыкаў з Бакінскага славянскага ўніверсітэта.
Цяпер займаемся стварэннем сайта цэнтра. У перспектыве плануем запусціць YouTube-канал, дзе можна будзе паглядзець анлайн-трансляцыі мерапрыемстваў, якія тут праводзяцца.
Ключавы напрамак работы цэнтра –садзейнічанне Пасольству Азербайджанскай Рэспублікі ў Рэспубліцы Беларусь, кіраўніцтву БДПУ і Бакінскага славянскага ўніверсітэта ў ажыццяўленні ўзаемных азнаямленчых, навукова-тэматычных і творчых паездак студэнцкіх дэлегацый.
P.S. Ужо 27 кастрычніка цэнтр сумесна з філалагічным факультэтам нашага ўніверсітэта правядзе папулярнае ў Азербайджане Свята граната, якое ў 2020 г. было ўключана ў Спіс культурнай спадчыны
ЮНЕСКА.
29 верасня 2023 года № 10 (1296)
У рамках I Беларуска-Кубінскай сустрэчы рэктараў устаноў вышэйшай адукацыі перамовы з кіраўніком Педагагічнага ўніверсітэта імя Энрыке Хасэ Варона Мільдай Лесб’я Дыяс Масіп правёў прарэктар па вучэбнай рабоце БДПУ Аляксандр Васільевіч Макоўчык.
Бакі прадставілі адукацыйны патэнцыял сваіх універсітэтаў. Аляксандр Васільевіч падрабязна расказаў пра вучэбна-навукова-інавацыйны кластар сістэмы бесперапыннай педагагічнай адукацыі, кіруючым ядром якога з’яўляецца БДПУ; аб профільным навучанні педагагічнай накіраванасці і стварэнні сістэмы педагагічных класаў у беларускіх школах. Рэктара кубінскага ўніверсітэта (спецыяліста па інклюзіі) зацікавіў вопыт БДПУ як базавай арганізацыі краін – удзельніц СНД па падрыхтоўцы, перападрыхтоўцы і павышэнні кваліфікацыі педагагічных работнікаў і спецыялістаў у галіне інклюзіўнай і спецыяльнай адукацыі, а таксама падрыхтоўка педагагічных кадраў для дашкольнай і пачатковай адукацыі.
Удзельнікі перагавораў выказалі гатоўнасць да ўзаемадзеяння ў галіне бесперапыннай педагагічнай адукацыі і дамовіліся аб правядзенні далейшых перамоў у рэжыме анлайн з мэтай падпісання дагавора аб супрацоўніцтве і абмеркавання плана сумесных мерапрыемстваў.
Прадстаўнікі БДПУ і Міністэрства адукацыі Наўгародскай вобласці Расіі, Рэгіянальнага інстытута прафесійнага развіцця і Наўгародскага дзяржаўнага ўніверсітэта імя Яраслава Мудрага ў рэжыме анлайн правялі круглы стол, у рамках якога абмеркавалі магчымыя напрамкі супрацоўніцтва ў сферы навукі і вышэйшай адукацыі.
У прыватнасці, прарэктар па вучэбнай рабоце нашага ўніверсітэта А.В. Макоўчык прадставіў партнёрам адукацыйны патэнцыял БДПУ; дырэктар ІПКіП І.У. Шасцітка расказала пра сістэму і магчымасці павышэння кваліфікацыі і перападрыхтоўкі кадраў; намеснік дырэктара ІІА па навукова-метадычнай рабоце А.А. Лемех прэзентавала БДПУ як базавую арганізацыю СНД па падрыхтоўцы, перападрыхтоўцы і павышэнні кваліфікацыі педагагічных работнікаў і спецыялістаў у галіне інклюзіўнай і спецыяльнай адукацыі; начальнік ЦРПА С.І. Неўдах азнаёміла ўдзельнікаў з вопытам стварэння педагагічных класаў і супрацоўніцтва з УВА Расіі з мэтай адкрыцця беларуска-расійскага рэсурснага цэнтра па навукова-метадычным суправаджэнні педагагічных класаў.
Бакі выказалі зацікаўленасць у развіцці партнёрскіх стасункаў і вызначылі вектары ўзаемадзеяння. Вынікам дасягнутых дамоўленасцей павінна стаць падпісанне дагавора і дарожнай карты супрацоўніцтва
20 верасня 2023 года № 9 (1295)
Рэктар БДПУ А.І. Жук прыняў дэлегацыю Паўночна-Заходняга педагагічнага ўніверсітэта з КНР (далей – ПЗПУ) на чале з прарэктарам Дэн Сяодзюань.
Падчас размовы за круглым сталом на тэму «Перспектыўныя напрамкі развіцця супрацоўніцтва паміж БДПУ і ПЗПУ» Аляксандр Іванавіч прадставіў кітайскім калегам адукацыйны патэнцыял нашай установы, падвёў вынікі супрацоўніцтва ўніверсітэтаў на працягу 12 гадоў і акрэсліў найбольш актуальныя напрамкі ўзаемадзеяння. На думку рэктара БДПУ, перспектыўнымі з’яўляюцца: адкрыццё сумесных адукацыйных праграм па спецыяльнасцях «Руская мова», «Музычнае мастацтва», «Выяўленчае мастацтва», «Фізічная культура»; развіццё акадэмічнай мабільнасці студэнтаў і выкладчыкаў, у тым ліку ў рамках уключанага навучання; арганізацыя стажыровак.
Круглы стол завяршыўся цырымоніяй пралангацыі (перападпісання) дагавора аб супрацоўніцтве паміж БДПУ і ПЗПУ.
21 чэрвеня 2023 года № 8 (1294)
ПАШЫРАЮЧЫ АБСЯГІ СУПРАЦОЎНІЦТВА НА ЎСХОД
Даўнія і трывалыя партнёрскія стасункі звязваюць наш універсітэт з установамі адукацыі Кітайскай Народнай Рэспублікі. Супрацоўніцтва, праверанае часам, не проста даказала мэтазгоднасць і эфектыўнасць, але і не пакінула ніякіх сумненняў у неабходнасці свайго пашырэння. Важным крокам для развіцця ўзаемадзеяння стаў рабочы візіт дэлегацыі БДПУ на чале з першым прарэктарам Святланай Іванаўнай Копцевай ва ўніверсітэты КНР.
Дэкан факультэта эстэтычнай адукацыі Святлана Міхайлаўна Кабачэўская, якая ўваходзіла ў склад дэлегацыі, падрабязна расказала пра змест і вынікі візіту. Так, падчас наведвання Хуайіньскага педагагічнага ўніверсітэта (далей – ХПУ) быў прэзентаваны адукацыйны патэнцыял БДПУ, абмяркоўваліся перспектыўныя напрамкі супрацоўніцтва. У прыватнасці, гаворка ішла пра распрацоўку і рэалізацыю сумесных адукацыйных праграм, правядзенне акадэмічных абменаў вучонымі, арганізацыю ў БДПУ летніх і зімовых школ для студэнтаў ХПУ, правядзенне каротка- і доўгатэрміновых курсаў па рускай мове. У рамках візіту ў Хэнаньскі фінансава-эканамічны ўніверсітэт (далей – ХФЭУ) гаспадары і госці абмеркавалі асаблівасці сістэмы прафесійнай адукацыі дзвюх краін. Падчас гутаркі ў цэнтры ўвагі знаходзіліся пытанні арганізацыі навучання кітайскіх грамадзян у БДПУ.
Па выніках шматлікіх сустрэч і перамоў адбылося падпісанне дагавораў аб супрацоўніцтве і дадатковага пагаднення аб стварэнні і рэалізацыі сумеснай адукацыйнай праграмы паміж факультэтам фізічнага выхавання нашага ўніверсітэта і Інстытутам фізічнай культуры ХПУ, якое ўхвалілі рэктары абодвух універсітэтаў – А.І. Жук і Лю Сюэчжы. Акрамя таго, былі дасягнуты дамоўленасці аб: наведванні БДПУ дэлегацыямі ўстаноў вышэйшай адукацыі КНР у 2023/2024 навучальным годзе; стварэнні і рэалізацыі сумесных праграм па сістэме 2+2, 3+1 і інш. па напрамках музычнай і мастацкай адукацыі, пачатковага і дашкольнага навучання, фізічнай культуры; паступленні выпускнікоў кітайскіх універсітэтаў у магістратуру на рускай ці англійскай мове па спецыяльнасцях «Мастацка-эстэтычная адукацыя», «Музычнае мастацтва», «Выяўленчае мастацтва»; удзеле выкладчыкаў ФЭА ў рэалізацыі сумеснай адукацыйнай праграмы са студэнтамі, якія навучаюцца на 1-м і 2-м курсах у Лаянскім педагагічным універсітэце і ХПУ; арганізацыі стажыровак на факультэце эстэтычнай адукацыі для выкладчыкаў кітайскіх універсітэтаў.
Таксама гаворка ішла пра адкрыццё ў БДПУ цэнтра «Кітайская мова +» і правядзенне ў кастрычніку бягучага года круглага стала, папярэдняя тэма якога – «Арганізацыя патрыятычнага выхавання студэнтаў ва ўстановах вышэйшай адукацыі Беларусі і Кітая». Мяркуецца правядзенне культурна-адукацыйных летніх школ «Пазнай Беларусь: ад адукацыі да культуры» ў БДПУ для студэнтаў кітайскіх універсітэтаў.
Для актывізацыі міжнароднага супрацоўніцтва, пашырэння яго напрамкаў і дыверсіфікацыі экспарту адукацыйных паслуг у працэсе камандзіроўкі прадстаўнікі БДПУ вывучылі вучэбна-метадычнае забеспячэнне кітайскіх універсітэтаў, наведалі іх структурныя падраздзяленні, азнаёміліся з матэрыяльна-тэхнічнай і спартыўнай базай, прэзентавалі адукацыйны патэнцыял БДПУ, правялі адкрытую лекцыю «БДПУ – тэрыторыя творчасці і першая ступень да міжнароднага поспеху» і г. д.
Сваімі поглядамі на перспектывы супрацоўніцтва ў галіне спорту і здаровага ладу жыцця падзяліўся яшчэ адзін член дэлегацыі – дэкан факультэта фізічнага выхавання Кірыл Юр’евіч Раманаў:
– На сустрэчы з прадстаўнікамі ХПУ я выказаў зацікаўленасць у развіцці ў нашым універсітэце такога кірунку спартыўных адзінаборстваў, як ушу. У БДПУ працуе 19 спартыўных секцый, у якіх займаецца больш за тысячу студэнтаў. Упэўнены, што новы напрамак будзе папулярны і запатрабаваны ў будучых педагогаў. Кітайскія калегі – сапраўдныя майстры ў гэтай справе – маглі б трэніраваць спартсменаў БДПУ і адначасова вучыць іх методыцы выкладання ушу. А студэнты ФФВ, зацікавіўшыся гэтым відам адзінаборстваў, прысвячалі б яму дыпломныя даследаванні, далучалі да ушу сваіх вучняў. Зусім рэальным у будучыні бачыцца нават правядзенне ў Беларусі міжнародных спаборніцтваў па ушу. На гэтыя турніры, акрамя спартсменаў, да нас прыязджалі б суддзі з Кітая – і не толькі для абслугоўвання спаборніцтваў, але і з мэтай падрыхтоўкі беларускага судзейскага корпуса на базе ФФВ БДПУ.
У межах паездкі мы наведалі спартыўна-адукацыйную школу, якая адкрыта пры легендарным манастыры Шаалінь. У яе прымаюцца хлопчыкі і дзяўчынкі ва ўзросце 5–6 гадоў, якія тут жывуць, вучацца і займаюцца спортам на адкрытых пляцоўках круглы год. Гэтыя матываваныя і здольныя дзеці захацелі прадэманстраваць свае ўменні і падрыхтавалі для нас паказальныя выступленні. Мы дамовіліся з кіраўніцтвам школы, што пасля яе заканчэння выпускнікі будуць паступаць у Хэнаньскі прафесійны інстытут мастацтваў, каб праз два гады ў адпаведнасці з праграмай 2+2 прыехаць да нас у БДПУ. Студэнты з КНР пазнаёмяць танкаўцаў з традыцыйнымі кітайскімі відамі спорту, а мы, у сваю чаргу, далучым іх да «Беларусіяды» – беларускіх нацыянальных рухомых гульняў.
Шмат цікавых ідэй узнікла падчас перамоў з калегамі з Хэнаньскага ўніверсітэта. Так, даведаўшыся пра поспехі нашых адзінаборцаў – дзюдаістаў, каратыстаў і самбістаў – на рэспубліканскай і міжнароднай арэнах, партнёры выказалі жаданне накіраваць сваіх спартсменаў да нас для правядзення сумесных трэніровак на базе Рэспубліканскага цэнтра алімпійскай падрыхтоўкі ў Стайках. Ухвальна была сустрэта прапанова, каб зборная БДПУ на чале з выкладчыкамі ўніверсітэта – вядучымі трэнерамі адпаведных федэрацый –прыехала ў Кітай для правядзення адкрытых трэніровак або барцоўскіх турніраў.
Вядома, нас, беларусаў, не могуць не ўражваць кітайскія маштабы. Напрыклад, тэрыторыя кампуса настолькі вялікая, што даводзіцца перамяшчацца па ёй аўтобусам. Не перастаю захапляцца і спартыўнай базай студэнцкага гарадка: асабіста я налічыў не менш як 24 баскетбольныя, 22 валейбольныя, 18 тэнісных пляцовак і два вялізныя стадыёны. І ніводны з аб’ектаў не пустуе! Увогуле, Хэнань – адна з самых населеных правінцый Кітая. Яе насельніцтва складае прыблізна 110 млн чалавек. Што да вышэйшай адукацыі, то яе атрыманне забяспечваюць 57 універсітэтаў. Іх відавочна бракуе. Конкурс складае 17 (!) чалавек на месца. А каб паступіць у аспірантуру, жадаючыя вымушаны чакаць у чарзе да навуковага кіраўніка каля 7 гадоў.
Падсумоўваючы сказанае, можна смела сцвярджаць, што наш універсітэт з’яўляецца вельмі прывабным партнёрам для кітайскіх устаноў вышэйшай адукацыі. Упэўнены, што ў хуткім часе дасягнутыя дамоўленасці пачнуць рэалізоўвацца на практыцы.
5 красавіка 2023 года № 4 (1290)
ВУЧЫЦЦА Ў ЛЕПШЫХ, КАБ СТАЦЬ НАЙЛЕПШЫМІ
Экспарт адукацыйных паслуг – паспяховы і надзвычай запатрабаваны напрамак дзейнасці нашай alma mater. Гэта і не дзіўна: БДПУ даўно здабыў рэпутацыю вядучай педагагічнай установы адукацыі рэспублікі, у якой акумулююцца самы перадавы метадычны вопыт і інавацыйныя прафесійныя кампетэнцыі. Універсітэт нязменна выклікае вялікую цікавасць у замежных абітурыентаў. А некаторыя з іх – у прыватнасці, узбекі – маюць унікальную магчымасць вучыцца на дзве краіны. Усё дзякуючы таму, што ў рамках супрацоўніцтва Беларускага дзяржаўнага педагагічнага ўніверсітэта імя Максіма Танка і Ташкенцкага дзяржаўнага педагагічнага ўніверсітэта імя Нізамі (далей – ТДПУ) у 2018 г. быў створаны і зараз паспяхова функцыянуе сумесны факультэт «Інавацыйная педагогіка». Сёння тут атрымліваюць адукацыю амаль 300 узбекскіх студэнтаў – будучых спецыялістаў у галіне лагапедыі, практычнай псіхалогіі, дашкольнай і пачатковай адукацыі.
Згодна з адукацыйнай праграмай тэрмін навучання на сумесным факультэце складае 4 і 5 гадоў. Выкладчыкі БДПУ пачынаюць узаемадзейнічаць з узбекскімі студэнтамі з першага курса. У працы яны актыўна выкарыстоўваюць інфармацыйна-камунікацыйныя тэхналогіі: чытаюць лекцыі, праводзяць практычныя і лабараторныя заняткі на платформах Zoom, Moodle. Таксама для павышэння якасці навучання вядучыя педагогі нашага ўніверсітэта ў перыяд заліковай і экзаменацыйнай сесій камандзіруюцца ў ТДПУ для начыткі матэрыялу і прыёму іспытаў.
На трэцім курсе ўзбекскія студэнты прыязджаюць у БДПУ, дзе праходзяць уключанае навучанне на базе факультэтаў і інстытутаў свайго профілю, займаюцца навуковай і праектнай дзейнасцю, замацоўваць атрыманыя веды, навыкі і прафесійныя кампетэнцыі на практыцы. Акрамя таго, падчас вучобы ў БДПУ ўзбекі знаёмяцца з культурай і нацыянальнымі традыцыямі беларусаў, наведваюць сталічныя тэатры і музеі, удзельнічаюць у інтэрнацыянальных зорных паходах па месцах баявой і працоўнай славы беларускага народа, выязджаюць на экскурсіі па гістарычных мясцінах. Дапамогу ў адаптацыі ім аказваюць студэнты-цьютары.
Сёння «Н» прапануе сваім чытачам паглядзець на працэс вучобы на сумесным факультэце «Інавацыйная педагогіка» вачыма ўзбекскіх студэнтаў.
Зарэма Аблямітава распавядае: «Падаць дакументы на сумесны факультэт БДПУ–ТДПУ наважылася пасля доўгіх роздумаў і абмеркавання з бацькамі. Не апошнюю ролю адыграла тое, што я заўсёды хацела пабываць у Беларусі, даведацца больш пра гэтую краіну. Паспяхова здала іспыты і праз некаторы час атрымала паведамленне аб залічэнні.
