Свежы нумар

Жыццё БДПУ

БДПУ і камітэт па адукацыі Мінгарвыканкама дамовіліся аб супрацоўніцтве. Свае подпісы пад адпаведным дакументам паставілі рэктар універсітэта А.І. Жук і старшыня камітэта М.А. Ільіна. У адпаведнасці са зместам дагавора распрацавана дарожная карта, рэалізацыя канкрэтных пунктаў якой будзе садзейнічаць метадычнай падтрымцы дзейнасці профільных класаў педагагічнай накіраванасці, актывізацыі прафарыентацыйнай работы, росту прафесійнага майстэрства сталічных педагогаў, папулярызацыі метадалогіі адукацыі ў інтарэсах устойлівага развіцця. На ўрачыстай цырымоніі падпісання прысутнічалі рэктар Мінскага гарадскога інстытута развіцця адукацыі Т.І. Мароз, кіраўнікі ўпраўленняў і аддзелаў адукацыі раённых адміністрацый Мінска, дэканы факультэтаў і дырэктары інстытутаў БДПУ.

На працягу кастрычніка ва ўніверсітэце праводзілася атэстацыя аспірантаў, дактарантаў і саіскальнікаў БДПУ.…

Навіны БДПУ

Ва ўніверсітэце прайшло пашыранае пасяджэнне рэктарата БДПУ на тэму «Выбары Прэзідэнта Рэспублікі Беларусь-2025: што важна ведаць» з удзелам намеснікаў дэканаў факультэтаў і дырэктараў інстытутаў па ідэалагічнай і выхаваўчай рабоце. Ва ўступным слове рэктар універсітэта А.І. Жук адзначыў традыцыйна актыўны ўдзел выкладчыкаў і студэнтаў БДПУ ў выбарчых кампаніях і выказаў упэўненасць у тым, што калектыў alma mater 26 студзеня 2025 г. у чарговы раз прадэманструе высокую грамадзянскую адказнасць і клопат за будучыню краіны.

Cтаршыня пярвічнай арганізацыі РГА «Белая Русь» БДПУ П.А. Мацюш спыніўся на асаблівасцях выбарчага працэсу-2025, этапах электаральнай кампаніі, пытаннях прававой асветы, арганізацыі і правядзення дыялогавых пляцовак са студэнтамі і выкладчыкамі ўніверсітэта…

Свeт без межаў

Прэміяй Надзвычайнага і Паўнамоцнага Пасла Кітайскай Народнай Рэспублікі за высокія вынікі ў вывучэнні кітайскай мовы і культуры ўзнагароджана студэнтка 3-га курса філалагічнага факультэта БДПУ В. Прыстаўка. Вольга з’яўляецца старшынёй СНДЛ «Мовы: супастаўленне і выкладанне», прымае актыўны ўдзел у падрыхтоўцы і правядзенні культурна-адукацыйных праектаў «Кітайская мова і культура» і «Кітайскі Новы год». Сёлета ў рамках міжнароднай навуковай канферэнцыі «Танкаўскія чытанні» будучы педагог выступіла з дакладам «Знаёмства школьнікаў са шматзначнасцю ў кітайскай мове і культуры на матэрыяле выклічнікаў».

Віншуем таленавітую студэнтку з узнагародай!…

Вялікай Перамозе прысвячаецца

ВЫСТАЯЛІ І ПЕРАМАГЛІ

Менавіта такую назву носіць праект, які выконваюць маладыя даследчыкі БДПУ – удзельнікі СНДЛ «Спадчына» гістарычнага факультэта (кіраўнік – дацэнт кафедры гісторыі Беларусі і славянскіх народаў А.Ф. Рацько). Будучыя настаўнікі збіраюць матэрыялы і вывучаюць біяграфіі прадстаўнікоў прафесарска-выкладчыцкага складу, аспірантаў, студэнтаў, супрацоўнікаў нашага ўніверсітэта і тым самым захоўваюць памяць пра несмяротны подзвіг герояў, якія выстаялі ў 1941-м і перамаглі ў 1945-м.

* * *

Галіна Міхайлаўна Каванцава – выпускніца гістарычнага факультэта МДПІ імя А.М. Горкага (1958 г.), кандыдат гістарычных навук, дацэнт. У гады Вялікай Айчыннай вайны яна была камандзірам узвода гвардзейскага знішчальнага авіяцыйнага палка.…

Падзеі. Акцыі. Мерапрыемствы.

КАЛІ СВЯТКАВАЦЬ – ТО З ТРЫУМФАМ!

Напярэдадні свайго 110-годдзя БДПУ ярка і дынамічна адзначыў свята ўсіх аматараў спорту і здаровага ладу жыцця – «Трыумф-2024». У рамках мерапрыемства адбылося падвядзенне вынікаў 69-й і ўрачыстае адкрыццё юбілейнай 70-й круглагадовай спартакіяды, прайшло ўзнагароджанне лепшых каманд факультэтаў, інстытутаў і інтэрнатаў, на сцэну былі запрошаны людзі, якія з’яўляюцца спартыўным гонарам alma mater.

Як адзначыў рэктар БДПУ А.І. Жук, «Трыумф» стаў добрай традыцыяй, якая мацуе сяброўскія стасункі ў танкаўскай сям’і, аб’ядноўвае нас у разуменні каштоўнасці здароўя і падтрымання выдатнай фізічнай формы. У сваім выступленні Аляксандр Іванавіч падкрэсліў: «Шлях да перамогі заўсёды складаны і цярністы, але згуртаванасць і камандны дух – залог нашых поспехаў! Мы актыўна падтрымліваем студэнтаў-спартсменаў, ствараючы ім неабходныя ўмовы для сумяшчэння вучобы і трэніровачнага працэсу, пастаянна абнаўляем матэрыяльную базу. Наша задача – развіваць спорт не толькі на факультэце фізічнага выхавання, але і на ўсіх факультэтах і ў інстытутах. Давайце ж працягваць займацца фізкультурай, весці здаровы лад жыцця, імкнуцца да новых перамог і натхняць адзін аднаго на спартыўныя дасягненні!»

Першымі дыпломы «За папулярызацыю фізічнай культуры і спорту і актыўны ўдзел у арганізацыі спартыўна-масавых мерапрыемстваў» з рук рэктара атрымалі ўсе выкладчыкі, адказныя за фізічнае выхаванне студэнтаў. За шматгадовую плённую працоўную дзейнасць у БДПУ, развіццё студэнцкага спорту і папулярызацыю каштоўнасцей здаровага ладу жыцця дыпломам быў узнагароджаны дацэнт кафедры фізічнага выхавання і спорту І.У. Грыгарэвіч.

У рамках мерапрыемства былі падведзены вынікі круглагадовай спартакіяды сярод студэнтаў БДПУ…