Выбрала спецыяльнасць „Практычная псіхалогія“, бо даўно цікавілася псіхалагічнымі магчымасцямі чалавека, чытала адпаведную навукова-папулярную літаратуру, нават фільмы для прагляду выбірала з псіхалагічным складнікам. Думаю, на мой выбар таксама паўплывала моцнае жаданне спазнаць сябе і соцыум.
Вучэбным працэсам вельмі задаволена, бо з намі працуюць сапраўдныя прафесіяналы, якія дзеляцца сваімі ведамі, у тым ліку з асабістага вопыту. Выкладчыкі заўсёды гатовы прыйсці на дапамогу, а таксама прапануюць прыняць удзел у розных цікавых праектах. За час навучання я стала больш адказнай, набыла неабходныя для будучай працы кампетэнцыі».
Другакурснік Мурадбек Гафурбекаў у сябе на радзіме працуе ў школе, пры гэтым па парадзе яе дырэктара год таму стаў студэнтам факультэта «Інавацыйная педагогіка». Успаміны пра паступленне дагэтуль выклікаюць у яго станоўчыя эмоцыі: «Праз некаторы час пасля запаўнення неабходных электронных дакументаў мяне запрасілі для здачы ўступных іспытаў. Абітурыентаў са спісу на літары А-Б-В не аказалася, а паколькі маё прозвішча Гафурбекаў, то я стаў першым, каго выклікалі!
Навучанне на спецыяльнасці „Практычная псіхалогія“ дае магчымасць шырэй глядзець на тое, што адбываецца вакол, знаходзіць падыход да любога чалавека, граматна размаўляць, наладжваць міжасобасныя зносіны.
Арганізацыя навучальнага працэсу мне падабаецца сваёй неардынарнасцю, выкарыстаннем сучасных метадаў і методык, тэхнічных сродкаў узаемадзеяння выкладчыка са студэнтамі, падыходам і аддачай педагогаў, якія працуюць на факультэце.
Першакурснікам магу толькі пажадаць грызці граніт навукі з задавальненнем. Успомнім словы Дэйла Карнегі: “Моцнае жаданне нечаму навучыцца – гэта ўжо 50 % поспеху!”».
Яркія ўражанні ў студэнта спецыяльнасці «Дашкольная адукацыя» Сардора пакінуў час, праведзены ў БДПУ: «На трэцім курсе мы з маёй аднагрупніцай Ганнай ездзілі ў сталіцу Рэспублікі Беларусь. Там мы праходзілі навучанне на факультэце дашкольнай адукацыі і пражывалі ў камфортным і зручна размешчаным інтэрнаце № 8 БДПУ. Пакоі тут забяспечаны ўсім, што неабходна для вучобы і адпачынку, ёсць нават тэхніка – халадзільнік і тэлевізар. Акрамя таго, на кожным паверсе кухні і санвузлы – чыстыя і дагледжаныя. Можна смела параўноўваць умовы жыцця ў гэтым інтэрнаце з кампусамі еўрапейскіх універсітэтаў. Пражыванне дастаткова даступнае па кошце. Плюс вельмі развіта гарадская інфраструктура, метро зусім блізка. Вучэбны корпус факультэта дашкольнай адукацыі размяшчаецца далекавата ад інтэрната, але на метро дабірацца было зручна. Акрамя таго, на заняткі ў першыя дні нас суправаджаў цьютар.
Адразу звярнуў увагу на тое, што жыццё ў інтэрнаце БДПУ добра арганізавана. Работнікі адміністрацыі заўсёды гатовы дапамагчы, адказваюць на пытанні, кантралююць парадак і чысціню ў пакоях і агульных памяшканнях. Я пражываў у блоку з аспірантамі, з якімі мне ўдалося знайсці агульную мову з першых дзён пасля засялення. Яны аказаліся вельмі добразычлівымі.
У Беларусі ўсё па-іншаму, чым на маёй радзіме, пачынаючы ад працы грамадскага транспарту і заканчваючы культурай і ладам жыцця людзей. Не магу не ўзгадаць свае пазітыўныя ўражанні ад горада. Я быў здзіўлены, наколькі ў Мінску чыста, які ён зялёны і прасторны. Акрамя таго, я быў уражаны ступенню павагі да правілаў. У Беларусі людзі вельмі дысцыплінаваныя!
Што да ўніверсітэта, то прыемна здзівіла тэхнічнае абсталяванне яго аўдыторый. Тут усё вельмі сучасна і функцыянальна. Мы мелі магчымасць карыстацца бібліятэкай і іншымі рэсурсамі, якія дапамагалі ў навучанні. Вядома, у ТДПУ таксама ёсць цудоўныя выкладчыкі і цікавыя прадметы, але заўсёды карысна павучыцца ў беларускіх калег.
У цэлым досвед уключанага навучання аказаўся вельмі карысным і для мяне, і для Ганны. Мы атрымалі шмат новых ведаў і ўражанняў, якія дапамогуць у будучыні. Вельмі ўдзячны ТДПУ і дэкану беларуска-ўзбекскага сумеснага факультэта Амільхону Шукурулаевічу Ісмаілаву, а таксама ўсяму рэктарату БДПУ! Выказваю ўдзячнасць паважанаму кіраўніцтву факультэта дашкольнай адукацыі БДПУ за цёплы прыём і атрыманыя веды. Асобныя словы падзякі адрасую нашаму цьютару – студэнтцы 4-га курса Аліне Русаковай за вялікую дапамогу ў бытавых пытаннях».
Трэцякурсніца спецыяльнасці «Пачатковая адукацыя» Юлія Паўлава захоплена распавядае пра педагагічную практыку, якую праходзіць зараз у сталічнай пачатковай школе № 29: «Упершыню мне ўдалося правесці ўрок цалкам самастойна! Спачатку вельмі хвалявалася, але затым дзякуючы падтрымцы маіх настаўнікаў і поўнай аддачы дзяцей „на сцэну“ выходзіла больш упэўнена. Досвед, набыты падчас правядзення ўрокаў, у зносінах з дзецьмі, у камунікацыі з адміністрацыяй і выкладчыкамі, сапраўды бясцэнны.
Адной з самых яскравых падзей універсітэцкага жыцця для мяне стаў удзел у 58-м інтэрнацыянальным Зорным паходзе. Яшчэ на першым курсе, падчас навучання ў Ташкенце, я не раз чула пра гэтае маштабнае мерапрыемства. Ужо тады зразумела, што проста абавязана стаць часткай гэтай падзеі! Дзякуючы Зорнаму я набыла новых сяброў, навучылася праводзіць прафарыентацыйныя заняткі, пераняла вопыт лепшых педагогаў, наведала месцы баявой і працоўнай славы беларускага народа… Гэта тое мерапрыемства, удзел у якім абавязкова хочацца паўтарыць!
Быць студэнтам сумеснага беларускаўзбекскага факультэта „Інавацыйная педагогіка“, набываць прафесійны вопыт і ў Беларусі, і ва Узбекістане – сапраўды ўнікальная магчымасць. Мы нібы памнажаем набытыя веды на два, і гэта вельмі дарэчы! Мы іх выкарыстаем, каб стаць для сваіх вучняў узорам і прыкладам, каб жывіць іх дзіцячую дапытлівасць і адкрываць маленькія таямніцы вялікага свету».
16 сакавіка 2023 года № 3 (1289)
ДЫЯЛОГ НА ПЕРСПЕКТЫВУ
У пачатку сакавіка ў Яраслаўскім дзяржаўным педагагічным універсітэце імя К.Д. Ушынскага (ЯДПУ) прайшоў маштабны Міжнародны форум «Еўразійскі адукацыйны дыялог». Ён сабраў больш за 800 удзельнікаў – педагогаў, вучоных і экспертаў з Арменіі, Беларусі, Кітая, Кыргызстана, Манголіі, Сербіі, Таджыкістана, Узбекістана, а таксама прадстаўнікоў 59 рэгіёнаў Расіі. БДПУ на форуме прадстаўляла прарэктар па навуковай рабоце А.В. Позняк.
Праграма візіту была вельмі насычанай. Аляксандра Валянцінаўна прыняла ўдзел у Праектнай сесіі для прарэктараў па вучэбнай і выхаваўчай рабоце і рэктараў педагагічных універсітэтаў Расійскай Федэрацыі; прадставіла вопыт працы ўстаноў адукацыі Рэспублікі Беларусь па арганізацыі дзейнасці педагагічных класаў; выступіла на пленарным пасяджэнні форуму з дакладам «Трансфармацыя педагагічнай адукацыі ў кантэксце сучасных адукацыйных тэндэнцый: вопыт Рэспублікі Беларусь».
Па рэзультатах праведзеных у межах форуму сустрэч з прадстаўнікамі Міністэрства асветы Расійскай Федэрацыі, Расійскага таварыства «Веды», дэпартамента адукацыі Яраслаўскай вобласці, іншых арганізацый і ўстаноў вышэйшай адукацыі дасягнуты шэраг дамоўленасцей аб супрацоўніцтве калектываў БДПУ і педагагічных універсітэтаў Расіі ў адукацыйным, навуковым і сацыякультурным напрамках. А канкрэтна аб:
– пашырэнні вектараў супрацоўніцтва БДПУ з ЯДПУ, іншымі ўстановамі вышэйшай адукацыі Расіі, якія ажыццяўляюць падрыхтоўку па педагагічных спецыяльнасцях;
– арганізацыі адукацыйных стажыровак на базе БДПУ супрацоўнікаў педагагічных універсітэтаў Расіі па навукова-метадычным і арганізацыйным забеспячэнні дзейнасці педагагічных класаў;
– вывучэнні вопыту работы тэхнапарка ўніверсальных педагагічных кампетэнцый на базе ЯДПУ;
– правядзенні дзён БДПУ ў ЯДПУ і дзён ЯДПУ ў БДПУ ў верасні-кастрычніку 2023 г.;
– удзеле студэнтаў, вучоных і выкладчыкаў ЯДПУ, Маскоўскага педагагічнага дзяржаўнага ўніверсітэта (МПДУ), Тульскага дзяржаўнага педагагічнага ўніверсітэта (ТДПУ) і іншых педагагічных універсітэтаў Расіі ў Дэкадзе студэнцкай навукі і міжнароднай канферэнцыі «Маладая навука – педагагічнай адукацыі» на базе БДПУ;
– узаемадзеянні БДПУ, МПДУ і ТДПУ пры арганізацыі работы беларуска-расійскага рэсурснага цэнтра па навуковаметадычным суправаджэнні дзейнасці профільных класаў педагагічнай накіраванасці.
Наперадзе шмат работы па рэалізацыі запланаванага: распрацоўка прапановы па стварэнні міжнароднай СНДЛ з прыцягненнем студэнтаў і выкладчыкаў ЯДПУ па вывучэнні пытанняў развіцця STEMадукацыі і падрыхтоўкі ў гэтым кантэксце будучых педагогаў; распрацоўка прапаноў па правядзенні сумесных навуковых даследаванняў з прадстаўнікамі педагагічных устаноў Расіі, а таксама па арганізацыі для іх работнікаў і педагагічных работнікаў школ стажыровак і курсаў павышэння кваліфікацыі на базе БДПУ. І, як было адзначана вышэй, у планах стварэнне беларуска-расійскага рэсурснага цэнтра па навукова-метадычным суправаджэнні дзейнасці профільных класаў педагагічнай накіраванасці з прыцягненнем адказных асоб з МПДУ і ТДПУ.
20 лютага 2023 года № 2 (1288)
БЕЛАРУСЬ–ТАДЖЫКІСТАН: НОВЫ КРОК У СУПРАЦОЎНІЦТВЕ
ІПКіП БДПУ арганізаваў стажыроўку па вучэбнай праграме «Тэхналогіі эфектыўнай камунікацыі: менеджмент і самаменеджмент кіраўніка ўстановы адукацыі» для калег з Таджыкскага дзяржаўнага педагагічнага ўніверсітэта імя Садрыдзіна Айні (г. Душанбэ) – дэкана факультэта фізікі Назрулоева Абдукадзіра Садулоевіча і дэкана факультэта тэхналогіі і прадпрымальніцтва Шырынава Міркурбона Чылаевіча.
Гэта не першы вопыт супрацоўніцтва выкладчыкаў нашага ўніверсітэта з калегамі з Таджыкістана, але ўпершыню такое ўзаемадзеянне адбывалася ў адукацыйным асяроддзі БДПУ. І нам было што паказаць! Цэнтр развіцця інфармацыйных тэхналогій, Рэспубліканскі рэсурсны цэнтр адукацыйнай робататэхнікі, планетарый, рэсурсы бібліятэкі і рэпазіторыя БДПУ…
Для разумення пераемнасці ў сістэме адукацыі і спецыфікі працоўнага навучання ў Рэспубліцы Беларусь для стажораў была арганізавана экскурсія ў СШ № 26 г. Мінска. Пад кіраўніцтвам дырэктара школы І.К. Ваўчанковай таджыкскія калегі азнаёміліся з дзейнасцю ўстановы адукацыі ў цэлым і больш падрабязна – з працай ваенна- патрыятычнага клуба, наведалі ўрокі па вучэбным прадмеце «Працоўнае навучанне», музейны пакой і інш.
Вынікі двухтыднёвай стажыроўкі былі падведзены на рабочай сустрэчы з удзелам прарэктара ўніверсітэта па вучэбнай рабоце А.В. Макоўчыка, дырэктара ІПКіП БДПУ І.У. Шасцітка, начальніка ўпраўлення міжнароднага супрацоўніцтва І.У. Козела. Падчас размовы таджыкскія калегі падзяліліся пазітыўнымі ўражаннямі ад убачанага, адзначылі высокі ўзровень арганізацыі і правядзення стажыроўкі. Напрыканцы сустрэчы гасцям былі ўручаны сувеніры з сімволікай БДПУ.
23 лістапада 2022 года № 13 (1283)
ПРАДСТАЎНІКІ рэктарата БДПУ – прарэктар па вучэбнай рабоце А.В. Макоўчык, прарэктар па навуковай рабоце А.В. Позняк і дырэктар ІПКіП І.У. Шасцітка абмеркавалі з прарэктарам Таджыкскага дзяржаўнага педагагічнага ўніверсітэта імя С. Айні Худойдадзодам Фарухам Бегіджонам перспектывы супрацоўніцтва дзвюх устаноў вышэйшай адукацыі. Упершыню партнёрскія стасункі паміж нашымі ўніверсітэтамі былі ўсталяваны ў 2018 годзе, калі група прадстаўнікоў прафесарска-выкладчыцкага складу ТДПУ праходзіла павышэнне кваліфікацыі ў ІПКіП БДПУ па вучэбнай праграме «Інтэнсіўнае навучанне: тэхналогіі арганізацыі адукацыйнага працэсу». Асабліва госця зацікавіла магчымасць правядзення сумесных навуковых канферэнцый і даследаванняў, стажыровак для выкладчыкаў, магістрантаў і аспірантаў па рускай мове, павышэння кваліфікацыі па псіхалогіі і педагогіцы вышэйшай школы.
ДНЯМІ быў падпісаны Дагавор аб супрацоўніцтве паміж БДПУ і Рэспубліканскім інстытутам павышэння кваліфікацыі і перападрыхтоўкі работнікаў сферы адукацыі Рэспублікі Таджыкістан. З гэтай мэтай наш універсітэт наведала дэлегацыя РІПКіП на чале з рэктарам установы Намазадой Джамшэдам Ашурмадам. Калегі правялі перамовы аб перспектывах і напрамках двухбаковага ўзаемадзеяння ў галіне адукацыі, навукова-даследчай работы, павышэння кваліфікацыі педагагічных кадраў.
У рамках візіту адбыўся круглы стол на тэму «БДПУ і РІПКіП: перспектывы рэалізацыі дагавора аб супрацоўніцтве». Прарэктар па вучэбнай рабоце А.В. Макоўчык спыніўся на правілах паступлення грамадзян Таджыкістана ў магістратуру, аспірантуру і дактарантуру БДПУ. Дырэктар ІПКіП І.У. Шасцітка прадставіла партнёрам праграмы павышэння кваліфікацыі, перападрыхтоўкі і стажыровак для вочнай, завочнай і дыстанцыйнай формаў. Дэкан факультэта дашкольнай адукацыі В.М. Анцыпіровіч расказала калегам аб праграмах, што рэалізуюцца ў Цэнтры сучасных методык дашкольнай адукацыі, а таксама пра магчымасці ўзаемадзеяння з замежнымі партнёрамі.
Асаблівую зацікаўленасць гасцей выклікалі тэмы стажыровак, развіцця інклюзіўнай адукацыі, абмену метадычным забеспячэннем адукацыйнага працэсу.
31 кастрычніка 2022 года № 12 (1282)
ПРАГРЭСІЎНЫ ВОПЫТ – ЗАМЕЖНЫМ КАЛЕГАМ
Візіт рэктара БДПУ А.І. Жука ў сталіцу Казахстана Астану для ўдзелу ў VII з’ездзе настаўнікаў і работнікаў адукацыі дзяржаў – удзельніц СНД атрымаў свой лагічны працяг. Даклад Аляксандра Іванавіча «Аб вопыце Рэспублікі Беларусь па падрыхтоўцы педагога XXI стагоддзя ў кантэксце сусветных трэндаў і нацыянальнай спецыфікі» выклікаў непадробны інтарэс у калег з Нацыянальнай акадэміі адукацыі імя Ібрая Алтынсарына (далей – НАА). Таму ў хуткім часе наш універсітэт прымаў казахстанскую дэлегацыю на чале з віцэ-прэзідэнтам установы Аліёй Чокушавай. Вядучыя спецыялісты НАА прыехалі з мэтай больш глыбокага вывучэння беларускага вопыту па ранняй прафесійнай арыентацыі школьнікаў на педагагічную прафесію, правядзення перамоў аб магчымасцях супрацоўніцтва з БДПУ ў галіне адукацыі і навукова-даследчай дзейнасці.
Прарэктар па вучэбнай рабоце і міжнароднай дзейнасці ўніверсітэта А.В. Макоўчык азнаёміў гасцей з патэнцыялам вядучага педагагічнага ўніверсітэта краіны і абмеркаваў з імі пытанні арганізацыі стажыровак для работнікаў сістэмы адукацыі. Казахстанскія калегі наведалі заняткі Школы развіцця дзіцяці «Першая адукацыя» і засталіся пад уражаннем ад убачанага.
Прарэктар па навуковай рабоце БДПУ А.В. Позняк прадставіла партнёрам з Казахстана разгорнутую інфармацыю пра тое, як педагагічныя класы сталі ў Беларусі базавай ступенню ўваходжання ў педагагічнуюпрафесію, а таксама запрасіла калег да ўдзелу ў Х Міжнароднай навуковапрактычнай канферэнцыі «Педагагічная адукацыя ва ўмовах трансфармацыі працэсаў: рэсурсы і механізмы забеспячэння ўстойлівага развіцця грамадства».
Падчас гутаркі з дэканам філалагічнага факультэта В.Д. Старычонкам прайшло абмеркаванне тэмы трохмоўнага навучання і навуковага супрацоўніцтва ў гэтым напрамку.
Вынікам візіту стала выпрацоўка праекта дагавора аб супрацоўніцтве паміж БДПУ і Нацыянальнай акадэміяй адукацыі імя Ібрая Алтынсарына, узгадненне і падпісанне якога запланаваныя на бліжэйшы час.
18 кастрычніка 2022 года № 11 (1281)
АДУКАЦЫЯ Ў ФОКУСЕ ЎВАГІ СНД
Днямі сталіца Казахстана Астана прымала ўдзельнікаў VII з’езда настаўнікаў і работнікаў адукацыі дзяржаў-удзельніц СНД. Сёлета ключавымі тэмамі сустрэчы педагагічнай эліты Садружнасці сталі змест адукацыі, лічбавыя трансфармацыі, інклюзія, пытанні падрыхтоўкі і выхавання будучых спецыялістаў, удасканалення прафесійнага майстэрства педагога і яго ролі ў сучасным грамадстве.
Перад удзельнікамі форуму з дакладам «Аб вопыце Рэспублікі Беларусь па падрыхтоўцы педагога ХХІ стагоддзя ў кантэксце сусветных трэндаў і нацыянальнай спецыфікі» выступіў рэктар БДПУ А.І. Жук. Калегам з Арменіі, Казахстана, Кыргызстана, Расіі і Таджыкістана Аляксандр Іванавіч расказаў пра найбольш актуальныя пытанні фарміравання асобы навучэнцаў і асноўныя шляхі іх вырашэння ў нашай краіне. У ліку прыярытэтных – выхаванне любові і павагі да Айчыны, яе гісторыі і культуры, а таксама фарміраванне функцыянальнай граматнасці, вельмі запатрабаванай ва ўмовах сучаснага інфармацыйнага грамадства. У гэтай сувязі А.І. Жук падкрэсліў асаблівую ролю настаўніка ва ўстойлівым развіцці грамадства і спыніўся на важнейшых метакампетэнцыях сучаснага педагога як стратэгічных арыенцірах абнаўлення педагагічнай адукацыі. Асаблівую зацікаўленасць удзельнікаў форуму выклікала прадстаўленая ў дакладзе шматузроўневая сістэма падрыхтоўкі педагагічных кадраў Беларусі, для якой характэрныя бесперапыннасць і практыкаарыентаванасць.
Падсумоўваючы сказанае, Аляксандр Іванавіч прадставіў калегам сваё бачанне далейшых крокаў па забеспячэнні высокай якасці падрыхтоўкі педагога ва ўстановах адукацыі, падкрэсліў неабходнасць міжнароднай інтэграцыі і абмену лепшым педагагічным вопытам.
ЯШЧЭ адной важнай падзеяй у рамках з’езда стала правядзенне фінальнага этапу ІІ Міжнароднага фестывалю педагагічнага майстэрства. Члены журы вызначалі лепшыя аўтарскія методыкі па эфектыўным правядзенні заняткаў і развіцці навучэнцаў. З радасцю паведамляем чытачам «Н», што ў асноўнай намінацыі фестывалю – «Настаўнік» – пераможцам стаў выпускнік філалагічнага факультэта БДПУ дырэктар СШ № 1 г. Маладзечна Васіль Маліноўскі. Увазе ўдзельнікаў з’езда ён прапанаваў майстар-клас, прысвечаны стратэгіям развіцця ў дзяцей навыкаў чытання.
У ПЕРЫЯД работы форуму педагогаў Садружнасці рэктар БДПУ А.І. Жук правёў сустрэчу з кіраўніком Карагандзінскага дзяржаўнага ўніверсітэта імя акадэміка Я.А. Букетава (далей – КарДУ) Н.А. Дулатбекавым, азнаёміўся з ключавымі структурамі гэтай установы адукацыі, дзейнасцю педагагічнага факультэта, абмеркаваў з казахстанскімі калегамі асноўныя вектары супрацоўніцтва: навука, адукацыя і стажыроўка.
У РАМКАХ з’езда дзве ўстановы вышэйшай адукацыі – БДПУ і КарДУ – у рэжыме анлайн-канферэнцыі правялі круглы стол «Дзейнасць органаў студэнцкага самакіравання і грамадскіх маладзёжных арганізацый: вопыт і перспектывы супрацоўніцтва». Ад нашага ўніверсітэта ў ім прынялі ўдзел першы прарэктар БДПУ С.І. Копцева, кіраўнікі структурных падраздзяленняў і грамадскіх арганізацый, студэнцкі актыў. Удзельнікі мерапрыемства падзяліліся вопытам работы і рэалізацыі шэрагу значных праектаў.
31 мая 2022 года № 7 (1277)
Рэктар БДПУ А.І. Жук сустрэўся з кіраўнікамі і спецыялістамі Кызылардзінскага абласнога ўпраўлення адукацыі (г. Кызыларда, Казахстан) у межах круглага стала «Навуковая стажыроўка: вынікі і перспектывы міжнароднага супрацоўніцтва». Удзельнікі мерапрыемства абмеркавалі актуальныя пытанні развіцця сістэмы адукацыі ў Рэспубліцы Беларусь і Рэспубліцы Казахстан, перспектывы партнёрства і акадэмічнай мабільнасці педагагічных работнікаў абедзвюх краін.
«Н»-даведка. БДПУ працягвае супрацоўніцтва з універсітэтамі Казахстана. Так, у маі на базе ІПКіП БДПУ (дырэктар – І.У. Шасцітка) пяць педагагічных работнікаў Кызылардзінскага абласнога ўпраўлення адукацыі прайшлі стажыроўку па вучэбнай праграме «Экалагічная адукацыя і ўстойлівае развіццё: інавацыйны вопыт Рэспублікі Беларусь». Стажоры выязджалі на адукацыйныя экскурсіі ў СШ № 4 і яслі-сад №1 г. Дзяржынска, наведалі экалагічную сцежку ў Рэспубліканскім ландшафтным заказніку «Налібоцкі», прынялі ўдзел у дзелавой гульні.
16 мая 2022 года № 6 (1276)
БДПУ прыняў дэлегацыю Ніжагародскага дзяржаўнага педагагічнага ўніверсітэта імя Казьмы Мініна (РФ) на чале з першым прарэктарам Э.К. Самерханавай. З гасцямі сустрэліся прарэктар па вучэбнай рабоце С.І. Васілец, начальнік цэнтра арганізацыйна-метадычнага забеспячэння адукацыйнай дзейнасці Ю.В. Строгая, начальнік упраўлення міжнароднага супрацоўніцтва І.У. Козел.
Гасцям была прапанавана грунтоўная праграма, якая ўключала знаёмства з матэрыяльна-тэхнічнай і вучэбнай базай БДПУ, наведванне рэспубліканскіх рэсурсных цэнтраў адукацыйнай робататэхнікі і інклюзіўнай адукацыі, удзел у пленарным пасяджэнні IV Міжнароднай навукова-практычнай канферэнцыі «Педагагічныя класы: вопыт і перспектывы». А яшчэ – шматлікія дзелавыя сустрэчы: з дэканам фізіка-матэматычнага факультэта Г.Ф. Клімовіч, загадчыкам кафедры педагогікі факультэта сацыяльна-педагагічных тэхналогій С.М. Сірэнка, начальнікам Каардынацыйнага цэнтра «Адукацыя ў інтарэсах устойлівага развіцця» БДПУ І.У. Зубрылінай, каардынатарам Green Office BSPU Д.С. Данільчык. Падчас размовы калегі абмеркавалі перспектывы двухбаковага ўзаемадзеяння, у прыватнасці, распрацоўку сумесных магістарскіх і адукацыйных праграм, пытанні акадэмічнай мабільнасці студэнтаў і выкладчыцкага складу, магчымасць рэалізацыі шэрагу праектаў. Таксама члены дэлегацыі наведалі краму «Каларыт», дзе азнаёмілася з вучэбна-метадычнымі матэрыяламі і кніжнай прадукцыяй, якая выдаецца БДПУ.
25 красавіка 2022 года № 5 (1275)
ДЭКАДА СТУДЭНЦКАЙ НАВУКІ: З ПАЧЫНАМ!
У БДПУ стартавала Дэкада студэнцкай навукі. На працягу дзесяці красавіцкіх дзён у яе рамках пройдзе шэраг буйных мерапрыемстваў: міжнародны форум «Студэнцкая навука – інавацыйны патэнцыял будучыні» (ён уключае 11 канферэнцый на факультэтах і ў інстытутах БДПУ), навуковы семінар для маладых вучоных «Публікацыя матэрыялаў даследавання ў вядучых навуковых часопісах», Аспіранцкія чытанні, студэнцкі фестываль адукацыйных відэаролікаў «Педагагічныя магчымасці інфармацыйных тэхналогій», стэндавыя даклады «Міжпрадметныя праекты для школьнікаў», конкурсы даследчых праектаў у сацыяльна-адукацыйнай сферы і на лепшую студэнцкую навукова-даследчую лабараторыю. Таксама будуць прадстаўлены дасягненні найбольш матываваных і здольных да навукова-даследчай дзейнасці студэнтаў, з’явіцца магчымасць наладзіць партнёрскія стасункі з прадстаўнікамі іншых універсітэтаў Беларусі і замежжа.
Асобнае месца сярод мерапрыемстваў Дэкады займае IV міжнародная навукова-практычная канферэнцыя «Педагагічныя класы: вопыт і перспектывы». Пра важнасць і актуальнасць заяўленай тэмы, звязанай з далейшым развіццём сістэмы бесперапыннай педагагічнай адукацыі ў краіне, прафілізацыяй працэсу навучання ў школе, больш раннім прафесійным самавызначэннем, гаворыць і тое, што пленарнае пасяджэнне канферэнцыі адкрыў рэктар БДПУ А.І. Жук, а з прывітальным словам да прысутных звярнуўся намеснік міністра адукацыі А.У. Кадлубай. У рамках канферэнцыі прайшлі прэзентацыі педагагічнага вопыту, дыскусіі, у якіх прынялі ўдзел больш чым 300 педагогаў, школьнікаў і студэнтаў, майстаркласы, мерапрыемствы для навучэнцаў педагагічных класаў.
У адпаведнасці з праграмай Дэкады студэнцкай навукі 25 красавіка адбудзецца конкурс «Студэнт года» ў намінацыі «Навукова-даследчая дзейнасць». Хто стане ўладальнікам «Педагагічнага Оскара» – паменшанай копіі скульптурнай кампазіцыі «Настаўніца першая мая», стане вядома ў маі на цырымоніі ўзнагароджання пераможцаў.
СЯБРОЎСТВА З НАЦЫЯНАЛЬНЫМ КАЛАРЫТАМ
Днямі ў школьным музеі «Беларуская хатка», размешчаным у гімназіі № 4 г. Мінска, адбыўся вечар беларуска-ўзбекскай дружбы. Студэнты сумеснага факультэта БДПУ–ТДПУ «Інавацыйная педагогіка» з Ташкента і прадстаўнікі факультэта пачатковай адукацыі нашага ўніверсітэта сустрэліся, каб у нефармальнай абстаноўцы пазнаёміцца з культурай абедзвюх краін. Будучыя педагогі з задавальненнем падзяліліся сваімі ўражаннямі.
Маліка Мажанава:
– У гімназіі нас сустракалі хлебам-соллю, песняй і народным беларускім танцам. Вучні правялі нас у «сэрца» сваёй установы адукацыі – музей «Беларуская хатка». Тут адноўлены інтэр’ер традыцыйнага сялянскага дома з прадметамі побыту, якія даюць уяўленне пра жыццё і працоўную дзейнасць тагачасных беларусаў. Найперш гэта печ, што займае цэнтральнае месца ў кожнай хаце; саламяны павук, які забірае негатыўную энергію дома; абрусы, ручнікі, посуд – тое, чым штодня карысталася звычайная сям’я. Усё гэта дазволіла нам зазірнуць у свет продкаў сучасных беларусаў і азнаёміцца з іх традыцыямі.
Мы ў адказ прадэманстравалі сябрам наш узбекскі каларыт: пазнаёмілі з нацыянальнымі святамі, традыцыйнымі стравамі, прапанавалі разгадаць загадкі. Мы разам выконвалі народныя песні, а потым вучылі адзін аднаго танцам сваіх краін.
Вялікі дзякуй педагагічным калектывам факультэта і гімназіі за цудоўнае мерапрыемства! Спадзяёмся, што сяброўства паміж Беларуссю і Узбекістанам будзе толькі мацнець.
Камола Жаўліева:
– Падчас правядзення вечара беларускаўзбекскай дружбы мы, студэнты факультэта «Інавацыйная педагогіка», атрымалі вельмі яркія ўражанні. Гімназісты правялі для нас пазнавальную экскурсію па музеі, падчас якой распавялі пра побыт і традыцыі мясцовага насельніцтва мінулых стагоддзяў. Потым студэнты БДПУ і ТДПУ расказвалі пра свае краіны, буйныя гарады, традыцыі, святы. Гэтая сустрэча была для мяне вельмі цікавай і запомніцца на ўсё жыццё. Дзякуй яе арганізатарам і ўдзельнікам! Дзякуй гімназістам і іх педагогам за цёплы прыём!
Дурдона Шагулямава:
– Было вельмі цікава слухаць аповед пра беларускія традыцыі. Дзве гадзіны ў цёплай сяброўскай атмасферы праляцелі незаўважна. Вечар дружбы яшчэ мацней аб’яднаў моладзь БДПУ і ТДПУ. У жывых зносінах мы змаглі больш даведацца пра гісторыю нашых народаў, падарыць адзін аднаму ўсмешкі і добры настрой. Дзякуй адміністрацыі музея за тое, што прадаставілі нам магчымасць пазнаёміцца з культурай Беларусі. Наша падзяка Ірыне Аляксандраўне Буторынай за ідэю правядзення такога мерапрыемства, стварэнне насамрэч душэўнай атмасферы.
Беларускія студэнты, якія прынялі ўдзел у вечары сяброўства, з’яўляюцца цьютарамі будучых педагогаў з Узбекістана, што ў дадзены момант праходзяць навучанне ў Мінску. Яны не толькі дапамагаюць больш даведацца пра выдатныя магчымасці навучання ў БДПУ, але і дзень за днём адкрываюць для ўзбекскіх студэнтаў новыя грані гасціннай Беларусі
Дар’я Гуцава, студэнтка 2-га курса БДПУ, цьютар:
– Гэта быў незабыўны вечар у цёплай і сяброўскай атмасферы – выдатная магчымасць расказаць адзін аднаму пра сябе. У прыватнасці, нам, беларусам, акунуцца ў атмасферу сонечнага Узбекістана, даведацца пра ўсходнія гарады і нацыянальную кухню, вывучыць узбекскі танец. Асаблівы каларыт сустрэчы надавалі беларускія і ўзбекскія касцюмы, якія адыгрываюць важную ролю ў захаванні спрадвечных народных традыцый. Сустрэча была цёплай, душэўнай, напоўненай любоўю да роднага краю. Падчас такіх мерапрыемстваў яшчэ больш ярка ўсведамляеш непаўторнасць кожнай культуры і кожнага чалавека.
21 сакавіка 2022 года № 3 (1273)
СУМЕСНЫ ФАКУЛЬТЭТ – ПАДВОЙНЫЯ МАГЧЫМАСЦІ
Вучыцца адразу ў двух універсітэтах і дзвюх краінах – магчымасць, пра якую мараць многія студэнты, бо яна дазваляе засвоіць і пераняць лепшыя набыткі і самы перадавы вопыт як айчыннай, так і замежнай адукацыі. Дзякуючы стварэнню сумеснага факультэта «Інавацыйная педагогіка» прадстаўнікі Ташкенцкага дзяржаўнага педагагічнага ўніверсітэта імя Нізамі такую ўнікальную магчымасць атрымалі. У рамках праграмы студэнты-трэцякурснікі з Узбекістана, якія навучаюцца па спецыяльнасцях «Лагапедыя», «Дашкольная адукацыя», «Пачатковая адукацыя», «Практычная псіхалогія», прыехалі здабываць веды ў БДПУ, дзе правядуць увесь шосты семестр. Першыя ўражанні будучых педагогаў настолькі моцныя, што яны спяшаюцца падзяліцца імі з чытачамі «Н».
Мусліма Усманава, Мадзіна Юсупава:
– Знаёмства з Беларуссю пачалося ў Нацыянальным аэрапорце, дзе нас ветліва сустрэлі прадстаўнікі ўніверсітэта, прывезлі ў інтэрнат і дапамаглі рассяліцца па пакоях. Адміністрацыя Інстытута інклюзіўнай адукацыі ўключыла студэнтаў факультэта «Інавацыйная педагогіка» ў склад 05-й групы спецыяльнасці «Лагапедыя». З першага дня мы ўліліся ў працэс навучання. Трэба сказаць, усё арганізавана на вышэйшым узроўні. З намі працуе высокакваліфікаваны выкладчыцкі склад, у прыватнасці, загадчыца кафедры лагапедыі Н.М. Баль. І аднакурснікі вельмі цёпла нас прынялі. Яны добрыя і вясёлыя, дапамагаюць выконваць хатнія заданні, арганізуюць экскурсіі, расказваюць, што і дзе знаходзіцца. Мы разам ездзім на заняткі і вяртаемся ў інтэрнат.
З першага дня ў БДПУ шэфства над намі ўзяла цьютар Дар’я Бібік. Яна вучыцца ў нашай групе і пражывае ў адным з намі інтэрнаце. Без яе было б вельмі цяжка. Дзяўчына дапамагла арганізаваць наш побыт, дала шмат карысных парад, паказала, дзе купляць прадукты і канцылярскія тавары. Разам з Дашай мы наведалі 33-ю студэнцкую паліклініку. Тут мы праходзім медагляд, каб атрымаць допуск да педагагічнай практыкі.
Інтэрнат № 8, дзе мы пражываем, – сучасны, камфортны, утульны. Ён шматпавярховы, і з вокнаў пакояў адкрываецца шыкоўная панарама. У кожным блоку ёсць кухня. Разам са сваімі суседзямі ў мінулыя выхадныя мы зладзілі дзень нацыянальнай беларускай кухні. Дранікі, клёцкі, боршч – усё так смачна атрымалася! Цяпер наша чарга частаваць сяброў узбекскім пловам.
Мінск мы амаль не бачылі. Пакуль што адаптуемся да вучобы, вырашаем пытанні з рэгістрацыяй… Аднак ужо пабывалі на плошчы Незалежнасці. Тут размешчаны галоўны корпус БДПУ і адна са славутасцей Мінска – касцёл святых Сымона і Алены. Яшчэ ўбачылі прыгожыя будынкі праспекта Незалежнасці і гандлёвы цэнтр «Сталіца». Спецыяльна для нас студэнты гістарычнага факультэта зладзілі экскурсію ў музей БДПУ, паказалі вучэбныя, спартыўныя і культурныя аб’екты ўніверсітэта. З бліжэйшых планаў – удзел у Міжнародным дні роднай мовы. Будзем чытаць вершы на ўзбекскай, расказваць пра тонкасці маўлення, знаёміць аднакурснікаў з вядомымі паэтамі нашай краіны.
Якія ўражанні ад першага тыдня? Найперш, мы ў захапленні ад гасціннасці беларусаў. Яшчэ здзівіла надвор’е: мы не ўяўлялі, што ў Мінску можа быць так холадна. Уразіла і лакацыя нашага корпуса – тое, што ён знаходзіцца ў лесе. Пакуль што адчуваем некаторыя цяжкасці з мясцовай валютай: шмат грошай патрацілі, асабліва ў першыя дні.
І ўсё ж большасць нашых надзей спраўдзілася. Найперш гэта датычыцца узроўню выкладання і арганізацыі працэсу навучання. Атрымалі эстэтычнае задавальненне ад беларускай архітэктуры і прыроды. Яшчэ хачу адзначыць добры стан інтэрнатаў БДПУ і зручнасць іх размяшчэння. Асобны дзякуй рэктарату БДПУ за цудоўныя ўмовы пражывання!
Дурдона Шагулямава:
– Я вучуся на сумесным факультэце БДПУ і ТДПУ «Інавацыйная педагогіка» ўжо трэці год. І не было такога дня, каб пашкадавала пра зроблены выбар: працэс прыносіць мне вялікае задавальненне. Тыдзень таму ў складзе групы суайчыннікаў прыехала ў БДПУ, дзе на працягу семестра буду праходзіць навучанне на факультэце пачатковай адукацыі.
Беларусь і Узбекістан вельмі розныя, таму спачатку ўсё для нас было нязвыклым. Аднак мы хутка прызвычаіліся. У БДПУ выдатны выкладчыцкі склад. Усе педагогі – разумныя, уважлівыя і спагадлівыя людзі. Штодня яны перадаюць нам свае веды, якія мы будзем выкарыстоўваць у сваёй будучай прафесійнай дзейнасці.
З беларускімі студэнтамі мы наладзілі кантакт даволі хутка: прадстаўнікі БДПУ нас гасцінна сустракалі. Магчыма, у хуткім часе мы станем сябрамі. Яшчэ мне вельмі падабаецца, што ў БДПУ пануе прыязная атмасфера і ўніверсітэт дае сваім студэнтам магчымасць для творчага развіцця. Я даведалася, што тут часта ладзяцца канцэрты, праводзяцца розныя мерапрыемствы. Што да мяне, то спадзяюся даведацца яшчэ больш пра беларусаў і іх культуру.
Мінск мне спадабаўся. Тут вельмі ўтульна. А яшчэ я шчаслівая ад таго, што з’яўляюся студэнткай адразу двух універсітэтаў – БДПУ і ТДПУ. Гэта цудоўна!
21 студзеня 2022 года, № 1 (1271)
НОВЫЯ ВЕКТАРЫ НАДЗЕЙНАГА ПАРТНЁРСТВА
Развіццё ўзаемавыгаднага супрацоўніцтва з замежнымі партнёрамі ўваходзіць у лік прыярытэтных напрамкаў дзейнасці БДПУ. Эфектыўныя міжнародныя кантакты ўстаноўлены на ўзроўні факультэтаў і інстытутаў. Яскравым прыкладам гэтага можа служыць дзейнасць факультэта прыродазнаўства, які наладзіў дзелавыя стасункі з аналагічнымі па профілі структурамі ўстаноў адукацыі Рэспублікі Казахстан – Еўразійскім нацыянальным універсітэтам імя Л.М. Гумілёва (ЕНУ), Казахскім нацыянальным педагагічным універсітэтам імя Абая (КазНПУ), Карагандзінскім універсітэтам імя акадэміка Я.А. Букетава (КарУ), Кастанайскім рэгіянальным універсітэтам імя Ахмета Байтурсынава, а таксама Заходне-Казахстанскім аграрна-тэхнічным універсітэтам імя Жангір хана.
Пачатак супрацоўніцтву быў пакладзены ў снежні 2015 г., і з таго часу сувязі толькі ўмацоўваліся. Мінулы год не стаў выключэннем. У красавіку факультэт прыродазнаўства прымаў дэкана фізікатэхнічнага факультэта КарУ Асылбека Калкенавіча Зейнідзенава, у маі арганізаваў круглы стол у рэжыме анлайн з удзелам выкладчыкаў біёлага-геаграфічнага і хімічнага факультэтаў гэтай жа ўстановы, а ў кастрычніку правёў анлайн-семінар «Навуковыя даследаванні маладых вучоных», на якім вынікамі сваіх пошукаў падзяліліся студэнты – удзельнікі СНДЛ.
Партнёрскія стасункі ажыццяўляюцца таксама ў межах навукова-даследчай дзейнасці. Прадстаўнікі прафесарска-выкладчыцкага складу alma mater і казахскіх універсітэтаў выступаюць з дакладамі на міжнародных канферэнцыях на базе БДПУ і КазНПУ. З 2015 г. дэкан факультэта прыродазнаўчых навук ЕНУ Н.Л. Шапекава ўваходзіць у склад рэдкалегіі «Весці БДПУ. Серыя 3. Фізіка. Матэматыка. Інфарматыка. Біялогія. Геаграфія». У рамках правядзення беларуска-казахстанскага конкурсу БДПУ і ЕНУ падалі заяўку на рэалізацыю ў 2018/2019 гг. сумеснага праекта «Хімічная мадыфікацыя монатэрпенавых злучэнняў і выяўленне вытворных з біялагічнай актыўнасцю». Ад нашага ўніверсітэта праект узначаліў загадчык навукова-адукацыйнай лабараторыі біяхіміі і біятэхналогіі В.М. Каваленка, а ад казахстанскага – дырэктар інстытута прыкладной хіміі Ерлан Сулеймен. Акрамя таго, пад кіраўніцтвам дацэнта кафедры хіміі В.Э. Агароднік пры падтрымцы навукоўцаў КазНПУ пададзена заяўка на фінансаванне навуковых даследаванняў у рамках конкурсу БРФФД «Навука-МС»
У цэнтры ўвагі БДПУ знаходзяцца таксама пытанні развіцця экспарту адукацыйных паслуг. З 2018 г. на дзвюх кафедрах факультэта прыродазнаўства стажыроўкі ў рэжымах афлайн і анлайн прайшлі 46 магістрантаў і 7 дактарантаў з трох універсітэтаў Казахстана. Навуковымі кансультантамі 11 казахстанскіх дактарантаў з’яўляюцца выкладчыкі факультэта прыродазнаўства – дацэнты А.Л. Казлова-Казырэўская, Г.Б. Мельнікава, Г.В. Таранчук, А.В. Белая.
У лістападзе 2021 г. у стажыроўцы на базе факультэта прыродазнаўства БДПУ прыняла ўдзел група магістрантаў з Казахстана. Вось як пракаментавала вынікі працы прадстаўніца КазНПУ Курбанай Сагынбаева: «Хачу адзначыць актуальнасць тэматыкі лекцыйных і практычных заняткаў, даступнасць матэрыялаў, а таксама высокі ўзровень выкладання. Найбольш запатрабаванымі асабіста для мяне былі фізіка-хімічныя метады аналізу, храматаграфія, інавацыйныя прыёмы выкладання хіміі, лічбавая лабараторыя Фур’е, рашэнне алімпіядных задач, якасны хімічны аналіз»
Такім чынам, эфектыўнае міжнароднае супрацоўніцтва ў сферы адукацыі і навукі дае магчымасць універсітэтам-партнёрам удасканальваць якасць падрыхтоўкі будучых спецыялістаў, павышаць узровень навуковых даследаванняў, пашыраць прафесійны кругагляд і магчымасці самарэалізацыі як выкладчыкаў, так і студэнтаў.
Наталля НАВУМЕНКА, Галіна МЕЛЬНІКАВА
20 верасня 2021 года № 11 (1265)
НАС ЯДНАЕ АДУКАЦЫЯ, КУЛЬТУРА І МАСТАЦТВА
Дзень народнага адзінства аб’яднаў не толькі жыхароў нашай краіны, але і беларусаў замежжа. Так, 17 верасня факультэт эстэтычнай адукацыі БДПУ прымаў дэлегацыю Саюза беларусаў Латвіі на чале са старшынёй праўлення, кіраўніком Рыжскага беларускага таварыства «Прамень» Аленай Лазаравай.
«Мы жывём у Латвіі, і нам важна, каб сувязі з суайчыннікамі захоўваліся. Культура не ведае межаў, таму неабходна мець платформу для наладжвання стасункаў, даверу і супрацоўніцтва. У гэтым мы бачым сваю місію. Мы адчуваем сябе часткай беларускага народа, нягледзячы на тое, што пражываем за мяжой. Любы прыезд у Беларусь, на Радзіму, для нас – крыніца натхнення. І ў той жа час мы заўсёды везлі адсюль часцінку дабрыні і цяпла ад сустрэч з землякамі. Адзінства – гэта неабходная ўмова развіцця і руху наперад, калі агульнымі намаганнямі можна дасягнуць любых мэт. І тое, што кожны з нас робіць, усё разам складваецца ў вялікі і добры вынік», –падкрэсліла Алена Лазарава.
Для гасцей была праведзена экскурсія «БДПУ: будучыня пачынаецца тут». Прадстаўнікі Саюза беларусаў Латвіі наведалі Рэспубліканскі рэсурсны цэнтр інклюзіўнай адукацыі, ганчарную майстэрню, майстэрні народных рамёстваў, азнаёміліся з экспанатамі выстаўкі народных рамёстваў і мастацкай творчасці студэнтаў і выкладчыкаў ФЭА. Адбылася таксама «Размова на перспектыву».
«Наш універсітэт валодае выдатнымі адукацыйнымі магчымасцямі для захавання нацыянальных культурных традыцый. У развіцці гэтага напрамку вельмі зацікаўлены як БДПУ, так і беларуская дыяспара. У супрацоўніцтве з Саюзам універсітэт рэалізаваў шэраг адукацыйных праектаў. Напрыклад, праведзена стажыроўка 19 латвійскіх педагогаў па тэме, звязанай з карэкцыйнай працай з дзецьмі з асаблівасцямі псіхафізічнага развіцця. Акрамя таго, у БДПУ вучацца выпускнікі латвійскіх школ. Гэта вынік прафарыентацыйнай работы Саюза беларусаў Латвіі, – адзначыў прарэктар па вучэбнай рабоце БДПУ Аляксандр Васільевіч Макоўчык. – У нас склаліся блізкія і цёплыя адносіны, і мы спадзяёмся на іх паглыбленне і развіццё. Гэтай мэце паслужыць, у прыватнасці, сённяшняя сустрэча з 24 прадстаўнікамі Саюза. Глыбока сімвалічна, што яна адбылася ў Дзень народнага адзінства».
Дырэктар Інстытута павышэння кваліфікацыі і перападрыхтоўкі Ірына Уладзіміраўна Шасцітка ўзгадала асноўныя здабыткі двухбаковага супрацоўніцтва: «Са спадарыняй Аленай мы знаёмы даўно і з 2016 г. па магчымасці стараемся плённа ўзаемадзейнічаць. Так, у ІПКіП праходзілі стажыроўку прадстаўнікі горада Рэзэкнэ, некаторыя з якіх знаходзяцца ў складзе дэлегацыі. Сёння ў нас вучыцца і хутка выходзіць на абарону дыпломнай працы настаўнік пачатковых класаў СШ № 88 г. Рыгі.
Дзякуючы прадстаўнікам латвійскай педагагічнай супольнасці праграмы нашага інстытута становяцца вядомымі, усё часцей работнікі сістэмы адукацыі Латвіі выбіраюць БДПУ, дзе ім забяспечаны высокапрафесійны падыход у павышэнні кваліфікацыі, стажыроўцы і перападрыхтоўцы».
Дэкан ФЭА Святлана Міхайлаўна Кабачэўская распавяла гасцям пра напрамкі работы факультэта, беражлівае стаўленне выкладчыкаў і студэнтаў да культурнай спадчыны Беларусі, пра новы праект «Зімовая майстэрня „Беларускія ўзоры“», для ўдзельнікаў якой будуць праведзены 6 майстар-класаў па народных рамёствах, арганізаваны пазнавальныя экскурсіі і многае іншае.
Незабыўнае ўражанне госці факультэта атрымалі ад беларускіх народных песень (ансамбль «Ярыца», мастацкі кіраўнік А.М. Шугаеў, хормайстар Л.М. Красна), гучання цымбал (ансамбль «Вярба», мастацкі кіраўнік В.В.Андрыенка, канцэртмайстар В.М. Слайкоўская), вакальных здольнасцей чацвёртакурсніка Уладзіміра Аруцюняна, майстар-класа па стварэнні лялек-абярэгаў і сувеніра «Валошка» (старшыя выкладчыкі В.Г. Парфяновіч, С.Я. Зяцікава і С.С. Кулапіна). Зрэшты, сваімі эмоцыямі яны ахвотна падзяліліся з карэспандэнтам «Н».
«З першай хвіліны мы паглыбіліся ў атмасферу прыязнасці, цеплыні, гасціннасці і незвычайнай любові да сваёй справы, спадчыны, увогуле да Беларусі. Вы захоўваеце і перадаеце традыцыі не толькі беларусам, але і ўсім, хто жадае даведацца пра наш народ, яго культуру», – падкрэслілі Жанна, Галіна і Віктар з беларускай суполкі «Мара», што ў горадзе Ліепая. А Таццяна (беларускае таварыства «Вербіца», г. Дагда) дадала: «Вы – вялікія малайцы! Прафесійны падыход да працы бачны ва ўсім. Будзем вучыцца на вашым прыкладзе». З настальгіяй узгадала студэнцкія гады Людміла Сінякова, прадстаўніца аб’яднання «Уздым», што ў горадзе Даўгаўпілс: «Пачуцці радасці і хвалявання апанавалі мной, калі зайшла ў корпус, дзе раней вучылася ў Інстытуце інклюзіўнай адукацыі (у мінулым – дэфекталагічны факультэт). За кароткі час візіту нас пазнаёмілі з напрамкамі работы, зацікавілі ідэямі супрацоўніцтва. Вельмі насычаная і карысная праграма, за якую шчыра дзякуем універсітэту».
21 мая 2021 года № 7 (1261)
У РЭЖЫМЕ відэаканферэнцыі прайшла сустрэча паміж прадстаўнікамі БДПУ і Нанкінскага ўніверсітэта інфармацыйных навук і тэхналогій (Кітай). Прарэктар па вучэбнай рабоце нашага ўніверсітэта Сяргей Іванавіч Васілец і кіраўнікі шэрагу структур БДПУ абмеркавалі з дырэктарам Інстытута педагагічнай адукацыі Ян Цзодун магчымасць заключэння пагаднення аб сумеснай падрыхтоўцы магістраў з ліку дырэктараў школ старэйшай ступені сярэдняй адукацыі КНР, якія маюць ступень бакалаўра.
ФАКУЛЬТЭТ эстэтычнай адукацыі правёў круглы стол з прадстаўнікамі педагагічнага факультэта Карагандзінскага ўніверсітэта імя Я.А. Букетава (Казахстан). Калегі абмеркавалі перспектывы супрацоўніцтва ў галіне педагогікі мастацтва, магчымасці правядзення шэрагу сумесных навучальных, навуковых, метадычных і творчых мерапрыемстваў, у тым ліку ў рамках Тыдня беларуска-казахскай культуры і мастацтва. Узаемную зацікаўленасць выклікала ідэя правядзення ў БДПУ Зімовай і Летняй школ для казахстанскіх студэнтаў, а таксама рэалізацыя праграмы акадэмічнай мабільнасці «Запрошаны прафесар». У адпаведнасці з апошняй ужо ў верасні госцем міжнароднага праекта ФЭА БДПУ «Дзесяць пытанняў майстру пра галоўнае» стане кандыдат мастацтвазнаўства з Карагандзінскага ўніверсітэта Л.Р. Залатарова.
19 красавіка 2021 года № 5 (1259)
НОВЫЯ ПЕРСПЕКТЫВЫ ЎЗАЕМАДЗЕЯННЯ
Пашырэнне кантактаў у сферы міжнароднага супрацоўніцтва – адзін з прыярытэтных напрамкаў дзейнасці БДПУ. Афіцыйныя сустрэчы, абмеркаванні, перамовы спрыяюць наладжванню плённых навуковых і адукацыйных стасункаў. Чарговы крок у гэтым кірунку – візіт у нашу alma mater дэлегацыі Карагандзінскага ўніверсітэта імя акадэміка Я.А. Букетава (Казахстан) на чале з рэктарам, прафесарам, членам-карэспандэнтам НАН РК Нурланам Арынбасаравічам Дулатбекавым.
За тыдзень госці паспелі азнаёміцца з аду- кацыйным працэсам у шэрагу структурных падраздзяленняў – Інстытуце інклюзіўнай аду- кацыі, на факультэтах эстэтычнай адукацыі, гістарычным, фізіка-матэматычным і інш., а таксама пабывалі ў Беларуска-Казахстанскім культурна-адукацыйным цэнтры. Для гасцей была праведзена экскурсія па ўніверсітэце. Яны ўбачылі мастацкую галерэю «Асветнікі зямлі беларускай», наведалі залу рэдкай кнігі, спартыўны комплекс БДПУ.
У рамках візіту рэктар нашай установы Аляксандр Іванавіч Жук абмеркаваў з калегамі перспектывы рэалізацыі дагавора аб супрацоўніцтве паміж БДПУ і КарУ. Падчас круглага стала «Размова на перспектыву» былі падведзены вынікі сустрэчы, агучаны планы па наладжванні партнёрскіх стасункаў паміж факультэтамі і інстытутамі па падрыхтоўцы педагагічных кадраў. У прыярытэце – работа па арганізацыі сумеснай праграмы падрыхтоўкі магістрантаў і спецыялістаў у галіне інклюзіўнай, пачатковай і эстэтычнай адукацыі.
Акрамя таго былі выказаны прапановы сумеснага ўдзелу ў даследчых праектах, навуковых канферэнцыях, вэбінарах, правядзення анлайн-лекцый, ажыццяўлення акадэмічнага абмену выкладчыкамі і студэнтамі, арганізацыі стажыроўкі магістрантаў і дактарантаў. У бліжэйшы час рэктары абодвух універсітэтаў плануюць падпісаць «дарожную карту» супрацоўніцтва.
У сваім шчыльным графіку госці знайшлі час, каб падзяліцца з карэспандэнтам «Н» уражаннямі ад візіту ў БДПУ.
Старшыня праўлення – рэктар Карагандзінскага ўніверсітэта імя акадэміка Я.А. Букетава Нурлан Арынбасаравіч Дулатбекаў:
– Выказваю шчырую падзяку кіраўніцтву БДПУ і асабіста яго рэктару Аляксандру Іванавічу Жуку за цёплы прыём на сяброўскай беларускай зямлі. Нашы дзяржавы і народы аб’ядноўвае агульная гісторыя, мы блізкія духоўна. Упэўнены, што візіт дэлегацыі КарУ надасць новы імпульс супрацоўніцтву паміж універсітэтамі, паслужыць умацаванню духоўнамаральных каштоўнасцей у сістэме вышэйшай адукацыі, развіццю сучасных напрамкаў навуковых даследаванняў.
Дэкан педагагічнага факультэта Мірлан Мейрамбекавіч Іманбекаў:
– У казахстанскай дэлегацыі толькі пазітыўныя ўражанні ад сустрэчы. Мы ўбачылі выдатных кіраўнікоў, прафесійных выкладчыкаў, разумных студэнтаў – прадстаўнікоў сучаснага, паспяховага і перспектыўнага ўніверсітэта з больш чым 105-гадовай гісторыяй. Асаблівая падзяка калектыву ФЭА за цудоўны канцэрт і дэманстрацыю творчых работ студэнтаў.
Дэкан фізіка-тэхнічнага факультэта Асылбек Калкенавіч Зейнідзенаў:
– У БДПУ пануе асаблівая атмасфера, гэта месца не толькі для вучобы: тут ёсць і творчасць, і спорт, і навука! Створаны сучасныя вучэбна-даследчыя цэнтры, дзе ўдала прымяняюцца інавацыйныя педагагічныя тэхналогіі. Паспяхова рэалізуецца міжнароднае супрацоўніцтва, у рамках якога вядзецца падрыхтоўка педагагічных кадраў, у тым ліку для краін блізкага і далёкага замежжа.
Загадчык кафедры педагогікі і методыкі пачатковага навучання прафесар Салтанат Куатаўна Абільдзіна:
– У вас створаны ўсе ўмовы для паспяховай вучэбнай і навуковай дзейнасці студэнтаў. Мяне ўразіла маштабнасць работы Інстытута павышэння кваліфікацыі і перападрыхтоўкі. Хачу таксама адзначыць дзейнасць ФСПТ па арганізацыі валанцёрскай практыкі і Бацькоўскага ўніверсітэта, што дазваляе сфарміраваць прафесійныя кампетэнцыі ў будучых педагогаў.
Кіраўнік Цэнтра спецыяльнай і інклюзіўнай адукацыі Айнагуль Рымбекаўна Рымханава:
– Ваш універсітэт – адзін з тых, хто змог захаваць асновы традыцыйнай сістэмы адукацыі пры далучэнні да Балонскага працэсу, гарманічна інтэгруючы абедзве формы падрыхтоўкі кадраў. Асаблівую цікавасць выклікала магчымасць навучання студэнтаў па розных профілях у рамках адной спецыяльнасці, з чым мы дэталёва азнаёміліся на прыкладзе Інстытута інклюзіўнай адукацыі і Інстытута псіхалогіі. Такі падыход дазваляе вызначаць профільныя асаблівасці спецыяльнасцей і забяспечваць максімальную адпаведнасць якасці падрыхтоўкі педагагічных кадраў запытам сучаснага грамадства і адукацыйнай прасторы ў цэлым. Таксама неабходна адзначыць вялікі пласт выхаваўчай работы БДПУ, выніковасць якой выяўляецца ў дзейнасці студэнцкіх атрадаў, валанцёрскіх каманд і іншых студэнцкіх грамадскіх арганізацый, якія закліканы фарміраваць духоўнамаральныя якасці, такія важныя для будучага педагога.
30 сакавіка 2021 года № 4 (1258)
Калектыў беларуска-ўзбекскага сумеснага факультэта «Інавацыйная педагогіка» Ташкенцкага дзяржаўнага педагагічнага ўніверсітэта імя Нізамі (ТДПУ) урачыста адзначыў свята вясны і абнаўлення Наўруз. У яго святкаванні прынялі ўдзел адміністрацыя ўніверсітэта, прафесарска-выкладчыцкі склад, студэнты, прадстаўнікі Беларускага нацыянальнага культурнага цэнтра ва Узбекістане, замежныя госці. Падчас афіцыйнай часткі кіраўніцтва ТДПУ заахвоціла лепшых куратараў акадэмічных груп.
У адпаведнасці з традыцыяй на факультэце быў накрыты стол з нацыянальнымі стравамі беларускай і ўзбекскай кухні. На спецыяльна падрыхтаванай сцэне ва ўнутраным дворыку ўніверсітэта з творчымі нумарамі выступілі студэнты. Удзельнікі і госці свята разам танчылі і спявалі, дзяліліся радасцю і добрым настроем. Амілхон ІСМАІЛАЎ, дэкан беларуска-ўзбекскага сумеснага факультэта «Інавацыйная педагогіка»
9 сакавіка 2021 года № 3 (1257)
ПЕРСПЕКТЫЎНЫ ВЕКТАР МІЖНАРОДНАГА СУПРАЦОЎНІЦТВА
Калі 2020 год быў адзначаны інтэнсіфікацыяй супрацоўніцтва з гістарычным факультэтам Еўразійскага нацыянальнага ўніверсітэта імя Л.М. Гумілёва (Казахстан), то ў 2021-м расійскі вектар мае ўсе шанцы стаць галоўным кірункам міжнародных кантактаў гістарычнага факультэта БДПУ. Пра гэта сведчыць як дынаміка сустрэч, так і шырокае кола іх удзельнікаў. Чарговае мерапрыемства ў рэжыме анлайн прадстаўнікі гістфака БДПУ на чале з дэканам В.П. Скок правялі з кіраўніцтвам і прафесурай Інстытута гістарычнай, прававой і сацыяльнай адукацыі (ІГПіСА) Башкірскага дзяржаўнага педагагічнага ўніверсітэта імя М. Акмулы.
«Н»-даведка. Акмулінскі ўніверсітэт у 2019 г. заняў 12-ы радок у топ-20 педагагічных універсітэтаў Расіі. У ІГПіСА дзейнічаюць 5 кафедраў, на 7 спецыяльнасцях навучаецца звыш 1000 студэнтаў. Інстытут узначальвае кандыдат педагагічных навук Аксана Аляксееўна Шамігулава.
Калегі распавялі пра асноўныя кірункі дзейнасці і акрэслілі перспектывы навукова-адукацыйнага супрацоўніцтва. Працягам дасягнутых дамоўленасцей стаў тэлемост «БДПУ (г. Мінск) – БДПУ (г. Уфа)», які адбыўся паміж прадстаўнікамі студэнцкага актыву. Першы вопыт міжнароднага ўзаемадзеяння на ўзроўні маладзёжных арганізацый можна назваць паспяховым. Па словах беларускай удзельніцы – студэнткі 2-га курса Маі Раманюк, сустрэча атрымалася цёплай і змястоўнай. «Мы распавялі пра брэндавыя ўніверсітэцкія і факультэцкія праекты, пазнаёмілі з дзейнасцю грамадскіх арганізацый і аб’яднанняў па інтарэсах, абмеркавалі працу ў складзе СНДЛ, правядзенне прафарыентацыйных мерапрыемстваў, забяспечанасць месцамі для пражывання ў інтэрнатах. Студэнтаў з Уфы зацікавіла магчымасць удзелу ў зорных паходах, а будучых гісторыкаў з Мінска – археалагічныя раскопкі ў Башкартастане. Наперадзе нас чакаюць сумесныя праекты і зносіны з цікавымі людзьмі!» – з натхненнем падагульніла Мая.
Па ініцыятыве дэкана гістарычнага факультэта В.П. Скок у канцы лютага прайшоў live-streaming «Урокі мужнасці і патрыятызму», у якім прынялі ўдзел і новыя партнёры з Акмулінскага ўніверсітэта. В.а. загадчыка кафедры айчыннай гісторыі ІГПіСА Рустам Закіравіч Алмаеў распавёў пра патрыятычныя праекты інстытута – мультымедыйны гістарычны парк «Расія – мая гісторыя» і студэнцкі конкурс метадычных распрацовак «Урок мужнасці». Удзельнікі livestreaming з Беларусі, Расіі і Казахстана падзяліліся вопытам сваіх універсітэтаў у справе захавання гістарычнай памяці пра Вялікую Айчынную вайну і агульную Перамогу. Падчас мерапрыемства ў відэазапісе прагучалі песні ў выкананні народнага ансамбля беларускай музыкі і песні «Ярыца» (БДПУ), Уладзіслава Макарэвіча (БрДУ), а таксама калектываў з ЕНУ і інш.
Live-streaming «Урокі мужнасці і патрыятызму» – сімвалічны старт памятных мерапрыемстваў, прымеркаваных да 80-годдзя пачатку Вялікай Айчыннай вайны. Як адзначыла А.А. Шамігулава, дырэктар ІГПіСА, «мерапрыемства дапамагло сустрэцца аднадумцам». Сапраўды, перад установамі вышэйшай адукацыі СНД стаяць агульныя задачы па інтэграцыі ў міжнародную адукацыйную прастору. Акрамя таго, пашырэнне геаграфіі супрацоўніцтва адкрывае новыя перспектывы перад студэнтамі і прафесарскавыкладчыцкім складам гістарычнага факультэта БДПУ і паспрыяе павышэнню якасці адукацыі.
Таццяна БАРЫШНАЯ, намеснік дэкана гістарычнага факультэта па выхаваўчай рабоце
18 студзеня 2021 года № 1 (1255)
ПАШЫРАЕЦЦА супрацоўніцтва Беларусі з Узбекістанам у сферы вышэйшай адукацыі, у прыватнасці, у галіне падрыхтоўкі высокакваліфікаваных кадраў. У мінулым годзе міністэрствы адукацыі дзвюх краін заключылі адпаведнае міжведамаснае пагадненне. У яго рамках па ініцыятыве рэктара БДПУ Аляксандра Іванавіча Жука і кіраўніка ДжДПІ Шаўката Сафаравіча Шарыпава быў падпісаны дагавор аб партнёрстве паміж Беларускім дзяржаўным педагагічным універсітэтам імя Максіма Танка і Джызакскім дзяржаўным педагагічным інстытутам імя А. Кадыры. Асноўная мэта супрацоўніцтва – стварэнне факультэта «Сумесных адукацыйных праграм», студэнты 1–2 і 4-га курсаў якога будуць навучацца ў ДжДПІ, а 3-га курса – у БДПУ па спецыяльнасцях «Практычная псіхалогія» і «Лагапедыя». Таксама бакі зацікаўлены ў акадэмічным абмене студэнтамі і выкладчыкамі, у стажыроўках, павышэнні кваліфікацыі выкладчыкаў на базе абедзвюх устаноў адукацыі, сумесных даследаваннях у сферы педагогікі і псіхалогіі, правядзенні сумесных метадычных семінараў і канферэнцый па ўсіх педагагічных напрамках.
Летам мінулага года абітурыенты, якія выказалі жаданне вучыцца па сумеснай адукацыйнай праграме, накіравалі ў прыёмную камісію ў рэжыме анлайн дакументы, прайшлі адпаведнае сумоўе і прынялі ўдзел у тэставых выпрабаваннях. У выніку 100 узбекскіх студэнтаў былі рэкамендаваны да залічэння на навучанне на рускай мове па двух напрамках бакалаўрыяту («Практычная псіхалогія» і «Лагапедыя») на платна-кантрактнай аснове па адукацыйнай праграме 3+1.
Заняткі на факультэце праводзяць выкладчыкі абедзвюх устаноў вышэйшай адукацыі. Для студэнтаў адкрываюцца новыя перспектывы, у прыватнасці, яны атрымліваюць веды, якія адпавядаюць высокім міжнародным стандартам, з выкарыстаннем найноўшых адукацыйных тэхналогій. Пасля завяршэння навучання студэнты сумеснага факультэта атрымаюць два дыпломы – Джызакскага дзяржаўнага педагагічнага інстытута імя А. Кадыры і Беларускага дзяржаўнага педагагічнага ўніверсітэта імя Максіма Танка. Гэта дасць магчымасць маладым спецыялістам пабудаваць паспяховую кар’еру ў сферы адукацыі і зрабіць важкі ўнёсак у будучыню сваёй краіны.
Кацярына КАРАНЕЦ, намеснік дэкана па вучэбнай рабоце факультэта дашкольнай адукацыі
ДЗЯКУЮЧЫ сваім пазаштатным карэспандэнтам «Н» мае магчымасць знаёміць чытачоў газеты з найбольш важнымі падзеямі з жыцця сумеснага Беларуска-Узбекскага факультэта «Інавацыйная педагогіка». Так, кіраўнік узгаданай структуры Амілхон Ісмаілаў паведаміў нам, што днямі ў Ташкенцкім дзяржаўным педагагічным універсітэце імя Нізамі адбылося пасвячэнне першакурснікаў у студэнты. Ва ўрачыстым мерапрыемстве прынялі ўдзел выкладчыкі і студэнты ТДПУ, а таксама спецыяльна запрошаны госць – дырэктар Беларускага культурнага цэнтра «Світанак» горада Ташкент С.М. Дудзюк.
Рэктар узбекскай установы вышэйшай адукацыі А.Ю. Умараў сардэчна павіншаваў маладых людзей са знакавай падзеяй і пажадаў ім атрымаць на базе БДПУ і ТДПУ трывалыя практыкаарыентаваныя веды. Акрамя таго, Алішэр Юсубжанавіч уручыў першакурснікам доўгачаканыя студэнцкія білеты.
Удзячныя студэнты прадставілі ўвазе прысутных свае творчыя нумары. Невялікую канцэртную праграму для будучых педагогаў падрыхтавалі і госці з Дзяржаўнай кансерваторыі Узбекістана, а таксама прадстаўнікі музычнай кафедры ТДПУ.
23 кастрычніка 2020 года № 12 (1250)
– Сустрэча з Аманжолам аказалася вельмі эмацыйнай і інфарматыўнай, – распавядае Мікіта РАЧЫЛОЎСКІ. – Выказаная мной ідэя напісаць у суаўтарстве артыкул пра знакамітага дзеда калегі была ім горача падтрымана. Нягледзячы на санітарна-эпідэміялагічную абстаноўку, якая часова паставіла праграму акадэмічнай мабільнасці на паўзу, нашы сувязі не перапыніліся. Як вынік – у кастрычніку пабачыла свет публікацыя «У шэрагах беларускіх партызан. Валій Балжанавіч Уразбаеў – арганізатар і нязменны камісар партызанскага атрада „Бальшавік“. Сёння з тэкстам артыкула можна азнаёміцца ў навуковай электроннай бібліятэцы www.elibrary.ru або ў друкаваным зборніку, які знаходзіцца ў Беларуска-Казахстанскім культурна-адукацыйным цэнтры БДПУ.
Вялікая Айчынная вайна заспела малодшага палітрука В.Б. Уразбаева на месцы службы ў г. Асавец Беластоцкай вобласці на пасадзе начальніка друкарні дывізіі. Усіх заслуг адважнага сына казахскага народа ў гады змагання з ворагам не пералічыць. Нават па адной кароткай вытрымцы з баявой характарыстыкі можна меркаваць пра маштабнасць яго дзейнасці: «Пад асабістым кіраўніцтвам В.Б. Уразбаева было праведзена 98 баявых аперацый, а сам партызанскі атрад вырас з 9 чалавек да больш чым 300. В.Б. Уразбаеў сістэматычна праводзіў агітацыйнапалітычную працу сярод мясцовага насельніцтва, асабліва ў перыяд наступлення Чырвонай Арміі; з байцамі атрада выратаваў ад фашысцкіх карнікаў 9135 мірных жыхароў; знішчыў 121 вагон з жывой сілай праціўніка і амаль дзве тысячы паліцэйскіх, нямецкіх салдат і афіцэраў».
Тэма, якую мы сумесна распрацоўваем, з’яўляецца важнай для народаў абедзвюх краін. Я ганаруся тым, што як гісторык і будучы педагог маю магчымасць удакладняць, сістэматызаваць і захоўваць праўдзівыя факты для наступных пакаленняў, для ўмацавання гістарычных і культурных сувязей паміж нашымі рэспублікамі. Праца над праектам працягваецца: падрыхтавана шмат навуковага матэрыялу пра адважных сыноў і дачок казахскага народа, якія пралівалі кроў за вызваленне беларускай зямлі ад нямецкафашысцкіх захопнікаў. Гэтыя звесткі абавязкова будуць апублікаваны, што зробіць іх даступнымі для азнаямлення шырокім колам зацікаўленых асоб.
Рэдакцыя «Н» атрымала цёплы ліст і ад суаўтара публікацыі, палкоўніка запасу, кандыдата юрыдычных навук Аманжола УРАЗБАЕВА. Унук знакамітага партызана звярнуўся да нас з такімі словамі:
– Паважаныя сябры! Бязмерна рады выказаць вам словы ўдзячнасці за Памяць! У Казахстане ведаюць, як вы адказна ставіцеся да сваёй гісторыі, як шануеце сваіх Герояў. Слова «партызан» у Беларусі з’яўляецца сінонімам слова «патрыёт». Такая пазіцыя блізкая і нам, казахам. Асабіста я ганаруся тым, што мой дзядуля зрабіў такі важкі ўнёсак у вызваленне свяшчэннай беларускай зямлі ад фашызму. Я вельмі ўдзячны лёсу за тое, што падараваў мне знаёмства з мэтанакіраваным, разумным, інтэлігентным маладым чалавекам – студэнтам БДПУ Мікітам Рачылоўскім. Яго ўдумлівае і паважлівае стаўленне да біяграфіі, здавалася б, чужога чалавека пры падрыхтоўцы сумеснай публікацыі пра баявы шлях дзядулі не магло мяне не крануць. Цудоўна, што на блаславёнай беларускай зямлі жывуць такія выдатныя людзі. Жадаю Беларусі і яе людзям росквіту і дабрабыту!
Падрыхтавала Вераніка МАНДЗІК
30 чэрвеня 2020 года № 8 (1246)
НА МІЖНАРОДНЫМ форуме «Педагагічная адукацыя ва ўмовах сістэмнай трансфармацыі сучаснага грамадства», адным з арганізатараў якога выступіў Маскоўскі педагагічны дзяржаўны ўніверсітэт (МПДУ), нашу alma mater годна прадставіў прарэктар па вучэбнай рабоце С. І. Васілец. Перад больш чым 2500 удзельнікамі анлайн-мерапрыемства Сяргей Іванавіч выступіў з дакладам «Бесперапынная педагагічная адукацыя ў Рэспубліцы Беларусь: ад педагагічных класаў да дадатковай адукацыі дарослых». З яго міжнародныя эксперты даведаліся пра рэалізацыю ў Беларусі канцэпцыі бесперапыннай педагагічнай адукацыі, адкрыццё педагагічных класаў і груп у школах краіны, падтрымку выпускнікоў педкласаў на ўзроўні Кіраўніка дзяржавы, а таксама аб працы вучэбна-навукова-інавацыйнага кластара бесперапыннай педагагічнай адукацыі, кіруючым ядром якога з’яўляецца БДПУ як вядучая ў галіне ўстанова вышэйшай адукацыі. Дададзім, што на базе МПДУ – базавай арганізацыі дзяржаў–удзельніц СНД па падрыхтоўцы педагагічных кадраў і партнёра нашага ўніверсітэта – былі абмеркаваны стратэгічныя напрамкі развіцця сістэмы бесперапыннай педагагічнай адукацыі і спосабы вырашэння актуальных задач падрыхтоўкі педагагічных кадраў.
ВЫДАТНАЙ магчымасцю ўспомніць і расказаць пра падзеі Вялікай Айчыннай стаў IV Усерасійскі (з міжнародным удзелам) вакальна-харавы конкурс імя Д. Б. Кабалеўскага, заснавальнікам якога выступіў Таганрогскі інстытут імя А. П. Чэхава пры падтрымцы Міністэрства культуры Растоўскай вобласці. У рамках мерапрыемства адбыўся конкурс студэнцкіх навуковых работ, на які свае даследаванні накіравалі прадстаўніцы факультэта эстэтычнай адукацыі БДПУ Л. Жукава і А. Федаровіч. Працы дзяўчат «Музычная творчасць Беларусі ў гады Вялікай Айчыннай вайны» і «Ваенная тэма ў творчасці беларускіх аўтараў-франтавікоў» былі ўдастоены адпаведна дыпломаў лаўрэатаў I і ІІ ступеняў. Даследаванні Лізаветы і Аляксандры будуць выдадзены ў навуковым зборніку Таганрогскага інстытута імя А. П. Чэхава.
Журы выказала падзяку навуковым кіраўнікам студэнтак – дацэнтам В. А. Чарняк і Т. В. Сярновай за высокапрафесійную падрыхтоўку ўдзельнікаў конкурсу ў намінацыі «Навуковая праца ў галіне мастацтва і адукацыі»
12 сакавіка 2020 года № 3 (1241)
ФАКУЛЬТЭТ даўніверсітэцкай падрыхтоўкі нашага ўніверсітэта і Інфармацыйна-адукацыйны цэнтр БДПУ ў Кітаі (г. Санья) завяршылі набор грамадзян КНР на навучанне па праграме «Руская мова як замежная». Фінальнае сумоўе прайшло ў рэжыме анлайн і адбылося з удзелам экзаменатараў – прадстаўнікоў alma mater і Цэнтра. Відэаінтэрв’ю ў групах WeChat паспяхова прайшлі больш за 50 чалавек. Іх навучанне пачнецца на базе Цэнтра, а працягнецца у сценах нашага ўніверсітэта. У жніўні кітайскія навучэнцы стануць слухачамі факультэта даўніверсітэцкай падрыхтоўкі, а затым – студэнтамі першай ступені вышэйшай адукацыі БДПУ.
«Н»-даведка. Інфармацыйна-адукацыйны цэнтр БДПУ ў г. Санья (КНР) быў створаны ў маі 2019 г. з мэтай рэалізацыі сумеснай адукацыйнай праграмы «Руская мова як замежная» для грамадзян КНР.
Дэлегацыя БДПУ на чале з прарэктарам па навуковай рабоце Г. В. Торхавай наведала Маскоўскі педа-гагічны дзяржаўны ўніверсітэт (МПДУ). Паездка адбылася ў рамках дамоўленасцей аб доўгатэрміновым супрацоўніцт-ве, дасягнутых рэктарамі ўстаноў А. І. Жуком і А. У. Лубковым. Прадуманая да дробязей праграма дазволіла членам дэлегацыі за паўтара дня выканаць усе камандзіровачныя заданні і нават далучыцца да культурнага жыцця расійскай сталіцы. Акадэмічны складнік быў рэалізава-ны на адкрытым пашы-раным пасяджэнні рэк-таратаМПДУ. У сваім дакладзе Ганна Васільеўна прэзентавала наш універсітэт, засяродзіла ўвагу на ролі БДПУ як цэнтра кластара бесперапыннай педагагічнай адукацыі
ў краіне, паказала ў дынаміцы дасягненні alma mater па ўсіх напрамках дзейнасці (адукацыйнай, навуковай, выха-ваўчай і г. д.). Таксама Г. В. Торхава паведаміла, што сёння БДПУ распрацоўвае новыя стратэгічныя планы на чарговую пяцігодку. Падчас дыскусіі з удзелам рэктара МПДУ беларускія і расійскія калегі высветлілі, што абедзве ўстановы рухаюцца ў адным кірунку.
Члены дэлегацыі наведалі шэраг інстытутаў МПДУ – фізікі, матэматыкі, філалогіі, мастацтваў, дзе адбыліся сустрэчы з адміністрацыяй і былі дасягнуты дамоўленасці аб сумеснай навукова-даследчай дзейнасці, напрыклад, падачы адразу некалькіх заявак на гранты Беларускага і Расійскага фондаў фундаментальных даследаванняў.
У прыватнасці, Інстытут інклюзіўнай адукацыі БДПУ плануе сумесна з Інстытутам дзяцінства МПДУ арганізаваць даследаванне па праблеме заікання дзяцей.
У ліку стратэгічных напрамкаў супрацоўніцтва варта вылучыць: узаемны ўдзел у навуковых канферэнцыях; актывізацыю акадэмічнай мабільнасці студэнтаў (абмен малымі групамі па 2–3 чалавекі па ўсіх спецыяльнасцях тэрмінам ад тыдня да семестра); навуковыя стажыроўкі; сумесныя сацыяльна-адукацыйныя праекты; канцэртна-выставачную дзейнасць і інш. Усё пералічанае стане на-паўненнем дарожнай карты супрацоўніцтва, бо поспех, як вядома, – за кансалідацыяй намаганняў.
21 лютага 2020 года № 2 (1240)
НАСУСТРАЧ БУДУЧЫНІ
У свеце адбываецца шэраг пераўтварэнняў: іншым становіцца клімат планеты, імкліва развіваюцца тэхналогіі, значныя змены назіраюцца ў складзе насельніцтва. Мы ўсё часцей сутыкаемся з рызыкамі, у аснове якіх ляжаць няроўнасць і працяглыя канфлікты. Для пераадолення гэтых негатыўных тэндэнцый, пабудовы бяспечнага, справядлівага і больш устойлівага свету патрабуецца супрацоўніцтва людзей розных нацыянальнасцей і пакаленняў.
Названыя вышэй пытанні на працягу 2020 г. плануюць абмяркоўваць удзельнікі міжнароднай кампаніі «ААН–75».
З мэтай вызначэння перспектыў супра-цоўніцтва ў рамках правядзення дадзенай ініцыятывы рэктар БДПУ А. І. Жук прыняў Пастаяннага каардынатара Арганізацыі Аб’яднаных Нацый у Рэспубліцы Беларусь Іаану Казана-Вішнявецкі.
У межах кампаніі «ААН–75» плануецца правядзенне Маладзёжнай эстафеты «Насустрач будучыні, якую мы хочам». Ключавымі яе мерапрыемствамі стануць адкрытыя дыскусіі, што пройдуць ва ўсіх абласцях нашай краіны. Аратары прадставяць уласнае бачанне буду-чыні планеты, падзеляцца вопытам папуляры-зацыі каштоўнасцей устойлівага развіцця, раскажуць пра рэалізаваныя маладзёж-ныя праекты.
Арганізатарамі эстафеты пад эгідай Міністэрства адукацыі Рэспублікі Беларусь выступяць рэгіянальныя ўніверсітэты – удзельнікі кластара бесперапыннай
педагагічнай адукацыі, рэ-сурсныя цэнтры Асацыяцыі «Адукацыя ў інтарэсах устойлівага развіцця», маладзёжныя паслы Мэт устойлівага развіцця.
Комплексную падтрымку мерапрыемстваў Маладзёжнай эстафеты акажа Каардынацыйны цэнтр «Адукацыя ў інтарэсах устойлівага развіцця» БДПУ.
Інэса ЗУБРЫЛІНА,
начальнік КЦ «АУР»
16 студзеня 2020 года № 1 (1239)
Адным з удзельнікаў святкавання 105-годдзя БДПУ стаў госць універсітэта А. Ш. Ісмаілаў – дэкан факультэта «Інавацыйная педагогіка», адкрытага на базе Ташкенцкага дзяржаўнага педагагічнага ўніверсітэта імя Нізамі (ТДПУ) сумесна з БДПУ. Карэспандэнт «Н» не мог не скарыстацца нагодай і сустрэўся з Амілхонам Шукурулаевічам у апошні дзень яго знаходжання ў Мінску, каб даведацца пра ўражанні ад вядучага педагагічнага ўніверсітэта краіны.
– Стварэнне такой буйной міжуніверсітэцкай структуры, якой і з’яўляецца наш сумесны факультэт, стала сапраўднай падзеяй не толькі для ТДПУ, але і ўвогуле для сістэмы аду-кацыі Узбекістана. Варта нагадаць, што праект быў іні-цыяваны рэктарамі двух педагагічных універсітэтаў –
А. І. Жуком і Ш. С. Шарыпавым і ажыццявіўся шмат
у чым дзякуючы кадраваму патэнцыялу вашага ўніверсітэта і статусу БДПУ як базавай арганізацыі дзяржаў—удзельніц СНД па падрыхтоўцы, перападрыхтоўцы і павышэнні кваліфікацыі педагагічных работнікаў і спецыялістаў у галіне інклюзіўнай і спецыяльнай адукацыі. Падрыхтоўчая праца па стварэнні сумеснага факультэта вялася імкліва. Не прайшло і двух месяцаў, як да вучобы прыступілі студэнты, што выбралі спецыяльнасці «Лагапедыя», «Практычная псіхалогія» і «Дашкольная адукацыя». Сёлета ў нас з’явіўся новы і вельмі запатрабаваны напрамак – «Пачатковая адукацыя». Справа ў тым, што ва Узбекістане моладзь складае больш за 65% насельніцтва краіны (прырост у 2018 г. склаў 1,8%. — Рэд.). Таму веды ў галіне педагагічных тэхналогій і атрыманне прафесіі настаўніка пачатковых класаў не толькі вітаюцца, але
і з’яўляюцца вельмі надзённымі. Сёлета лічбы набору на факультэт «Інавацыйная педагогіка» засталіся ранейшымі. Па выніках прыёмнай кампаніі-2019 на першы курс залічана 150 чалавек.
Мае візіты ў БДПУ шмат у чым звязаны з далейшым развіццём нашага агульнага факультэта, распрацоўкай вучэбных праграм і планаў, сучасных электронных падручнікаў. Я вельмі ўдзячны рэктару ўніверсітэта
А. І. Жуку, які знайшоў час для сустрэчы і абмеркавання шэрагу актуальных пытанняў, а таксама прарэктару па вучэбнай рабоце А. В. Макоўчыку, дырэктарам інстытутаў В. В. Хітрук і Д. Р. Дзьякаву, дэкану факультэта Н. У. Ждановіч і куратару сумеснага факультэта з боку БДПУ С. М. Фякліставай за арганізацыю і забеспячэнне высокага ўзроўню выкладання профільных дысцыплін. Магчыма, вы не ведаеце, што ў нас у ТДПУ праводзіцца інтэрнэт-анкетаванне студэнтаў. Будучым спецыялістам прапануецца адказаць на 10 пытанняў. Напрыклад, якія прадметы падабаюцца, што яны хацелі б змяніць у навучальным працэсе або якую прапанову ўнесці. Некаторыя з іх маюць дачыненне да беларускіх калег. Прыемна праз газету «Настаўнік» паведаміць, што ўзбекскія студэнты задаволены высокім прафесійным узроўнем выкладчыкаў
з БДПУ і адзначаюць практычную накіраванасць навучання.
Таксама мы заўважылі наступную тэндэнцыю. Год назад наша ўзаемадзеянне адбывалася на ўзроўні рэктаратаў універсітэтаў, затым узбагачалася на ўзроўні кафедраў, выкладчыкаў, а цяпер рэалізуецца і студэнтамі. Я маю на ўвазе сітуацыю, калі днямі прадстаўнікі ТДПУ стануць удзельнікамі 55-га інтэрнацыянальнага Зорнага паходу, а вясной прыедуць для ўдзелу ў Дэкадзе студэнцкай навукі. Радуе таксама, што беларускія выкладчыкі, якія працавалі ў Ташкенце, запомнілі імёны лепшых узбекскіх студэнтаў і сёння цікавяцца іх поспехамі.
Што ўразіла? Студэнцкая вёска: прыгожыя будынкі, сучасная планіроўка блокаў, выдатная інфраструктура. Лічу, што студэнты, якія там жывуць, павінны вучыцца на 15 балаў пры існуючай 10-бальнай сістэме. І быць патрыётамі БДПУ і Бацькаўшчыны!
За дні, праведзеныя ў Мінску, я і сам палюбіў Беларусь. Тут прыгожа і чыста, усё квітнее, як у нас у Ташкенце. Ды і самі людзі – беларусы і ўзбекі – падобныя. Гэта выяўляец-ца ў павазе да настаўнікаў і старэйшых па ўзросце людзей, у гасціннасці. Мой дзед Бурыхужа Ісмаілаў, былы салдат-пехацінец, кавалер 4 ордэнаў, вызваляў Беларусь і дайшоў да Берліна. Дык вось, па дарозе з Нацыянальнага аэра-порта я ўбачыў надзвычай прыгожыя лясы і ўзгадаў дзедавы аповеды пра беларускую прыроду.
Пакідаючы Беларусь, забіраю з сабою ўспаміны пра Мір і Нясвіж, пра вашу багатую гісторыю і культуру. А яшчэ пра стравы беларускай кухні, у прыватнасці – толькі не падказвайце! – дранікі, бабку і калдуны. Узбекскія мужчыны, дарэчы, добра гатуюць. Калі жадаеце, магу падзяліцца рэцэптам сваёй любімай стравы. Зацікавіў? Тады спецыяльна для чытачоў «Н» раскажу, як гатуецца нацыянальная ўзбекская дымлама. (Чытайце ў рубрыцы «Смачна есці!»)
Калі ёсць магчымасць, заходжу ў Беларуска-Узбекскі цэнтр ТДПУ, каб пагартаць свежы выпуск «Н». Дарэчы, нашы студэнты таксама спрабуюць чытаць па-беларуску, знаёмыя з пастаяннымі рубрыкамі, цікавяцца, ці могуць і яны напісаць у карпаратыўную газету сяброўскага ўніверсітэта.
Запісала Таццяна БАШМАКОВА
4 кастрычніка 2019 года № 12 (1233)
«АМЕРЫКАНСКАЯ МАРА» СПРАЎДЗІЛАСЯ Ў БДПУ
Адным са стратэгічных напрамкаў дзейнасці БДПУ з’яўляецца ўсё больш інтэнсіўная і плённая прысутнасць універсітэта на міжнароднай адукацыйнай прасторы. Дасягаецца яна ў тым ліку дзякуючы актыўнаму ўдзелу нашых навукоўцаў у разнастайных праграмах акадэмічнага абмену. Гэта, у сваю чаргу, спрыяе павышэнню нацыянальнага і міжнароднага рэйтынгу, прыцягвае ўвагу замежных выкладчыкаў і даследчыкаў да нашай установы, садзейнічае актывізацыі дыялогу паміж універсітэтамі і навукова-практычнымі цэнтрамі. Так, дацэнт кафедры ўсеагульнай гісторыі і методыкі выкладання гісторыі Ірына Іванаўна Кавяка прыняла ўдзел у праграме акадэмічных абменаў «Летнія інстытуты па амерыканістыцы для навукоўцаў і даследчыкаў», арганізаванай Бюро па пытаннях адукацыі і культуры Дзяржаўнага дэпартамента ЗША.
Адбор удзельнікаў праграмы праходзіў на конкурснай аснове. Кандыдаты павінны былі прадэманстраваць свае дасягненні ў сферы адукацыі і навукі, падрыхтаваць матывацыйнае эсэ і прайсці сумоўе на англійскай мове. Заключны этап адбору праходзіў у Вашынгтоне. Ва ўмовах высокай нацыянальнай і міжнароднай канкурэнцыі прадстаўніца БДПУ І. І. Кавяка ўвайшла ў лік 18 удзельнікаў фінальнага спісу.
Праграма праходзіла на базе Універсітэта Дэлавэр і ўключала азнаямленчыя і рабочыя паездкі ў гарады Осцін і Сан-Антоніа (Тэхас), Філадэльфію (Пенсільванія), Нью-Ёрк, Вашынгтон (акруга Калумбія). Удзельнікі наведалі 20 універсітэтаў і даследчых цэнтраў у 9 штатах. Акадэмічная частка была прысвечана актуальным пытанням гісторыі, тэорыі і практыкі знешняй палітыкі ЗША. Адукацыйны і навукова-даследчы кампаненты праграмы дапаўняла багатая культурна-асветніцкая частка, знаёмства з традыцыямі і ладам жыцця амерыканцаў.
Паспяховы ўдзел у праграме быў у значнай ступені абумоўлены тым, што ў свой час Ірына Іванаўна атрымала вышэйшую адукацыю па спецыяльнасці «Гісторыя. Замежная мова (англійская)». Гэта дазволіла спалучыць прафесійныя дасягненні з высокім узроўнем валодання замежнай мовай і адчыніла дзверы на шляху да перспектыў міжнароднага ўзаемадзеяння. Новыя веды і вопыт, набытыя падчас стажыроўкі, дазволяць абнавіць змест акадэмічных дысцыплін, увесці ў абарачэнне новыя метады выкладання і вывучэння гісторыі знешняй палітыкі і дыпламатыі ЗША. Сетка кантактаў удзельнікаў праграмы з’яўляецца добрай асновай для развіцця міжнароднага супрацоўніцтва БДПУ.
Пажадаем выкладчыкам, якія адчуваюць у сабе жаданне і сілы выйсці на міжнародны ўзровень, смела браць удзел у конкурсных адборах замежных праграм. Трэба быць гатовым да таго, што не ўсё можа атрымацца з першага разу. Аднак галоўная перадумова поспеху – не апускаць рукі і зразумець, што няўдача – гэта таксама частка шляху. Навучыцеся засынаць з марай і прачынацца з мэтай, верце ў сябе нягледзячы ні на што, і тады ў вас абавязкова ўсё атрымаецца!
Падрыхтавала Вераніка МАНДЗІК
ІНКЛЮЗІЯ – КЛОПАТ МІЖНАРОДНЫ
Нямецкі фонд «Education and Mobility in Europe» займаецца навучаннем лідараў новага пакалення ў пытаннях інтэграцыі і інклюзіі людзей з абмежаванымі магчымасцямі ў сучаснае грамадства. Праект аб’ядноўвае 12 краін Еўропы, сярод якіх Германія, Грузія, Францыя і нашы бліжэйшыя суседзі – Польшча, Расія і Украіна. У чэрвені мне пашчасціла набыць каласальны вопыт – паўдзельнічаць у штогадовай сустрэчы «We Can Do It» у рамках праграмы Erasmus+. У мінулым годзе яна праводзілася ў Беларусі, сёлета – у гасцінным Азербайджане.
Мэта праекта – пазнаёміцца са становішчам людзей з асаблівымі патрэбамі, даведацца пра заканадаўчую базу, якая рэгулюе іх статус у грамадстве. Асабіста мяне да ўдзелу ў ім прывабіла магчымасць кантактаваць і абменьвацца вопытам, а таксама поўная адсутнасць афіцыёзу. Падчас рэалізацыі праекта дзейнічалі рабочыя групы па інтарэсах (танцавальная, спартыўная, па плаванні і інш.), працавалі воркшопы і майстар-класы, праводзіліся дыскусіі. Запамінальнымі сталі дні нацыянальных культур, дзе мы прадстаўлялі спачатку сваю дзяржаву, а потым іншыя краіны-ўдзельніцы. Своеасаблівая асіміляцыя стала добрым вопытам і магчымасцю для беларускай каманды пазнаёміцца з іншымі культурамі і прадставіць свою.
Падобныя мерапрыемствы вельмі важныя для будучых педагогаў. Знікае страх перад невядомым, неразуменне таго, як правільна паводзіць сябе з людзьмі з асаблівымі патрэбамі. Уласна я ўсвядоміў, што кожны з іх – Асоба, з якой прыемна і цікава кантактаваць.
Антон РАБЦЭВІЧ, гістарычны факультэт
СУМЕСНАЯ МАГІСТРАТУРА ДЛЯ МЭТ УСТОЙЛІВАГА РАЗВІЦЦЯ
БДПУ як вядучая ўстанова вышэйшай адукацыі педагагічнага профілю
ў Беларусі з кожным годам пашырае сетку замежных універсітэтаў-партнёраў, якія таксама займаюць лідзіруючыя пазіцыі ў названай сферы дзейнасці. Інавацыйны падыход да пытанняў адукацыі, выкарыстанне найноўшых тэхналогій, жаданне перадаваць і пераймаць перадавы вопыт – вось тыя агульныя рысы, што яднаюць нас з калегамі з розных краін. Прафесійнае ўзаемадзеянне – гэта не толькі вырашэнне канцэптуальных і прыкладных задач, але і сумеснае навучанне. Такі погляд на развіццё двухбаковага супрацоўніцтва падштурхнуў рэктараты БДПУ і Педагагічнага ўніверсітэта кантона Цуг (Швейцарыя) да стварэння сумеснай магістратуры «Педагагічныя падыходы да адукацыі ў галіне гуманітарных прынцыпаў і каштоўнасцяў». Сёлета прадстаўнікі alma mater – метадыст Каардынацыйнага цэнтра «Адукацыя ў інтарэсах устойлівага развіцця» К. У. Спосаб, выкладчык кафедры псіхалагічнага забеспячэння прафесійнай дзейнасці Інстытута псіхалогіі Т. А. Ніфантава і загадчыца сектара «Першая адукацыя» К. В. Шасцітка завяршаюць двухгадовае навучанне ў гэтай магістратуры.
Танкаўцы былі запрошаны да ўдзелу ў заключнай сесіі і летняй школе «Паслядыпломная адукацыя: лічбавая граматнасць vs лінгвістычныя кампетэнцыі» на базе Ганконгскага педагагічнага ўніверсітэта. Гэтая ўстанова стабільна ўваходзіць у дваццатку лепшых педагагічных універсітэтаў свету і тройку лепшых устаноў педагагічнай адукацыі ў Азіі. Магістранты пазнаёміліся з вірлівым жыццём кампуса, скарысталіся рэсурсамі велізарнай бібліятэкі і паўдзельнічалі ў панэльных дыскусіях і тэматычных сесіях. Дзякуючы таму, што ў рамках праграмы ажыццяўляецца цеснае супрацоўніцтва з Ганконгскім Чырвоным Крыжам, удзельнікі магістратуры наведалі офіс арганізацыі, сталі гледачамі імерсіўнага тэатра «War Zone», пазнаёміліся з навучальнымі рэсурсамі, выступілі на круглым стале, прысвечаным адукацыйным інавацыям
у сферы гуманітарных прынцыпаў і каштоўнасцяў.
Карэспандэнт «Н» звярнулася да Кацярыны Уладзіміраўны Спосаб з просьбай расказаць, якіх вынікаў атрымалася дасягнуць за амаль два гады навучання.
– У рамках розных мерапрыемстваў танкаўцы пазнаёмілі ўдзельнікаў праграмы – прадстаўнікоў 10 дзяржаў з вопытам БДПУ па рэалізацыі адукацыйнага курса Project Humanity ва ўніверcітэце і ў школах краіны. Трэба адзначыць, што намаганні нашай alma mater, накіраваныя на фарміраванне ў студэнтаў і навучэнцаў кампетэнцый, звязаных з дасягненнем Мэт устойлівага развіцця, былі высока ацэнены як кіраўніцтвам міжнароднай магістарскай праграмы, так і яе ўдзельнікамі. Падчас навучальных мерапрыемстваў нашымі ментарамі і навуковымі кансультантамі выступалі прадстаўнікі міжнароднага кансорцыума педагагічных універсітэтаў – Вышэйшай педагагічнай школы Верхняй Аўстрыі, Ганконгскага педагагічнага ўніверсітэта і Педагагічнага ўніверсітэта кантона Цуг.
На сустрэчах з прадстаўнікамі партнёрскіх устаноў магістранты з Беларусі акрэслілі магчымасці супрацоўніцтва з БДПУ ў рамках праграмы «Запрошаны прафесар» з мэтай арганізацыі сумесных семінараў, міждысцыплінарных праектаў і канферэнцый па пытаннях менеджменту ў адукацыі, інклюзіўнай адукацыі
і адукацыі для ўстойлівага развіцця.
Эксперты Міжнароднага камітэта Чырвонага Крыжа і Швейцарскага агенцтва па супрацоўніцтве і развіцці, знаходзячыся пад уражаннем ад узроўню прадстаўленых праектаў, прапанавалі прыцягнуць выпускнікоў магістратуры, у тым ліку з БДПУ, да выкладання ў рамках чарговай міжнароднай магістарскай праграмы ў галіне гуманітарных прынцыпаў і каштоўнасцяў у адукацыі.
Праца прадоўжылася і пасля вяртання ў Беларусь. Сёння ідзе падрыхтоўка да візіту прарэктара Ганконгскага педагагічнага ўніверсітэта, дэкана дэпартамента магістратуры і дактарантуры прафесара Ло Сін Кая, прымеркаванага да святкавання 105-годдзя БДПУ. Прадметам візіту стане абмеркаванне магчымасцяў запуску сумеснай англамоўнай магістарскай праграмы Master in International Education. Акрамя таго, адаптаваны курс Project Humanity можа быць уключаны ў праграмы фармальнай і нефармальнай адукацыі Беларусі, у прыватнасці, праз ІПКіП або цэнтр «Альтэрнатыва» БДПУ і партнёрскую сетку ўстаноў адукацыі Асацыяцыі «Адукацыя для ўстойлівага развіцця».
Гутарыла Таццяна БАШМАКОВА
24 верасня 2019 года № 11 (1232)
На працягу дзесяці вераснёўскіх дзён БДПУ “адкрываў” Зямлю пад белымі крыламі шаснаццаці гасцям з КНР — прадстаўнікам цэнтраў вывучэння Беларусі ў Кітаі. Унікальную магчымасць пазнаёміцца з нашай краінай, яе культурай, мовай і традыцыямі яны атрымалі дзякуючы ўдзелу ў VI Міжнародным адукацыйным праекце “Пазнай Беларусь: ад адукацыі да культуры”. Дарэчы, сёлета ён асаблівы, знамянальны, бо прысвечаны Году адукацыі Рэспублікі Беларусь у Кітайскай Народнай Рэспубліцы.
Станоўчы вопыт БДПУ і высокія вынікі, дасягнутыя ў папулярызацыі айчыннай сістэмы адукацыі ў КНР, былі высока ацэнены як беларускім пасольствам у гэтай дзяржаве, так і на ўзроўні галіновага міністэрства. Развіваючы міжнароднае супрацоўніцтва, вядучы педагагічны ўніверсітэт краіны ўвайшоў у Супольнасць вышэйшай адукацыі “Адзін пояс — адзін шлях”, ажыццяўляе ўзаемадзеянне з больш чым 20 установамі вышэйшай адукацыі і навукова-даследчымі арганізацыямі Кітая, актыўна супрацоўнічае з Фондам падтрымкі таленавітай моладзі пры Міністэрстве адукацыі і навукі КНР. І ў дадатак да гэтага сёлета адкрыў Інфармацыйна-адукацыйны цэнтр БДПУ ў правінцыі Хайнань.
У красавіку бягучага года рэктар універсітэта А. І. Жук наведаў Другі пекінскі інстытут замежных моў. Яго рабочы візіт быў настолькі выніковым, што адну з дэкад верасня ў сценах нашай alma mater прыехалі правесці прадстаўнікі менавіта гэтай установы адукацыі. А разам з імі — кіраўнік групы і студэнты Сіаньскага ўніверсітэта замежных моў і Юйліньскага педагагічнага інстытута. Дадамо, што многія з удзельнікі праекта свядома выбралі для сябе спецыяльнасць “Руская мова” або “Беларуская мова” і тым самым атрымалі шанц прайсці навучанне ў нашым універсітэце і ў краіне ў цэлым. Звяртаючыся да прысутных на адкрыцці VI Міжнароднага адукацыйнага праекта “Пазнай Беларусь: ад адукацыі да культуры”, рэктар БДПУ А. І. Жук сказаў:
— Трэба адзначыць, што кітайцы праяўляюць вялікі інтарэс да Беларусі і вывучэння беларускай мовы, а жыхары Сінявокай, у сваю чаргу, актыўна авалодваюць кітайскай. Сведчанне гэтаму — адкрыццё і дзейнасць у нашай краіне 4 інстытутаў Канфуцыя. Што да БДПУ, то ў ліку замежных грамадзян, якія атрымліваюць вышэйшую педагагічную адукацыю ў alma mater (а іх больш за тысячу), 15 % складаюць студэнты з КНР. Яны праходзяць навучанне на факультэтах даўніверсітэцкай падрыхтоўкі, фізічнага выхавання, эстэтычнай адукацыі, у магістратуры і аспірантуры, стажыруюцца ў Інстытуце павышэння кваліфікацыі і перападрыхтоўкі.
Вось ужо 10 гадоў БДПУ рыхтуе педагогаў па спецыяльнасці “Руская мова і літаратура. Кітайская мова”. У адпаведнасці з дагаворам аб супрацоўніцтве, заключаным паміж нашай установай і Паўночна-Заходнім педагагічным універсітэтам (г. Ланчжоу, КНР), студэнты абедзвюх краін на год выязджаюць у партнёрскую ўстанову ў фармаце ўключанага навучання. Акрамя таго, з 2017 г. БДПУ рэалізуе шэраг сумесных адукацыйных праграм з Хэнаньскім універсітэтам, а таксама з Лаянскім і Ліннаньскім педагагічнымі ўніверсітэтамі па напрамках “Музычнае мастацтва, рытміка і харэаграфія”, “Інклюзіўная адукацыя”.
Даючы старт VI Міжнароднаму адукацыйнаму праекту “Пазнай Беларусь: ад адукацыі да культуры”, Аляксандр Іванавіч падкрэсліў, што разам з кітайцамі ў гэтым выдатным праекце задзейнічаны студэнты БДПУ. У іх з,яўляецца дадатковая магчымасць паглыбіць свае веды па спецыяльнасці “Кітайская мова” і адначасова дапамагчы нашым гасцям загаварыць на рускай і беларускай мовах.
За 10 вераснёўскіх дзён госці з КНР спасціглі асновы беларускай мовы, пазнаёміліся з умовамі навучання ў магістратуры і аспірантуры БДПУ, працай студэнцкіх навуковых лабараторый і дзейнасцю Green Office, наведалі музеі сталіцы, убачылі гістарычныя мясціны, прынялі ўдзел у V Мінскім паўмарафоне і святкаванні 952-га дня нараджэння беларускай сталіцы. “А чым запомніцца прыезд у Беларусь і БДПУ асабіста Вам?” — з такім пытаннем звярнуўся да кітайскіх гасцей карэспандэнт “Н”. І вось што пачуў.
Ма Лі, дацэнт Юйліньскага педагагічнага ўніверсітэта:
— У БДПУ працуюць добразычлівыя і вельмі гасцінныя людзі. Яны падрыхтавалі для нас разнастайную адукацыйную і культурную праграму. Нават не верыцца, што за 10 дзён можна столькі ўбачыць і пачуць, прыняць удзел у такой колькасці мерапрыемстваў — універсітэцкіх і гарадскіх. Ад паездкі ў мяне застануцца яркія ўражанні. Дзякуй, БДПУ!
Ван Цзеі:
— Быў рады пазнаёміцца з Мінскам, беларускай мовай і педагагічным універсітэтам. Тут здорава. Асабліва запомніцца ўдзел у паўмарафоне і нацыянальных спартыўных гульнях “Беларусіяды”. Спадабалася і ў музеях — мастацкім і гістарычным. А калі знаходзіліся на экскурсіі ў Міры і Нясвіжы, то нават трапілі на здымкі фільма! Ну, і не магу не адзначыць, што беларускія дзяўчаты вельмі прыгожыя, з імі прыемна кантактаваць.
Чажн Чуг: — Я вывучала беларускую мову і культуру ў Кітаі, а дапамагала мне ў гэтым любімая выкладчыца — выпускніца БДПУ Вольга Андрэеўна Прыгун. Яна шмат расказвала пра сваю радзіму. Я марыла пабачыць на свае вочы Беларусь — і мара спраўдзілася! Цяпер люблю Мінск і Беларусь яшчэ больш! Жадаю вашай краіне квітнець і з кожным годам станавіцца ўсё больш прыгожай.
Матэрыялы паласы падрыхтавала Таццяна БАШМАКОВА
21 чэрвеня 2019 года № 9 (1230)
КУРС НА ЎСХОД — СТРАТЭГІЧНЫ ХОД
Супрацоўніцтва паміж Беларуссю і КНР, у тым ліку ў сферы адукацыі, інтэнсіўна развіваецца. Актыўным суб’ектам гэтага шматвектарнага працэсу стаў вядучы педагагічны ўніверсітэт нашай краіны. Сёння БДПУ з’яўляецца alma mater для 150 кітайскіх студэнтаў, магістрантаў і аспірантаў, якія, дарэчы, штогод атрымліваюць граматы і падзякі Міністэрства адукацыі Рэспублікі Беларусь за высокія дасягненні ў вучобе, навукова‑даследчай і грамадскай дзейнасці. Выдатнай нагодай для пашырэння партнёрскага ўзаемадзеяння, павелічэння аб’ёму экспарту адукацыйных паслуг стала абвяшчэнне бягучага, 2019‑га, Годам адукацыі Рэспублікі Беларусь у Кітайскай Народнай Рэспубліцы. Кіраўнікі нашага ўніверсітэта і ўстаноў вышэйшай адукацыі КНР падчас дзелавых сустрэч абмяркоўваюць, шукаюць і знаходзяць новыя спосабы ўзаемадзеяння ў адукацыйнай, культурнай і сацыяльнай сферах.
Рабочы візіт рэктара БДПУ А. І. Жука ў Пекін завяршыўся дасягненнем шэрагу дамоўленасцей, якія адкрылі перспектывы для ўзаемадзеяння і супрацоўніцтва не толькі з установамі адукацыі, але і з грамадскімі арганізацыямі Паднябёснай. Як ужо раней паведамлялася ў “Н” (№ 6 ад 30 красавіка 2019 г.), Аляксандр Іванавіч правёў перамовы і падпісаў дагавор з кіраўніцтвам Грамадскага фонду па падтрымцы таленавітай моладзі КНР. У ад паведнасці з дакументам 1 чэрвеня 21 кітайскі школьнік прыступіў да вучобы ў якасці слухача факультэта даўніверсітэцкай падрыхтоўкі БДПУ.
У апошні тыдзень мая першы прарэктар БДПУ С. І. Копцева і начальнік упраўлення міжнароднага супрацоўніцтва С. М. Кабачэўская прынялі ўдзел у адкрыцці Інфармацыйнаадукацыйнага цэнтра БДПУ ў КНР (г. Санья). На яго базе члены беларускай дэлегацыі правялі сустрэчы з вучнямі і дырэктарамі школ, азнаёмілі прадстаўнікоў шматлікіх устаноў і арганізацый з адукацыйным патэнцыялам БДПУ. А праз дзесяць дзён, 5 чэрвеня, наш універсітэт гасцінна расчыніў дзверы членам кітайскай дэлегацыі — кіраўнікам устаноў адукацыі КНР. У рамках візіту госці наведалі музей БДПУ і залу рэдкай кнігі, азнаёміліся з дзейнасцю Рэспубліканскага рэсурснага цэнтра адукацыйнай робататэхнікі і іншых аб’ектаў інфраструктуры нашага ўніверсітэта. Падчас круглага стала “Размова на перспектыву” кітайскія калегі пераканаліся ў рэальна высокім узроўні адукацыйных паслуг, якія БДПУ прадастаўляе замежным грамадзянам. Адзначым, што на адкрыцці мерапрыемства да яго ўдзельнікаў з прывітальным словам звярнуліся рэктар БДПУ А. І. Жук і дырэктар Інфармацыйнаадукацыйнага цэнтра БДПУ ў Кітаі спадар Чжан Леа.
Не менш насычаная праграма чакала гасцей у вучэбным корпусе № 7. Там дэлегацыю сустракалі з нацыянальным каларытам: хлебам-соллю, а таксама выступленнем народнага ансамбля беларускай музыкі і песні “Ярыца”. Дырэктар Інстытута інклюзіўнай адукацыі В. В. Хітрук запрасіла гасцей у Рэспубліканскі рэсурсны цэнтр інклюзіўнай адукацыі, дзе расказала пра дзейнасць Інстытута і акрэсліла магчымыя напрамкі супрацоўніцтва.
На другім паверсе вучэбнага корпуса № 7 гасцей чакала выстаўка прац студэнтаў і выкладчыкаў факультэта эстэтычнай адукацыі, міні-экскурсію па якой правёў прафесар, член Беларускага саюза мастакоў Г. В. Лойка. Відэапрэзентацыя факультэта на кітайскай мове прыемна ўразіла замежных калег. Госці атрымалі таксама вычарпальную інфармацыю пра вучэбную, навуковую і міжнародную дзейнасть, якую ажыцяўляе Інстітут Псіхалогіі.
Напрыканцы сустрэчы дэлегацыю чакаў сюрпрыз — канцэртная праграма студэнтаў і выкладчыкаў ФЭА. У ліку выступоўцаў быў і студэнт з КНР Дай Цяньзяа, які бліскуча выканаў раманс.
Візіт дэлегацыі КНР у БДПУ — больш чым чарговы этап у рэалізацыі плана мерапрыемстваў Года адукацыі Рэспублікі Беларусь у Кітайскай Народнай Рэспубліцы. Мы бачым, як нашы ўсходнія партнёры маштабна дэманструюць адкрытасць нацыянальнай сістэмы адукацыі еўрапейскаму, у тым ліку і беларускаму, досведу. Многія з набыткаў БДПУ ў сферы сучасных адукацыйных тэхналогій зацікавілі гасцей, таму можна з упэўненасцю сцвярджаць, што далейшаму развіццю кітайска-беларускага партнёрства — быць!
Алена РАГІЛЕВІЧ
АДУКАЦЫЯ Ў МІЖКУЛЬТУРНЫМ КАНТЭКСЦЕ
З 2015 г. Рэспубліка Беларусь актыўна ўваходзіць у еўрапейскую прастору вышэйшай адукацыі. Далучэнне да Балонскага працэсу прадугледжвае развіццё акадэмічнай мабільнасці і пашырэнне супрацоўніцтва з замежнымі ўніверсітэтамі для забеспячэння якасці атрыманых ведаў і кампетэнцый. Акадэмічная мабільнасць студэнтаў рэалізуецца ў рамках розных праграм (ERASMUS +, Тэмпус і інш.). Будучыя спецыялісты маюць магчымасць вучыцца ў еўрапейскай партнёрскай установе на працягу аднаго семестра, не перапыняючы адукацыйны працэс у сваім універсітэце. Такая форма ўзаемадзеяння дазваляе ўдзельнікам праграмы атрымаць рознабаковыя веды па выбраным напрамку пад‑ рыхтоўкі, пазнаёміцца з культурай і сістэмай адукацыі іншай краіны, палепшыць валоданне замежнымі мовамі, павысіць канкурэнтаздольнасць на рынку працы. Студэнты факультэта пачатковай адукацыі БДПУ ў 2018/2019 навучальным годзе двойчы станавіліся ўдзельнікамі праграм акадэмічнага абмену ERASMUS +.
У студзені бягучага года студэнтка другога курса дзённай формы атрымання адукацыі Яўгенія БЫКАВА скончыла навучанне па праграме міжнароднага семестра ў рамках пагаднення паміж БДПУ і Вышэйшай педагагічнай школай Верхняй Аўстрыі (г. Лінц). Яна атрымала веды па такіх дысцыплінах, як “Інавацыйныя стратэгіі навучання”, “Кіраванне класам (арганізацыя навучальнага працэсу)”, “Навучанне і адукацыя ў ХХІ стагоддзі”, “Навучанне на свежым паветры”. Таксама будучы педагог паглыбіла веды па нямецкай мове, музыцы і іншых актуальных у прафесійнай дзейнасці настаўніка пачатковых класаў прадметах, выконвала курсавы праект, звязаны з параўнальным аналізам сістэм пачатковай школы Беларусі і Аўстрыі, раз на тыдзень праходзіла педагагічную практыку. Менавіта апошні від дзейнасці найбольш спадабаўся Яўгеніі: — Штотыднёвая практыка займае даволі шмат часу: яна прадугледжвае падрыхтоўку і напісанне пасля кожных заняткаў водгукаў, якія правяраюць нашы куратары. Я працавала з дзяўчатамі з Італіі і Іспаніі ў Інтэрнацыянальнай школе г. Лінц. “Жоўты клас” — гэта дзеткі 6–8 гадоў, зусім яшчэ малыя, але мы выдатна з імі ладзілі. У першы дзень мы расказвалі ім пра сябе і сваю краіну. Я падрыхтавала маляўнічую прэзентацыю з музыкай, відэа, цікавымі фактамі пра Беларусь. Пасля дзеці прызнаваліся, што наша краіна ім вельмі спадабалася. А мне спадабалася шукаць і знаходзіць агульную з імі мову, адчуваць, што кантакт усталяваны, што ёсць зваротная сувязь. Я праходзіла практыку ў цудоўнага настаўніка з вялікім стажам працы і пераняла ад яго шмат прафесійных прыёмаў. Па вывучаемых дысцыплінах звычайна задавалі “на дом” падрыхтаваць эсэ, прэзентацыі, праекты і г. д., так што сумаваць і ленавацца не даводзілася!
Пасля вяртання з Аўстрыі Яўгенія Быкава падзялілася атрыманым вопытам са студэнтамі факультэта падчас круглага стала ў рамках Дня англійскай мовы і правяла прафарыентацыйную сустрэчу з навучэнцамі ДУА “Гімназія № 38 г. Мінска”.
З лютага навучанне ў Вальядалідскім універсітэце (Іспанія) праходзіць трэцякурсніца ФПА Лілія МІКУЛЬСКАЯ. Удзел у праграме абмену дазволіць ёй засвоіць 11 дысцыплін на англійскай мове: “Прымяненне пазітыўнай псіхалогіі і эмацыйнага развіцця ў адукацыі”, “Культурная спадчына і адукацыя”, “Разнастайнасць навучання матэматыцы”, “Геаграфічная, гістарычная і грамадзянская адукацыя ў ХХІ ст.”, “Музыка і культура ў адукацыі”, “Настаўнік як даследчык: метадалогія даследаванняў у класе”, “Вывучэнне і навучанне мовам” і інш. На працягу навучання Лілія, вядома ж, наведвае курсы іспанскай мовы.
— Усе матэрыялы і хатнія заданні з тэрмінамі здачы выкладчыкі размяшчаюць на ўніверсітэцкай платформе Moodle. Гэта вельмі зручна, бо тут я магу атрымаць усе неабходныя звесткі, а таксама зваротную сувязь ад педагогаў, — распавядае пра сваё навучанне Лілія. — Частка прадметаў накіравана на сацыялізацыю студэнтаў у Іспаніі і знаёмства з нацыянальнай культурай і гісторыяй у цэлым. Некаторыя выкладчыкі ў рамках адукацыйнай праграмы правялі для мяне экскурсіі па горадзе і за яго межамі (напрыклад, па Санцьягскім 
ERASMUS + карыстаецца вялікай папулярнасцю ў студэнтаў дзякуючы магчымасці засвойваць розныя крос-культурныя дысцыпліны, а таксама ўмовам спансіравання: удзельнікам аплочваюць навучанне, пражыванне, авіябілеты, медыцынскую страхоўку. Для БДПУ ўдзел у такіх праграмах з’яўляецца добрай магчымасцю пашырыць межы міжнароднага супрацоўніцтва і ўмацаваць свае пазіцыі на еўрапейскай прасторы вышэйшай адукацыі.
Аксана САРОКА,
намеснік дэкана факультэта
пачатковай адукацыі па навуковай рабоце
РАЗАМ — ДА ЎСТОЙЛІВАГА РАЗВІЦЦЯ
Плённае супрацоўніцтва Green Office універсітэта г. Хіль‑ дэсхайм (Германія) і Green Office BSPU працягваецца вось ужо два гады. І гэта не проста сумесная дзейнасць у адным кірун‑ ку і з адной мэтай, але і праца па агульным для абодвух бакоў алгарытме. Адна з формаў узаемадзеяння — сумесны праект маладзёжнай арганізацыі JANUN Hannover e.V. з БДПУ і ўні‑ версітэтам г. Хільдэсхайм “Адукацыя ў інтарэсах устойлівага развіцця праз СМІ”. Яго асноўная ідэя заключаецца ў знаём‑ стве бакоў з медыястратэгіяй партнёраў у сацыяльных сет‑ ках і мясцовых СМІ з мэтай інклюзіі канцэпцыі “зялёнага ўніверсітэта” ва ўніверсітэцкую супольнасць. Акрамя завоч‑ нага ўзаемадзеяння супрацоўніцтва прадугледжвае рэгуляр‑ ныя непасрэдныя кантакты ўдзельнікаў праекта. Сустрэчы адбываюцца па чарзе ў кожнай з краін‑удзельніц.
Чарговая рабочая сустрэча ў рамках праекта прайшла з 2 па 16 чэрвеня: спачатку — у Германіі, а затым — у Беларусі. Так, з 2 па 7 чэрвеня навуковы кіраўнік Green Office BSPU Наталля Салагуб і валанцёр арганізацыі, студэнтка 4-га курса факультэта прыродазнаўства Дар’я Данільчык вывучалі вопыт калег па рабоце са сродкамі масавай інфармацыі з мэтай прыцягнення студэнтаў і супрацоўнікаў да рэалізацыі канцэпцыі “зялёнага ўніверсітэта”.
З 9 па 16 чэрвеня партнёры з нямецкага Хільдэсхайма Сіра Мёлер і Ніна Бадэ (на здымку злева) гасцявалі ў БДПУ. Каардынатары і валанцёры Green Office BSPU прадэманстравалі вынікі працы арганізацыі ў гэтым годзе. Калегі высока ацанілі дзейнасць нашага офіса, адзначыўшы такія істотныя плюсы, як вялікая колькасць валанцёраў, інтэнсіўная праца са школьнікамі, наяўнасць выдатнай пляцоўкі для правядзення мерапрыемстваў — аграбіястанцыі БДПУ.
Госці вывучылі ўсе тонкасці работы Green Office BSPU са сродкамі масавай інфармацыі і сацыяльнымі сеткамі, наведалі рэдакцыю газеты “Настаўнік”, сталі ўдзельнікамі семінараў па працы з мясцовымі СМІ, што праводзіліся на базе нашага ўніверсітэта. Напрыклад, журналіст тэлеканала “МінскТБ” Яўгенія Леснікова паказала гасцям, як пытанні ўстойлівага развіцця знаходзяць адлюстраванне ў рэпартажах мясцовага тэлеканала, і наглядна прадэманстравала, што для беларускай грамадскасці гэтае пытанне надзвычай актуальнае.
Супрацоўнікі Green Office ўніверсітэта г. Хільдэсхайм і Green Office BSPU абмеркавалі перспектывы далейшага супрацоўніцтва і маюць намер узмацніць узаемадзеянне.
Вераніка МАНДЗІК